قصة زوجتي المراهقة

زوجتي المراهقة
ياسين : الواليد الله يهديك انا ماغانتزوجش
الحاج : كلت ليك غاتزوج بيها هيا غاتزوج بيها مايمكنش ليا نخوي بصاحبي وصاني عليها هادي 5 سنين مكنتش عارفك غاتبقى بلا زواج تاتكبر هيا الحمد لله عسى ان تكرهو شيئا وهو خير لكم فيها خير الا مت قبل غنتهنا عليها غتبقى دنب فرقبتي غاتزوج بيها يعني غاتزوج بيها بيتي رضايا تزوج بيها بيتي سخط دير لي بيتي
ياسين : ابابا الله اهديك راها صغيرة بزاف و راك عارفني ماباغيش نتزوج الواليد عافاك عفيني عندي واحد صاحبي باغي يتزوج باقي صغير هوا نزوجوها ليه ؟
الحاج : ياسيين هادي اخر هضرا عندي غاتزوج بالبنت الى مابغيتيش مانا باك مانتا ولدي.. اوا شنو ؟ نمشيو نخطبوها غدا ؟
ياسين : الله الواليد غدا مالك زربان
الحاج : اولدي تاحد ماضامن عمرو وديك البنت امانة فرقبتي جالوقت لي نزوجها ليك تاالا مت نموت مرتاح
ياسين : ماتكولش هاهكا الواليد الله اطول لينا فعمرك
الحاج : اميين اولدي يالله نكولو لخبار لماماك نفرحوها
تبع ياسين باباه وهوا ساخط عل الوضعية ماحاملش ديك العروسة لي غيتزوج بيها بز منو و هوا ليماحاملش گنس المرا من نهار لي خطيبتو فسخات الخطوبة بيه و بعد سيمانة دارت عرس و تزوجات خليجي عندو العيالات كلهم بحال بحال تابعين غي الفلوس وملي ياسين دار لاباس ولا من رجال الاعمال المهمين فالمغرب من بعد ما كان مهندس بسيط النفس لي فيه مارضاش بداكشي لي دارت خطيبتو لي تبعات سعودي على قبل الفلوس ف 5 سنين دار ياسين ثروة شركات كبار كان تايخدم الليل و نهار خدمتو و والديه هما حياتو متدين وتايخاف الله تايصلي ديما فالجامع و رضات واليديه عندو من الاولويااات ولكن الحاج و الحاجة زادو فيه ملي بغاو يزوجوه مراهقة
- - - -
فدار اخرى فحي راقي گالسا سلمى كاتبكي فبيتها
الام : مالك تاني ابنتي علاش كاتبكي ؟
سلمى : والو أ ماما غي توحشت بابا
الام : ياك ماخسر ليك هشام خاطرك ابنتي
سلمى : لا اماما عمي ماكاليا والو غي تفكرت بابا وبديت كنبكي
الام : عافا بنتي الا خسر ليك خاطرك اولا گاليك كلمة تجرحك غي گوليها ليا راكي فدار باباك ماتنزليش راسك راه واخا هشام راجلي نتي بنتي و عمري نفرط فيك و لي خسر ليك خاطرك مانرحموش
سلمى : لا اماما عمي هشام ضريف معايا ماتخافيش عليا
الام : غي گولي ليا شنو كاين انا عارفاه ما ساهلش غي گولي ليا اش دار ليك
سلمى : ولا اماما الله اهديك مادار ليا والو
الام : يالله ابنتي نخليك انمشي لخدمة ديها فقرايتك بغيتك تولي لولا فمدراستك شدي ليا الباك ب 17
سلمى : واخا ماما تهناي
خرجات مامات سلمى دخل عندها هشام
هشام : مزيان هاكا نبغيك كاتفكري فماماك كتر من راسك خاصكي تفيقي راه ماماك مايمكنش تعيش بلا بيا الا گلتي ليها شي حاجة غنتخاصمو و انا غانخليها و خوك الصغير غايبقا بلا اب و يقدر ندي ليها الحضانة ديالو راكي عارفاني قاد بيها داكشي علاش خاصكي تلقاي ليك شي حل باش تخرجي من هاد الدار في أقرب وقت اصلا ماكاين تا سباب باش تبقاي هنا ماماك دايرا حياة جديدة باباك مات و انا راجل ماماك ماني عمك مانا باباك خاصكي تلقاي حل طلبي ماماك تخليك تمشي تسكني بوحدك فالبارطما لي خلا ليك باباك و صرفي على راسك راه كونطك عمرو ليك باباك باش تعيشي 40 عام ماماك المكلخة مابغات تقيس دوك الفلوس و تاتخسر عليك نص المانضا ديالها عييت منك و من مصاريفك شوفي بقات ليك سيمانة الا مادرتيش شي حل حياتك نتي و ماماك غاتدمر تافقنا اديك البرهوشة؟!

سلمى : صافي عمي تافقنا غير ماتخسرش الخاطر لماما و خليها تعيش معا ريان انا غاندير شي حل لراسي
**
دخلات ماماها گالت ليها بنتي عندي ليك شي خبار جاوك شي خطاب وانا رديتهوم كانو بغاو يجيو لدار غدا عيطو ليا ولكين انا رفضت حيت هوا كبير علييك بزاااف و نتي باقا صغيورة على الزواج ياك احبيبتي الغزالة :*
باستها فجبهتها و عنقاتها و سلمى فرحانة و قلبها كايتقطع من الداخل فرحانة حيت عندها ام مايمكنش تخطاها وكاتقطع حيت هشام بغا يحرمهم من بعضياتهم كملات ماماها : عرفتي شكون خطبك.. ياسين ههه تخيلي ياسين ولد الحاج الراوي صاحب باباك
سلمى : ماكانعرفوش اماما كانعرف غي عمي احمد باباه
الام : حسن أصلا شيباني گاع ما حشم عمرو 30عام و بغى يتزوج ليا ب بنيتي لي فعمرها 17 عام نور عينيا انا نزوجها و انا باقا مشبعت منها
باستها تاني و عنگاتها و سلمى تاتبكيي بحرقة ماعرفات ماتگول
سلمى : ماما باغا نهضر معاك انا بغيت نمشي نعيش فبارطما ديالي انا باغا نعيش حياتي و نستقل بداتي
جاتها واحد التصرفيقة خفيفة وحنينة من ماماها
الام : ماعمرك تگولي ديك الهضرة انا عمري نخليك تبعدي عليا ماتحلميش نخليك
عنقاتها سلمى وهيا كتبكي وگالت ليها : سمحي ليا ابنتي ضربتك ولكين مايمكنش ليا نسمع هضرة بحال هادي تخرج من فمك و نسكت هادشي كايعني انك مامتعلقاش بيا كيفما انا متعلقة بيك عافا بنتي ما تعاوديش هاد الهضرة واخا ؟!
هاد الهضرة سمعها هشام كاملة و قرر يتحرك ضغيا ويضرب الحديد ماحدو سخون دخل لبيت سلمى گاليها : واو درتو مشهد رومانسي ولكن انا غانخليكوم تكملو على الدراما ديالكم انا غانخلي ماماك و نطلقها ديك ساعة دنبها ودنب ريان على رقبتك نتي..
مشى خرج خلاها كاتبكي ومشى عند مرتو گاليها : علاش ماتزوجيهاش أ سارة ؟ انا كانعرف السيد الله يعمرها دار وزيدون هيا مابقاتش صغيرة سن زواج وصلاتو و راه بعقلها
گالت ليه : عمري نسمعك تگول هاد الهضرة مزاال نتا راجلي اه ولكن ماعندكش الحق تدخل فحياة سلمى ماشي بنتك والى مابغيتيهاش ضرب الباب هادي راها دارها.. دار باها عارفاك علاش كاضور ولاكين ما غنخليكش دخل فحياة بنتي ابدا
شاف فيها نظرة ضعف و ظلم و قهر
گاليها : هدشي كامل مخبياه فقلبك ؟ دابا انا ماعندي تا دور فهاد الدار !! انا دابا غي راجلك كصورة ماعنديش الحق نهضر ولا نعبر على رأي وخا فشي حاجة لي كتهم سلمى لي هيا بحال بنتي !!! الله يسمح ليك
وبداو الدموع كايطيحو ليه شافت فيه ندمات أشد الندم حيت قصحات معاه الهضرة وجرحاتو وهو هادشي كلو غي تمتيل ستاغل الفرصة وخرج من البيت تبعاتو تاتگوليه : سمح ليا راه ماقصدتش
خلاها تابعاه دخل على سلمى هاز رايان ف يديه باسها فجبهتها وگاليها بسلامة أسلمى انا ماعندي ماندير فهاد الدار
ومامات سلمى كاتزاوگو يسمح ليها.. ريان كيبكي وشاد فباباه هو حط ريان وزاد خرج فحالو سلمى فهمات بلي هاداك خلا ماماها حيت ماخرجتش هيا من الدار ومامات سلمى تيقات هشام اسحابليها تقلق حيت جرحاتو ..
دازت اليلة كحلة على سلمى مسكينة لي حاسا بالدنب جيهة ريان وماماها
ماماها بقات كاتعيط ل هشام ميك عليها لغد ليه مشات سلمى عند ماماها عاودات ليها نفس الموضوع هاد الخطرة بالطليب و الرغيب والبكا

