قصة حب بعد الزواج بقلمي سعاد ز..ي(souad za)

حب بعد الزواج
بقلمي: سعاد ز..ي (souad za)

بدات ليا رنيم المكياج هو الاول كيف طلبت و بنت الهم كادير غير لي فراسها قلت ليها دير ليا مكياج خفيف و هيا رداتني بحال المونيكة ديال عيشورة مي المصيبة كاتصرع المكياج جاني خطير واخا جا شوية اوووفر و معيق مي شغادي ندير الشكوى لله عرفاتني ماعنديش الوقت مزال فين نغسل و نعاود نصايب مكياج خفييف شتو بنت الهم عزيييز عليها تعصبني
انا: ناري على شوهة اش هاذ الفضيحة درتي ليا يا وجه الحبس واش انا غير الخطبة و درتي ليا فوجهي خريطة الاندوشين بحال الى رايحا عروس هاذ الليلة و داك الشايب العايب غادي تحل ليه اصحاب ليه غير فرحانة بيه داكشي علاش ماكيا ليه و دايرا حالا
رنيم: هههههه و علاه الشيباني مالو ماشي راجل بغا تا هو مسكين اعيش لي بقا ليه فحياتو و ي
دير وليداتو اجي بعدا غادي تولدي من ديبار ولا غادي تأجلي الحمل حتا تستمتعوا بالفترة الاولى من زواجكم هادشي الا كان باقي امكن ليه اولد
انا صافي تعصبت ديال بصاح بنت الهم ستفزاتني بالبيان هزيت اقرب حاجا قدامي لي كانت قرعة ديال الريحة و زفيت عليها بيها شوي باش زكلتها اما اليوم كانوا غادي احيروفيها اطباء التجميل: سير اولدك لحناش و العقارب بيت ليك انا اللقوة العسرية
رنيم: امالك اهاذ المتعوسة دكرت ليك الحمل ونتي تجهلي مالوا لاش غادي اتزوج بيك باش تلعبو قاشقاش مثلا راه داكشي تابعك تابعك اللهما نهيئك نفسانيا باش تقبلي الواقع ديالك و زيدون شكون هاذي لي كارها تحس بداك الاحساس ديال الاموم واخا نتي 50 فالمية شاكا واش تقدري تعيشيه ولا لا على حسب داك شويبيني ديالك واش باقي قاضي الغاراض ولا والو
انا مشعرت حتا طرت عليها بنتفا عالمية: باغا تهيئيني نفسانيا آا و هانا دابا حتا انا غادي نهيئ ختي جساديا ديريكت اهزوك لسبطار
رنيم: اي اي اي و الحلوفة وا مييييي شعري اي ا شعري
انا: اليوم نقاد لختي تقطيعا ليكانت باغا دير فشعرها ياك كنتي باغا ديري افيلي ... ها افيلي و لحت كمشا ديال الشعر لي فيدي و عاوت نتفت الجهة التانيا حتا هيا نتفت منها كبة ديال الشعر و ها ديكرادي
طلقتها و جمعت الوقفا الله على راحا ههههه
رنيم باقا مفرشة فالارض و كتزخنن: اهى اهى اهى اهى الله انتقم منك اهى اهى اهى اهى انا لي حمارا لي جايا مقبلاك
انا كنفرنس: الحمد الله و اخيرا عترفتي بلي حمارة اوا نوضي تقعدي على سلامتك وزيدي عاونيني نختار مانلبس
رنيم: سيري البسك حلبس لي سمعك اقول جاي خاطبك توم كروز نتي غير شيباني الله اجعلك تلبسي ليه حوايج المرحومة جداك تباني ليه نتي هيا كارينا كبور ههههه
انا: زيدي عاونيني و سدي دلقوشك قبل مانشتف على ختى تاني
رنيم: اوووف هانا حلي داك الماريو نشوف شنو عندك ختارت ليا قفطيين خفيف بحال لي فالصورة و شعري جمعتو بطريقة عشوائية ب بروش انيق و بقاو شي زغيبات طايحين على وجهي المهيم جيت قرطاسا ( ههههههه شكوون شكار راسو ههه )

قصة حب بعد الزواج بقلمي سعاد ز..ي(souad za) - صفحة 2 Fb_img13

زائر

أتمنى أن تواصل القصة فهي رائعة وشكرا

Imane كتب:: أتمنى أن تواصل القصة فهي رائعة وشكرا

مشكوووووورة حبوبتي cheers

حب بعد الزواج
بقلمي: سعاد ز..ي (souad za)