زوجتي المراهقة
مشات سلمى عند ماماها عاودات ليها نفس الموضوع هاد الخطرة بالطليب و الرغيب والبكا بينات راسها باغا تعيش بوحدها گالت هضرة كبيرة عليها ولكن بزز منها غير باش هشام يرجع گالت ليها ماماها جوج كلمات : ماتحلمييييييش نخليك تخرجي من دار باك الا لدار راجلك ماعمري نخليك تعيشي بوحدك ماشي معنات انني نوفر ليك مابغيتي انني نخليك ديري مابغيتي دابا سيري لبيتك وماتهضريش فهاد الموضوع ولا غايكون حسابي معاك عسيييير
مشات سلمى لبيتها وقلبها محروق على ماماها و ريان لي غاياخدو منها هشام وما عرفت مادير ماعندها تا حل الا انها تهرب ولكن مقدرتش ديرها هيا خواافة على انها تهرب وتبعد على ماماها بديك الطريقة تخدل ثقة ماماها فيها.. مقدرتش بدات تاتبكي تا داها نعاس فاقت على بورطبلها كايصوني
هشام گاليها : ماغانرجع لدار تا ديري حل انا غادي عند المحامي باش نبدا الاجرءات ديال الطلاق الى متحركتيش ماماك غاتوصلها الاستدعاء فسيمانة
بدات سلمى تاتبكي وتنوح شوية تفكرت هضرة ماماها ملي گالت ليها ماغانخليكش تخرجي من دار باك الا ل دار راجلك

سلمى : ماما فالحقيقة عندي مانگوليك
الام : الله يسمعنا خبار الخير
سلمى : مامااا.. ماما.. اناااا مم..
الام : شوفي عنننداكي تجبدي ليا موضوع البرطما وتسكني بوحدك راه والله ت..
قاطعتها سلمى : لا اماما موضوع اخر فلحقيقة ماما انا قابلة نتزوج بولد عمي أحمد تصدمت ماماها بززااف من هضرتها وگالت ليها : بنيتي واش كاتضحكي ولا كاتهضري من نيتك
سلمى : لا ماما انا كانهضر من نيتي
الام : ههه انا عارفة هاد المرحلة لينتي فيها ابنيتي نتي بغيتي تزوجي باش تبدلي روتين د حياتك نتي دابا متهوره و باقا صغيرة واول واحد خطبك بغيتي تزوجي بيه.. إوا لا ابنيتي انا مستحيل نخليك تخرجي عل راسك وعلى مستقبلك بالطيش ديالك
سلمى : ماما انا ماشي طايشة و ماشي بغيت نبدل روتين حياتي انا بغيت نتزوج
الام : ههه راه احبيبا گاع البنات فالسن ديالك كايدوزو من ديك المرحلة ولكن واليديهم كايعقلوهوم حتى كايكبرو
سلمى : ماما انا الى متزوجتش بياسين غنهرب معاه ولا غانقتل راسي..
وبدات تاتبكي بحرررررقة هنا تصدمات ماماها ...
سلمى : ماما الا ماخليتينيش نتزوج بياسين غانهرب معاه ولا غانقتل راسي .....
تصدمت ماماها من داكشي لي گالت سلمى
الام : نعاااممم ؟!!!! اش كاتگولي أ سلمى
سلمى : ماما انا ياسين كانبغيه وهوا كايبغيني و مانقدرش نعيش بلا بيه اماما مانقدرش عنقاتها وبدات تاتبكيييي بحررررقة عافاك اماما ماتوقفيش فطريق سعادة ديالي اماما
الام : امتى هادشي ابنتي امتى بغيتيه ! و مافخباري والو علاش خبيتي عليا علاقتك بيه ياك انا صاحبتك وماماك علاش خبيتي عليا سلمى بنيتي علاااش !!!
سلمى : حيت عارفاك مغتقبليش ليا و انا ياسين كانبغيه بزاااف اماما عافاك اماما وافقي الله اخليك ا ماماتي خلينا نتزوجو خلاص وحتى من القراية راه واعدني نكمل قرايتي غي وافقي

سكتااات وكاتبكي بقات ماماها تفكر شحال عاد جوبتها : ميمكنش ليا نكون انانية ابنيتي و نفضل نخليك حدايا و نبعدك على الراجل لي كاتبغي مايمكنش ليا واخا مانقدرش نتفرق عليك ولكين نتي بيتي تمشي عند حبيبك وتعيشي حياتك منقدرش نوقف فطريق سعادة اعز انسانة على قلبي الله اكمل ليك بالخير ابنيتي
عنقاتها بكل حب و بجوجهم كايبكيو بحرررقة و لنفس السبب بجوجهوم غايتفارقو على بعضياتهو بزز منهوم كولا وحدة منهوم ضحات على ود لخرى
الام : نوضي ابنيتي عيطي لو گولي ليه يجي يخطبك راه انا موافقة
تصدماااات سلمى وبقات حااالة فمها هادي هيا لي ماكانتش ضاربة ليها حساب ....
سلمى : لا اماما انا غنعيط لعمي هشام نطلبو يجي يحضر غدا.. و نتي عيطي لعمي احمد گولي ليه راكي موافقة
الام : لا ابنيتي غي گوليها لياسين نيشان انا ماعنديش الوجه باش نهضر معا سي الوردي من بعد ما رديتو ..
صافي واخا اماما دخلات لبيتها كاتمشي وتجي تا عيات عيطات لهشام گالتها ليه باش تهنى من همو وبقات تاتفكر تا عيات لبسات و هبطات فدروج
سلمى : ماما انا غادا نقضي واحد الغرض و نرجع
الام : دغيا متعطليش اسلمى خاصنا نوجدو لغدا ونديرو مع الكوافورة..
***
سلمى واقفة قدام باب الشركة ديال ياسين لي عرفات عنوانها من الانترنيت ماكانتش مخالطة دارهوم حيت كانت تاتمشي لدارهم القديمة ليكانت ڤيلا حدا ڤيلا ديالهم كانت پتي ڤيلا على قد الحال كانو تايمشيو عندهوم فاش كان باباها عايش ملي كانت سلمى صغيرة ملي مات باباها مبقاتش كاتمشي عندهم ولكن ديما الحاج كان تايسول فيها كاتبغيه بحال باباها كايفكرها فباباها تايشبه ليه بزاف كان صاحب باها الروح بالروح
سلمى : سلام خويا عافاك باغا نشوف سي ياسين الوردي !
العساس : هههههههههه نعام الالة باغا دفعي لخدما وتاطلبي تشوفي سي ياسين ههه
جاوباتو بعصبية و بتقة زائدة فالنفس : لا انا ماجاياش ندفع سيڤي انا جاية نشوف سي ياسين الوردي
تخلع منها السيكيريتي وخا كان متأكد انها مغتكونش من عائلة سي ياسين الا ان تقتها فراسها خلعاتو
العساس : اه واخا غادخلي نيييشان على يدك ليمن و سولي
سلمى : سلام اختي بيت نشوف سي ياسين
سكرتيرة : لاش باغاه اختي؟
سلمى : شي حاجة شخصية بغيت نشوفو ضروري الله اخليك
سكرتيرة : عندك موعد معاه؟!
سلمى : لا اختي انا جاية على قبل شي حاجة شخصية
سكرتيرة : سمحي ليا سي ياسين مايمكنش اشوفك و ماتايقبلش بحال هادشي
سلمى : سمحي ليا ختي عافاك اختي گولي ليه غي سلمى بنت الحاج السالمي غايگوليك دخليها الله يخليك ضروري عافاك ا ختي
سكرتيرة : الله يهديك راه ميمكنش ليا
ياسين : سلام وئام جيبي ليا كاس د القهوة و دوك ضواصا ديال الاستيراد د البارح
سكرتيرة : واخا اسي ياسين
ضارت سلمى لقات ياسين فرحات جابو الله فوقتو ماكانت هاديك اتخليها دخل
سلمى : سي ياسين عافاك واحد الدقيقة !
طلع فيها وهبط باحتقاااار شديد وگال ل سكريتيرة : شكون هادي ؟

زوجتي المراهقة
يالاه بغات تهضر سكريتيرة هضرات سلمى : انا سلمى بغيت نهضر معاك ضروري عافاك
ماشافش فيها وگاليها : فاش بغيتي تهضري
سلمى : موضوع مهم بزاااف
ياسين : وئام عطيها شي موعد و شرحي ليها القواعد
دخل قبل لا تهضر سلمى شدها الاشمئزاز من التصرف ديالو
سكرتيرة : ختي سي ياسين مغيشوفكش بهاد الحالة الا بيتي تهضري معاه خاصكي تلبسي محتشم ويكون عندك موعد
تصدمت سلمى من هاد الهضرة ملي ياسين ماعارفهاش اصلا و ملي مفرووض على الموظفين والناس لي فالشركة يلبسو محتشم علاش خطبها هي لي ديما تاضرب المينيات مفهمات والو؟!!!
سلمى : دابا امتى اقدر نشوفو ؟
سكرتيرة : من هنا 15 يوم مع 5 اجي تشوفيه وكيف كلت ليك لبسي محتارم الى بيتي يدخلك
باااقا سكرتيرة كاتهضر سلمى دخلاات لبلاصة لي شافت ياسين دخل ليها لقات سكريتيرة اخرى گالت ليها : فين بيرو د ياسين ؟
سكرتيرة : شكون نگوليه
سلمى : سلمى
سكرتيرة : شششش هضري غي بشوية راه
سلمى : علاش نهضر بشوية گلت ليك وريني بيرو ديال ياسين
دخلات البنت لخرى كايهدنو فييها غي باش تسكت مابغاتش تجمعو الموضفين و سلمى باقة دايرا فضيحة
سلمى بالغوات : دخلو گولو ليه سلمى الزياني بات (بغات) تشوفو
الموضفين فالحقيقة مفرجين ماشي غي على الصداع على سلمى لي كانت لابسة كسيوة قصيييرة فالغوز و صندالة بيضة و طالقا السالف الزعيعر و كاتهبببل
ياسين : شكون بسالااامة هاد سلمى الزياني لي دارت هاد الحااالة فشركتي و بغات تشوفني.. مبغيتش نغوت عليك حيت راك بنت من واجبي نتعامل معاك باحترام واخا نتي متعاملتيش بيه شكون نتي !!
تزنگ ياسين وحشم وتفضح كلشي بقى حاال فمو و مصدووووم كون لقا ياسين الارض تشق و تبلعو شوهاتو سلمى من اول نهار شافها فيه كون لقى شي ازار الوحو عليها باش تغطى و هيا نصها عريان هي لي خطب و الموظفات فارض عليهوم الحجاب اش هاد التناقض ! مكرهش اشدها من شعرها و يجفف بيها الارض كتم اعصاابو بزز رغم انه عادة شخص عصبي متسرع و يدو سابقاه
ياسين : دخلي
دخلات تفرقات الجوقة
ياسين : اش بغيتي ؟؟ علاش جاية للشركة ياك رفضتي تزوجي بيا اش جاية ديري هنا؟!
جايا باش نگوليك انا موافقة نتزوج بيك غير جيو غدا لدارنا
ياسين : اسحابلك انا لعبة فيديك ملي تبغي ترفضي ملي ضور ليك فلخوى تجي تگولي لي راك قابلة انا راني ماميتش عليك باش نتزوجك كون ماشي الواليد بززك عليا و گاليا ها السخط ها الرضى گاع منخطبك اصلا دابا غاتمشي من هنا بلا فضايح و راني ماباغيكش و ماغانتزوجش بيك
تصدمات سلمى متوقعاتش هاكا دابا راها واقعة فمشكل كبير خاصها تخرج راسها و الا حياة ماماها غتدمر.. ثقة ماماها فيها غاتهز معرفات ماتگول ما حساتش براسها الا وهيا طايحة فالارض و كتبكي و تاطلبو يجي غدا يخطبها و تتبكي بحرقة
سلمى : خويا ياسين عافاك هاد الزواج مهم بزااااف بالنسبه ليا فحياتي مسألة حياة او موت عافاك عاوني ماتخلينيش بوحدي انا را عيييت عيييت
وبدات تاتبكي وتنوووح
ماتهزات فيه تاشعرة و ماتحرك فيه والو تكول راها كاتغني ماشي كتبكي بكات تا شبعات تا كلينيكس ماعطاه ليها

بقات گالسة فالارض تا كملات ناضت مسحات وجها بيدياتها و هوا باقي واقف گاليها : ساليتي؟! اوا خرجي عليا من هنا مبغيتش نشوف وجهك هنايا مرة اخرى
سلمى متوقعاتش من بعد هاد المعانات كاملة من بعد ماطلباتو يعاونها من بعد ما دلات راسها تكون هادي هي ردة الفعل ديالو هدا قلبو من حجر هادا ماشي طبيعي
تمنات لو دفلات عليه لو خرجات و غبرات من حياتو نهائيا ولكن هوا أملها الوحيد
گالت ليه : انا فعلا غانمشي بالحق ماشي آخر مرة تشوفني انا غانمشي عند عمي و نقولو راني موافقة على هاد الزواج مغنگولش ليه هادشي لي طرا حفاضا على مشاعر عمي باش مايتصدمش فيك ولا عرفتي شنو مغنمشيش عندو غنخليك نتا تاخد القرار و تگولها ليه و غدا بغيت عمي احمد اعيط لماما باش تجيو تخطبوني والا هادشي كاملو غانعاودو لعمي بالتفصيل و غاتجي تخطبني بلحق عمي ليغايجيبك بزز منك المهم انا نصحتك تگولها ليه بلا مانديرها انا ...
خرجات و ضربات الباب بالجهههد ياسين ماكرهش يشدها ويعصيها مزيااان ولكن ماعندو مايدير غير انه يدير داكشي لي گالت ليه حيت فعلا الا هادشي لي دار غايقفرها معاه مشى لدار
ياسين : الواليد عافاك الى مارجع فهضرتك فموضوع بنت الزياني راه مانقدرش نتزوج مبغيتهاش
الحاج : شتي سلمى هيا لي غاتكون مرتك ما غنتهنى عليها الا معاك ملي رفضاتك انا غانمشي نهضر معاها شخصيا راجل مها عارفو ماكايسواش ومعيشها الويل وهي مكتهضرش مايمكنش نموت ونخليها بين اديه اش غانگول للمرحوم الى شفتو
ياسين : ابابا ماتگولش هاكاك الله اطول عمر (تنهد) غي تهنا لبنت وافقت جات عندي للشركة وگالت ليا راه موافقة وطلباتني نگوليك تعيط لماماها ونمشيو غدا نخطبوها
الحاج : الله يفرحك اوليدي كيما فرحتيني ناضت مو كاتزغرت الحاج ديك ساعة عيط لمدام سارة
**
دخلات سلمى لبيتها بكات تا تقاداو الدموع من عينيها حسات براسها غادا لقبر كفس من هادا لي هيا فيه ولكن فضلات تضحي على قبل ماماها وخوها ناضت دوشت ونعسات في انتضار يوم جديد غايكون كلو عداب
الام : نوضي سلومتي فيقي اليوم جايينك الخطاب بنيتي حبيبتي كبرات ولات كاتبغي ياسييين
كاتهرها ماماها وكاتفيق فيها : نوضي باراكا من تبوحيط خاصكي تمشي لصالون وتوجدي راسك يالله
ناضت سلمى مشات لصالون رجعات عطاتها ماماها قفطان غزاااال فالحمر جات سلمى كاتحمممق ماباينش فيها الحزن و الاسى تاتبان عروسة ديال بصححح
دخلو مشات سلمى كاتجري عنقات عمها احمد لي توحشاتو ولي ديما كاتشم فيه ريحت باباها مكانتش مرزنة بحال گاع العروسات كي دخل تلاحت عليه كاتعنق فيه وتاتگوليه توحشتك اعمي مشات عند الحاجة نفس الشي دارتو معاها حيت هاد الناس سلمى كاتبغيهوم بزااف ولكن ياسين مكتعرفوش اصلا ملي كانت عندها 11 عام ماشافتو طلب الحاج العرس يكون سيمانة الجاية رفضات سارة من طبيعت الحال و لكن اقتانعات من بعد حيت سلمى خاصها تستاقر قبل الامتحانات د الباك

زوجتي المراهقة
دازت سيمانة دغيا فالتوجاد دارو عرس مشات سلمى بالبكا كاتعنق فماماها و مقدراتش تفارق عليها و هشام فرحاااان اخييرا غايتهنا من سلمى مشات سلمى مع عائلة ياسين دخلو للفيلا طلعو لبيتهوم
ياسين : اشنو بيتيني ندير فيك دابا؟ صافي درتي داكشي لي بغيتي تزوجتي بياسين الوردي باش تباني قدام صحاباتك نتي كتبرهشي و انا خرجتي عليا ولكين الا ماندمتك مانتسماااش انا ياسين عولي تعيشي اكككفس ايام حياتك فهاد البيت
سلمى : نتا مافاهم والو انا طلبتك تساعدني و نتا قلبك بحال لحجر ماكان عندي تا حل غير هادا بكيت عليك و ماحسيتش بيا
ياسين : شوفي دوك الافلام الهندية ديال المراهقين ديريهوم على شي حد آخر ماشي انا
دخلات سلمى بدلات وماگالت تا كلمة زيادة خرجات لابسة شورط و ديباردور وجامعة شعرها هادشي لي موالفة تلبس فدارهوم بيجاماتها كاملين عبارة عن شورطات شاف فيها ياسين و گاليها : ياك مايسحابليك نتي عروسة د بصاح سيري ستري راسك
تجرحات سلمى فكرامتها وگالت ليه راه انت لي مريض انا لابسة حوايجي ماعرياناش هادشي لي كنلبس فدارنا
ياسين : سيري بدلي عليا ديك الحالة ولبسي حاجة مستورة
سلمى : اولا ماشي سوقك تانيا هادشي لي عندي
لاح ليها كاشا بكل احتقار و گاليها نعسي فالارض تصدمات سلمى هادا ماشي غي حجر هادا مافيه حس الانسانية ولا الرجولة يخلي بنت تنعس فالارض وهو فوق الناموسية شدوها الاعصاب و الغيض و ناضت نعسات فوق الناموسية
خرج ياسين من الدوش تصدم فاش لقاها نعسات فناموسيتو و خلات الكاشة مليوحة فالارض مشى جر عليها الغطا بالجهد : نوضي تگعدي من بلاصتي.. بلاصتك راهيا فالارض
شافت فيه بنص عين ورجعات كملات نعاسها بحالا ماهضرش تحدر هزها و لاحها فالارض ناضت بحالا ماطرا والو ورجعات لناموسية تعصب ياسين من البرود ديالها و طلع ليه الدم ديال بصح و شدها من شعرها : واش ماغاتنوضيش من بلاصتي
شافت فيه : ههه نتا ماشي غي قلبك حجر نتا ماشي راجل كاضرب مرا اشمن مرا بنت صغيرة و باغي تنعسها فالارض لا ماعندي مانكول
رجعات نعسات ولا طاحت ليها دمعة ولا تحركات فيها شعرة ياسين بغى ياكل جنااابو گال : اوووف و خرج من البيت... مشا لصالون گلس تا برد ورجع ليها وكلو شر باغي يقتلها ولقاها ناعسة فالارض بحال الملاك و وسادتها عامرة دموع ناااعسة و هوا كايتشوى صراحة بقات فيه بزاف بقى كايتمعن فيها تحدر بقى كايشووووف فيها كان جاي كلو غضب وسخط عليها كان جاي معول على خزيت ولكن شافها ناعسة بحال الملاك والدموع فعينيها و فوسادتها و شعرها فازك بالدموع بقى كيتعجب
ياسين : ملي كنت هنا ماطاحت ليها تا دمعة تاخرجت عاد بكات بقات فيه بزاااف
ياسين : ااش مخبيا ليا يا سلمى علاش ابابا درتي لي هاكا طلع نعس فناموسية
فصباح فاقت سلمى بشويه مفيقاتوش نزلات سلمات على الحاجة و الحاج گلسات حدا الحاج كيضحكو تا وجد الفطور گلسو كيفطرو وكيضحكو و الفرحة البريئه فعينين سلمى
حسات براسها معا عائلتها حسات بالاماان معاهم حسات براسها مرغوب فيها ماشي عالة على حد

نزل ياسين گلس فطر گاليها : طلعي سلمى بغيتك
كالت ليه : ممسالياش مجمعة معا بابا و ماما
گالت ليها الحاجة : لا ابنيتي غي نوضي شوفي راجلك اش باغيك
طلعات گاليها : بقاي تلبسي حوايجك راه گلتها ليك البارح و خليتك بديك البيجاما حيت راك فبيتك مع راجلك ماشي مشكل ولكن تهبطي بديك الحالة قدام بابا وماما مانسمحش ليك اااخر مرة
خلاتو حتى سالا هضرتو ضارت طار شعرها الزعر الطويييل المموج فالسما وضرب ياسين فوجهو تحرك حرك ياسين وجهو بحالا ترش بالما اول مرة يحس بلي راها انثى ماشي برهوشة ياسين باقي حال فمو فداك الزين وديك الريحة وديك لا طاي و داك الشعر بيما سلمى خرجات باقة ماسداتش الباب فاق ياسين وتبعها جبدها من دراعها للبيت قبل لا تخرج ومن قوة ماهوا معصب ومتوتر و مخلطين عليه المشاعر ديك الجرة لي دار ليها عوجة ههه جات سلمى نيشان و جهها تضرب معا سدرو و هوا باقي شاد فدراعها وكايشوف فيها دفعاتو وبغات تخرج تاني ولكن هوا مطلقش دراعها : گلت ليك ماتخرجيش بهاد الحالة لبسي شي حاجة
سلمى : ماشي سوقك نلبس لي بغيت
ياسين : لا سوقي نتي مرتي قدام بابا و بهاد الحالة كاتشوهيني شوفي مابغيتش نعاود نفس الهضرة هاد الحالة مغتخرجيش بيها من هاد البيت ملي تلبسي حوايجك عيطي ليا راه نمرتي كتبتها ليك
خرج وسد عليها الباب بالساروت بقات كاتشوى وكاتقلى بالاعصاب تا عيات لبسات دجين و بودي داكشي لي لقات مستور عندها وعيطات ليه طلع حل ليها الباب نزلات وسلمات على الحاج و الحاجة و گالت ليهم بلي راها غادا ليسي هضر ياسين قدامهم : ماغادا تالبلاصة بديك الحالة لبسي فولار وشي حاجة محتارمة
غوتات عليه سلمى : واماشي شغلك وا بابا هادشي راه بزاف عليا واش حتى راسي مانقدرش ندير فيه ما بغيت ماما هضري معاه راه سد عليا بالساروت حتى بدلت بيجامتي و دابا غايسد عليا تا مانمشيش المدرسة هضر الحاج كاليها : ابنتي خاصكي تفهمي بلي الحجاب واجب عليك تلبسيه بالحق خاصكي نتي تبغيه ماشي هو لي خاص يبزو عليك ابنيتي
الحاجة : بنتي واخا تكلسي بلى ماتمشي لمدراسة اليوم بغيت نهضر معاك
سلمى : واخا صافي اخالتي
خرج ياسين و هو معصب
الحاجة : سلمى بنيتي بغيتك تعرفي بلي ياسين ولا راجلك و خاصكي تسمعي هضرتو و ماخاصكيش تشدي معاه زكير الا بيتي تعيشي بيخير ياسين راه عصبي ويدو سابق اه ولكن قلبو حنين وضريف خاصكي تعرفي راكي دابا مرات الراجل وخاصكي تفهمي بلي خاص ابان فتصرفاتك و فلبسك
سلمى : واخا اخالتي و لكن لحجاب خاصني انا نبغيه ماشي هو يبززو عليا
الحاجة : صافي ابنتي هاكي قراي هاد الكتوبة باش تعرفي بلي لحجاب واجب عليك و مافيهش اللعب و من ناحية ياسين انا غانخليه يقتانع بلي خاصو يخليك تقتانعي بيه صافي يالله قراي ليا هاد الكتوبة
سلمى : صافي اخالتي غنقراهوم دابا هنا نيت
كلسات فالصالون كاتقرا وجاوها الدموع حيت بعدات على دينها بزاااف حسات بلي دنوبها هوما السباب فهادشي كامل ولكين كان قرار انها تحجب صعيب عليها بزاف واخا تأثرات بزاف ملي قرات غي شوية من دوك الكتوبة قررات من اليوم ماتفلت الصلاة لي ماكانتش تاتصليها اصلا ولكن دابا ماعمرها تفلتها

بقات فصالون تاتقرا وتايطيحو لها الدموع من اهمالها لدينها تال وقيت لغدا تا عيطو ليها خرجات تغدات كان كولشي عادي ضحكات معا الحاج والحاجة كيما ديما و ياسين مغوبش كي العادة مامسوقش ليها سلمى عايشا السعادة معا الحاج و الحاجة ولكن ملي طلعات لبيتها تصدمات ملي لقات حوايجها كاملين غبرووو بلاصتهوم جلالب و عبايات و صايات و كساوي طوااال و بيجامات مامقزبينش جاها داكشي بحال لبس الشارفات غوتات غوتا وحدا جا الحاج و الحاجة كايجريو
الحاج : مالك ابنتي
سلمى : بابا اش هادشي فين هوما حوايجي هضر ياسين من موراهوم كاليها : حرقتهم ...
الحاجة : اويلي اولدي على حرقتيهم
ياسين : متناقشوش معايا سلمى ماغاتعاودش تلبس داك اللبس حوايجها دابا راهوما فالبلاكار شافت سلمى تا عيات و رضات بالامر الواقع و كالت ليهوم بكل هدوء : صافي ماكاين موشكيل انا غاندير لي قلتي ليا اماما
الحاجة : الله ارضي عليك ابنيتي
خرجو كاملين و تبعاتهوم لابسا عبايا و شال نزلات : ماما انا عندي غرض انمشي نجيب شيحاجا من دارنا و انا جايا
الحاج : بلاتي بنيتي نوصلك
سلمى : لا ابابا انا غانمشي فطاكسي بلا مانعدبك
ياسين : تسناي انا نوصلك
سلمى : كلت ليكم غانمشي فطاكسي
نزل ياسين سبقها حل ليها الباب د الطموبيل كاليها : طلعي
سلمى : لا غنمشي فطاكسي
جرها دفعها لطموبيل وسد الباب و ديمارا كاليها ملي تبغي ترجعي عيطي ليا نزلات ماتسوقاتش ليه خلاتو تا مشى وشدات طاكسي عيطات لماماها : كنت جيت لدار نشوفك نسيت واش نتي خدامة هاد الوقيتة انا دابا راجعا مرة خرى ونشوفك
مافاتت نص ساعة تقريبا راهيا ف الدار هازا معاها باليزة كالت ليها الحاجة : هادو حوايجك لي خليتي فداركوم ؟
سلمى : اه اماما اوا عافا بنيتي بلا ماتشدي زكير وتلبسي معيق
سلمى : لا اماما انا اصلا عاجبني هاد اللبس
دخل ياسين لبيتو حل البلاكار تصدم لقاه كلو جلالب و فوقيات و الصبابط غبرو ولاو بلاغي الكومبليات و القوامج الزاز كلشي بلاصتهم جلالب و فوقيات هههه
سلمى طلعات كاتجري : مالك اراجلي لعزيز ياك لباس
ياسين : لا والو باس فين حوايجي
سلمى :بلاتي نشوف ليك هاهوما حوايجك نسيت جاباضورات بلاصت بيجامات نعاس مابقليش ليا لوقت نستفهوم راهوم باقي فلباليزة
شدها من شعرها : فين هوما حوايجي
سلمى : حرقتهم
ومشات كاتجري هبطات لتحت وبقات لاصقة فالحاجة وهيا كترعد من الخوف
ياسين : سلمى سلمى طلعي دااباا
الحاجة : طلعي ابنتي شوفي راجلك اش بغا
سلمى : ماما واخا طلعي معايا راه خايةا منو
الحاجة : علاش تخافي درتي شيحاجة تاني
سلمى : لا غير حيت كاليا نعيط ليه اوصلني و انا جيت فطاكسي
الحاجة : ماتخافيش مغيتعصبش على حاجا تافها بحال هادي
سلمى : اوا يالاهي معايا عافاكي اماما
طلعو بجوج سبقات سلمى كي دخلات بدا ياسين كايغوت : اديك البرهوشة واش بيتي تخرجي ليا لعقل راه تانشد عليك راسي غا بزز شي نهار غانقتلك بانت ليه لحاجة و سكت كالت ليه : اولدي لبنت مسكينة مادارت والو بلا ماتعصب نعل الشيطان
ياسين : اعود بالله من الشيطان الرجيم ولله اماما هاد البرهوشة لي بلاني بيها بابا غاتصطيني
الحاجة : نزل اوليدي نتعشاو و نعل الشيطان

زوجتي المراهقة
تعشاو طلعو نعسات سلمى قبل منو دخل لقاها ناعسا فالارض فاق لفجر بقا تايفيقها و مابغات تفيق تاعيا خواعليها كاس د الما نوضي صلي لفجر سلمى : اوووفف
ناضت صلات رجعات نعسات و صباح مشات لمدرستها دازو ليام نهار على نهار سلمى كاتعلق بالحجاب ديالها وكاتزيد تعلق بالحاج و الحاجة عاشت حياتها وسطهم براحة واخا حياة ياسين روبلاتها ولكن ماكايكون عندو مايدير ليها ديما مسلكا راسها كولا نهار تايفيقها لفجر تا ولفات تفيق تصلي ولات تاتفيق قبل منو و قررات تنتاقم منو داك كاس دلما ليخوا عليها نعسات تال ٣ دليل فاقت توضات صلات قيام الليل وبقات تاتتفيق فياسين : فيق فيق اياسين تصلي فيييق راه تلاته هادي
ياسين : مازال لحال خليني نعس
سلمى : لا نوض تصلي القيام نوض راه التلت الاخير من اليل هادا نوووض
ياسين : سيري بعدي مني خليني نعس
رجع نعس خوااات عيه كاس د الما : لا خاصك تنوض باش تصلي القيام و تدعي الله اهنيك مني
ناض ياسين و هوا معصب شدها من كتفها ولاحها فوق الناموسية و شنق عليها وكاليها : شي نهار نقتلك و ندخل عليك جهنم هي تخنقات وبدات تاتركل طلقها وناض كالت ليه : نتا حيوان كاتعرف غا تضرب و تفرض الرأي ديالك ماكاتعرفش تهضر وتفاهم ربي بتالاني بيك و الله غايغلبني عليك اولا عرفتي شنو ههههه انا طاحت فبالي واحد الفكرة ههههه وبدات تاضحك انا غانصدم ماما فيك (وغمزات ليه) حيت ماما ضروري شي نهار تسولني وتبغيني ندير معاك وليدات هههههه (وبدات تاتزيد فالضحك بكل سخرية) وانا غانخليك تهان كتر من ماهنتيني الف مرررة
ياسين : والله اديك البرهوشة حتى نصفيها ليك الى تجرأتي وطعنتيني فرجولة ديالي تعصب ياسين وصرفقها كاليها علاش هاد الحقد كولو ياك نتي لي جيتي تاترغبي فيا نتزوج بيك ولا مصدقتش ليك كيف كان يسحابليك نتوما كولكوم بحال بحال تابعين غا لفلوس و الفوحان على بعضياتكوم نتي غاتعيشي معايا اسوء ايام حياتك و اول مانلقى الفرصة باش نتهنا منك ماغانترددش كون كانت عندك كرامة كاع ماترغبيني نتزوج بيك كون راك باقا فداركوم اولا داركوم طلعتي ليهوم فالراس و لصقوك ليا هضرت ياسين كاتجي على سلمى بحال الماس كايدبحو فيها جرحها بزااف خصوصا انه فكرها فسباب زواجها كان ياسين تايغوت عليها وهيا مخرجا فيه عينيها وكلها تحدي و سخرية تا كال ديك الهضرة لي خلات ملامح سلمى تبدل من تحدي الى حزن و الم وضعف بداو دموع كايطيحو ليها حطات يدها على فمها و مشات كاتجري دخلات لدوش و سدات عليها ياسين بقا مصدوم من ردة الفعل ديالها مامولفش فيها لبكا بقات فيه ماكرهش امشي يكوليها سمحي ليا ولكين فنضروا حت امرا مكتستاهل هاد الكلمة وزيدن هيا ليجبداتو واخا هكاك ع رفها برهوشة ولكين كان متيقن انها مايمكنش دير داكشي ليكالت ليه واخا ماحاملهاش كان شعور غريب كايربطها بيه وكايجعلو يتيق فيها رغم كل شئ


سالاو امتحانات سلمى شدات الباك بحسن جدا فرحو بيها كاملين ماماها و الحاج الراوي و مرتو كولهوم شراو ليها كادوات و فرحو بيها الا ياسين لي ماكاليها تا مبروك ولكن فخاطرو بغا يشري ليها كادو ويكوليها كلمة زوينة حيت عيا مايحاول يتهرب من انه افكر فيها ولكين ماقدرش نهار كولو وهوا كايفكر فالبرهوشة ماحاملهاش ولكن سيطرات ليه على التفكير ديالو قرر يستسلم و يدير معاها السلام و يعيشو فهدنة مورا الحفلة
الحفلة كانو فيها غي صحاباتها و ماماها و الحاجة الحاج عطاها الكادو قبل ياسين ماشافهاش قبل الحفلة وماكانش فالحفلة نيت كانو فيها غي البنات سلمى دارت مكياج خفييف و لبسات كسوا جابتها ليها ماماها كادو كسوة حمراء نصف كم تايبنو رجيلاتها و يديداتها بحال الحليب شعرها مدلي سلات الحفلة طلعات لبيتها لقات ياسين كايتسناها هاز فيدو كادو ولكن فاش شافها معرفش واش هادي ملاك ولا انسان واش هادي هيا البرهوشة مرتو ؟!! بقا حال فمووو بتاسمات ليه زاد دااب فبلاصتو
سلمى مببرروك نجاح تستاهلي بصاح نستاهل؟! اه تستاهلي ا كتر من حسن جدا
هادا كادو ديالي جبد سنيسلا ديال الدهب و ضارت هيا هزات شعرها ريحتها دوخات ياسين خلاتو يمشي لعالم آخر نساتو ماضيه و حاضرو نساتو انها البرهوشة مرتو نساتو انها انسانة ماكاتسواش انها بحالها بحال كاع لبنات تابعا لفلوس نسا كولشي ملي دارت بتاسمات كالت ليه شكرا حدرات راسها طلع راسها بكل حنان بيدو و غرق فعينيها العسليين ومشا لعالم آخر تحدر باسها و هيا ماعرفات مادير حيت تا هيا دابت فعينيه و فالحنية باش دار ليها السنسلة و فالطريقة باش طلع راسها سهات سلمى و ياسين غارق فعالم آخر ولكن سلمى اداركات الموقف و بعدات بزربا و كالت ليه انمشي نبدل باش نعس

زوجتي المراهقة
بقا ياسين مصدوم من ردة فعل سلمى و من راسو هوا لي ماقدرش ايقاوم جمال سلمى و لي كتاشف انه تايميل ليها بزاف و انها ماشي برهوشة بل هيا مرتو خرج ياسين مارجع تا نعسات سلمى لقاها ناعسا فالارض ماقدرش اشوفها هاكاك هزها و حطها فوق الناموسيا ونعس هوا فالارض فعلا عتارف لراسو بلي سلمى سيطرات عليه كليا
عتارف بلي سلمى هيا حياتو عتارف لراسو اخيرا بلي مايقدرش اقاومها وبلي راها ماشي برهوشة راها انتى و راها حلالو الليل كوللو وهوا كيفكر حتى تاخد قرار انه مايتخلاش عليها ويعرف سبب رغيبها ليه باش يتزوج بيها يعرف علاش هادالبنت المدللة طلباتو يتزوج بيها ودلات راسها وطلباتو يساعدها علاش هاد التناقض فيها مرة قوية بزاف ومرة ضعيفة كتر من لقياس علاش ستسلمات ليه لبارح هادشي كايعني انها ضعافت قدامو كيفما تاهوا ضعاف قدامها بغض النضر على انها نقدات الموقف قبل لا يطور حيت هوا كايعتارف بلي كون ما هربات بديك طريقة مكانش غايفيق نهائيا من ديك الحضة لي كانت بحال الحلم الجميل مانعسش ياسين وقرر الغد ليه يعتارف لسلمى بلي راه كايبغيها وكان متأكد بلي ماغاترفضوش من بعد داكشي ليطرى البارح... الصباح نزل و سمع سلمى تاتهضر معا الحاجة دابا ابنيتي بيتك توكضي وتديها فدارك و راجلك بيتك تولدي لينا شي وليد ولا بنيتا نفرحو بيه لا ماما راه مايمكنش
علاش ابنتي ماتكوليش هاكاك دابا تولدي لينا حفيد ارجعنا لشبابنا انا و باباك هههه
لا اماما ياسين راه اااا انا راه باقا بنت سلمى بغات تعتارف بكولشي للحاجة صافي عيااات من بعد داكشي لي وقع البارح ماتقدرش تكمل فهاد التمتيليه الحاجة ملي سمعات هاكاك فهمات غطل و كالت ليها ماتكوليهاااش ابنيتي مسيكييين وليدي داكشي علاش خلاتو ناديا شكون ناديا ناديا ابنيتي........

ياسين سمع و مقدرش اكمل تصدم من سلمى ومن الهضرا لي كالت عليه و تطعن فالرجولة ديالو تفكر فاش هدداتو ولكين ماتيقش ديرها بصاح خصوصا من بعد داكشي لي وقع البارح
ماماه غاتبق تشوف فيه بشفقة كتر حيت خدولاتو خطيبتو بسباب انه.... وسلمى مافاهما والو كملات ليها الحاجة قصة ناديا و عاودات ليها سلمى قصتها بكات الحاجة على سلمى مسكينة و داكشي لي وقع ليها كالت ليها هشام خليه لي خلقو ونتي عيشي حياتك عتابرينا عائلتك تا الا ماكانش ياسين تايعاملك عل اساس راك مرتو ماعمر انا و الحاج غانفرظو فيك باقي كايهضرو تا صونا تيليفون باكبر فاجعة فحيات سلمى ياسين و الحاجة الحاج فالكلينيك ازمة قلبية مشاو كايجريو لكلينيك ولكين ماشافوهش مات الحاج وتيتمات سارة للمرة التانيا بكات عليه الدم ماشي الدموع و بقات فبيتها ماكاتخرجش الا باش تشوف الحاجة لي كانت فالكلينيك مقدراتش تحمل موت الحاج سلمى من نهار مات الحاج و هيا تاتصلي وتدعي ليه بالرحمة تا دخل عليها ياسين جرها من يدها و داها لطوموبيل لا حها حدا دارهوم كاليها هاداك لي كان جامعني بيك داه لي خلقو خرجي من حياتي باراكا لي درتي فها باراكا تشرشحت بسبابك و بسباب تبرهيش ديالك ولسانك بابا لي كنتي كاتهديني بيه الله ارحمو دابا مابغيتش نشوف وجهك فحياتي مزال لاحها حدا دارهوم ولاح حداها باليزتها و ديمارا خلاها كاتبكي و ماعارفا مادير...... اما ياسين فكيدوز النهار كامل عند مو فكلينيك تا فاقت اول حد سولات عليه كانت سلمى كاليها راها فالدار من نهار مات الحاج و هيا كاتصلي و تدعي هوا تايكول هاد الهضرة وقلبو كايتقطع حيت الطريقة باش لاحها و باش خرجها كانت مهينة بزاف و لكين داكشي لي كالت عليه كان مهين اكتر بقات الحاجة كولا نهار كاتسول على سلمى و هوا كايدخل ويخرج فالهضرا تا نهار مشات لدار برات مابقاش لياسين فين اهرب من اسئلة ماماه

زوجتي المراهقة
من بعد مادازت سيمانا و هوا كايستعدر ليها راها مريضة راها جات ولقاتك ناعسا ومشات دازت جوج سيمانات باش لاحها حدا باب دارهوم وماعارف عليها تا حاجة قلبو كايكوليه امشي يقلب عليها و لكين عقلو رافض رفضا باااتا طلع الحاجا لبيتها و كالت ليه فين سلمى اتكون باقا ناعسا بنيتي كوليها تجي عندي توحشتها بزاااف

دخل ياسين لبيتو اول مدخل كاع الاحدات لي طراو كان ديما غادي جاي عل الكلينيك عمرو بات فالضار عمرو اصلا نعس من نهار مات باه و مرضات ماماه اول مره غايدخل لبيت باش ينعس ماشي باش ابدل دغيا و يخرج بانت ليه بلاصت سلمى تفكر نعسا ديالها البريئه و ملامحها الطفولية تفكر ملي حرقات ليه حوايجو ملي خوات عليه كاس الما ملي بزز عليها تبدل بيجاما ملي سد عليها الباب ملي باسها ماحس تا طاحت دمعا من عينو مسحها دغيا و هوا كايكابر باش مايسمحش لقلبو يغلبو ويمشي يرجعها بلا وعي ناض استغفر الله و مشا عند الحاجة
الحاجة انا بيت نكوليك واحد الحاجة سلمى انا صيفطتها لدارهوم ماتقلقيش مني اماما ولكين مانقدرش نعيش معاها ياسين هاد الضحك الباسل ماقادا عليه انا راني باقا مريضة عيط لسلمى توحشتها سلمى ساااالمىى
ماما راه سالما مشات اويلي هيا نتا مافقلبك رحما كنتي كاتسنا الحاج يسد عينيه باش تجري عليها الله ابنيتي الله اعلم الله كيدايرا حالتها مسيكينا الله ابنيتي سلمى الله راك ماعارفش اش درتيماما انا وسلمى مامفاهمينش منليقوش لبعضياتنا

سكت راني عارفا كولشي بلا ماتمتل عليا سلمى عاودات ليا كولشي نتا راك ماعارفش اش درتي بالبنت ماعارفش بلي طلباتك تزوج بيها حيت ...... عاودات ليه كلشي ولكين مسكينة تعلقات بيك وخا نتا كنتي كاتعامل معاها خايب حسات بيك الحامي ديالها المنقذ وخا نتا كنتي مجبر و هيا عارفا و لكن عتابراتك منقد ديالها رغم كلشي حيت نتا ولفتيها تصلي الفجر نتا كنتي سبابها باش تقرب لله و تحس بالطمأنينة فقلبها هادشي كاملو كالتو عليك ونتا رميتيها لداك الكلب د راجل مها يبهدلها تاني
نسيتي وصيت باك نسيتي بلي راها امانة فعنقك الى يوم الدين نتا اولدي راك رتاكبتي اكبر خطأ فحياتك نوض ديني عندها دااابا
مازال ماكملات هضرتها ناض ياسين كايجري وخلا ماماه ديمارا طوموبيل و مشا كايجري لعند سلمى و الدموع فعينيه وصل دق الباب

خرج ليه هشام ياك لاباس اخويا مانخافوش جاي داير هاد الدقان فهاد الوقت
بغيت سلمى بغيت نشوف سلمى خرجات مدام سميرة كالت ليه سلمى مابقاتش هنايا و تا حد ماعارفها فين كاينا سلمى من نهار لحتيها هنايا ماشفناها سير الله الكيها ليك خرجتي على حياة بنتي خرج عليا خرج عليا هوا بحال شي مسكون مشا تاني كايضور فالشوانط بلا هدف سلمى كانت تاتعيط لماماها يوميا ويوميا كاتطلب ماماها تعرف فين كاينا و ماكاتكولهاش ليها و تا الحاجة كاتعيط ليها و ديما كاتحزرها الحاجة تجي غي تشوفها و والو كل سيمانا كاتجي تشوف ماماها و تغبر ماماها رضات بالامر الواقع وصبرات حيت سلمى نشفات راسها واحد الخطرا توحشات الحاجة و بزاااف حضات ياسين تا خرج مشات شافتها زاوكاتها الحاجة و حلفاتها سلمى ماتكول والو لياسين ياسين ولا عايش و ماعايش كول نهار كايهز شي حاجا ديال سلمى احطها حداه و ينعس ملي كايخرج من الخدمة كايبقي يقلب تا كايعيا ويمشي لدار دازت عام و هوا على ديك الحالة مالقاش سلمى تا عرضات عليه واحد المدراسة كبيرة و معروفة ديال التجارة باش يعطي الشواهد للطلبة المتفوقين ودير ليهوم محاضرة بحكم انه رجل عصامي خصهوم ياخدوه كمتل اعلى مشى ياسين كيفما العادة في ابها حلة جسد ديالو لي كاين قلبو ميت من القهرة و الندم على لي دارو كول نهار تايمشي لقبر باباه يطلبو يسمح ليه حيت فرط فسلمى ولكين ليوما غاترجع الروح لقلبو غايولي يضرب ويطير من الفرحة ....
دازت المحاضرة ديال ياسين و سلمى فواحد القنت كلها توتر شادا القلادة كاتبكي و كاتسنا يفرقو شواهد باش تغبر دغيا عيطو عليهوم وقفو الطلبا مستفين على المنصة كايتسناو توزيع الشواهد ملي طلعو حس ياسين بقلبو كايضرب ماعارفش علاش دار شاف فالطلبة حس بلي شي حاجة كاينا ماعرفش اشناهيا فديك اللحضة جرات سلمى المسؤولة على الحفل لجيهتها وكالت ليها شيحاجا فودنيها المشهد رد ليه ياسين البال ولكين مافهم والو واخا كول ما كايشوف فديك الطالبة ليدايرا نيقاب كايحس بقلبو كايضرب متوقعش انها البرهوشة مرتو عيطات المسؤولة على اول طالب سلمو ياسين الشهادة سلما كاتزيد تزير على السنسلا فعنقها تا وصلات نوبتها
دابا المركز التالت للطالبة سلمى سمع ياسين سلمى تهز قلبو من بلاصتو ولا كولو ادان صاغيا باش اسمع الكنية ولكين المسؤولة ماكالتش الكنية جاتوا غريبة تقدمات سلما وقفات عطاها ياسين الشهادة و شاف عينيها عرفهوم عامرين بالدموع تاكد انها هيا ولا تايتمنى انه يكمل الشواهد دغيا و يمشي عندها بقا فالبروتوكول تا بانت ليه غادا خلا كولشي و تبعها بيما سمع المسؤولة تاتعيط فالميكرو سلمى البوراقي عافاك تفضلي معانا نديرو صورة جماعية شاف ياسين ديك البنت رجعات يعني هادي ماشي سلمى مشى الامل دارو صورة ولكن قلب ياسين باقي تابع سلمى تا بانت ليه شي حاجة طاحت ليها مشى كايجري اهزها و يعطيها ليها

يالله بغا يعيط الاللة شاف فداكشي لي طاح لقاها سنسلة لي عطاها تبعها كايجري ولكين دغيا هيا شدات طاكسي و غبرات مشا كايجري تبع الطاكسي بالطموبيل بلا ماتعيق بيه تا طلعات لواحد العمارا تبعها شاف الساانسور فين مشى وتبعو دارت الساروت فالباب حلاتو دفعو ودخل وجرها لداخل و سد الباب سد ليها فمها باش ماتغوتش حيد الخمار على وجها و عنقها بشوق وبكل حب و الدموع فعينيه شلال
سمحي ليا سلمى سمحي ليا بزاف ماكنتش عارف والله ماكنت عارف سلمى انا عمري مانفرط فيك عافاك رجغي معايا تا ماما غاتسطا و تشوفك الله اخليك سلمى عنقاتو سلمى بكل قوتها الضعيفة و دفعاتو و ضرباتو و بهدلاتو ولكين رجعات عنقاتو و كالت ليه فين كنتي حتا لدابا علاش مالقيتينيش شحال هادا عام وانا كانتسناك توحشتك ياسين علاش درتي فيا هاكا علاش
عنقها تاني وهدنها و كاليها ماعمري نعاود نفرط فيك يا البرهوشة مرتي كانبغيك
رجعات معاه سلمى من طبيعة الحال و عاشو احسن عيشة مع الحاجة و ماماها باقا تا لدابا ماعارفاش اشنهوا السر فزواج سلمى من ياسين و بقات عايشا معا هشام و حاكمافيه مايتململش سلمى شدات اليصانص و نهار حفل توزيع الشواهد جاها لوجع و ولدات وليد سماوه احمد على سميت الحاج احمد الوردي الله ارحمو
#النهاااااااااااااااااية

شكرا على القصة ..

جميل