رنيم: اوووف هانا حلي داك الماريو نشوف شنو عندك ختارت ليا قفطيين خفيف بحال لي فالصورة و شعري جمعتو بطريقة عشوائية ب بروش انيق و بقاو شي زغيبات طايحين على وجهي المهم جيت قرطاسا (هههه شكون شكار راسو هههه)
رنيم حتا هيا قدات حالتنها و بقات غير بحوايحها باش جات و صايبات شعرها هههه كتمشط مسكينة و تبكي ريشتها مزيان هههه شوية حتا كنسمعو الحس التحت و تزغريت عرفت الشويبيني وصل اعطيه غبارة تغبرو (راه قلت ليكم العرس محال اتم غير بدعاويها غادي تصفيها العريس مسكين و دعيو البنات معا تهامي مايوقع لو والو راه محتاجينو مزآال هههههه) شوية جات مرات عمي قالت لي نزل عند الناس باش اشوفوني نزلت معاها و تابعانا رنيم مشينا الكوزينا هي الاولى قالت لي مرات عمي نهز البلاطو ديال اتاي ندخلو للناس زعما العادة هزيتو وانا كولي كنترعد و قلبي تايضرب 180 دخلت للصالون و انا حادرا راسي و قلبي غادي يسكوت بالخلعة حطيت البلاطو و سلمت و جلست و جلسات حدايا رنيم كانوا جوج عيالات كبار فالعمر و بنت تكون عندها فوق من 28 عام و الشيباني عرفتو هوا عريس الغفلة و واحد البوكوص ناري تايحمق بزين و رنيم حتا هيا بقات غير حالا فيه فمها حتا نغزتها عاد فهمات راسها بدا عمي تيعرفهوم لي داك البوكوص و البنت صدقوا ولادو الله ياربي ولادو كبر مني و دوك جوج عيالات واحدا ختوا و الاخرى لي كانت صدمة ليا مراتو اولي حي برد ليا الما فالركابي و طاحت ليا الضبابا على عيني شيباني و نقولو حاولت نتقبلها و عندو ولادو كبر مني حتا هيا ندوزوها ولكن نتزوج براجل مزوج و نكون انا ضرة عليها هاذي لي ماطاحتش ليا على البال و لا دربت ليها الحساب كان تايصحاب لي ميتة ليه المرا لا ولي كايضحك جايا معاه تخطب ليه ههههههه هاذي هي كثرت الهم كضحك ماقديتش نكلس كثر معاهم نضت خرجت بالزربا و تبعاتني ريم ديريكت لبيتي
اجيو نشوفو سي تهامي
وصلنا قدام دار ديك خيتي لي غادي تولي مرتي عبارة عن بتي فيلا ولكن انيقة ستقبلنا داك خينا هو و مرتو بزغاريت سبحان الله ماكنرتاحش ليه مي مرتوا دغيا كادخل للخاطر دخلنا لصالة جلسنا جمعنا شوية عاد مشات مرات عمها تعيط ليها بقينا واحد ربع ساعة كانتسناو عاد تمات داخلا مرات الحج العلميو تابعينها جوج بنات و حدا لابسا عصري و التانيه آآآه اش غادي نقول ليكم كاتحمق بالزين زينها فتان اطيح الزرزور من فوق الصور لابسا تقليدي لي زادها جمال على جمال دخلات حطات البلاطو و مهزاتش عينيها من الارض باينا فيها حشومية جلسات معانا واحد 10 دقايق بقات فيها غير ساهيا شوية حتا ناضت خرجات بالزربة بحال الى مقروسة من شي حاجا و انا صورتها بقات محفورة فعقلي
غند لينا غادا جايا فالبيت كيشي حمقا شويا دخلات رنيم مفرنسة كي الراس المشوط دروس لعقل تايبانو و العقل الله اجيبو
انا شاداني البكية: شتي اختي اش تايجرا فيا فآخر يامي نتزوج بشارف ولادو كبر مني و مراتو هي لي جايا معاه باش اخطبني اش من ذنب درت فحياتي حتا اجرا فيا هادشي كامل خاصني نشوف شي حل باش مايتمش هاذ الزواج
رنيم نقزات عليها كي الباطل: اشنو لا لا عافاك ماتقوليهاش عافاك لما تزوجي بيه على قبلي احم باك احم باك
انا: اش كاتخرفي داربك الله علاش غانتزوج بيه على قبلك ياكما سخن عليك الراس
رنيم: على قبلي يا ختي عافاك باش نجي نسكن معاك و نبدا نصبح و نمسي على داك البوكوص ديال ولدو خلاني بلا عقل و ماتعرفي اتزوج بيا و نوليو عايشين فنفس الدار و تولي نتي عدوزتي و انا عروستك
انا تحنيت هزيت صنادلتي جبتها ليها وسط الجبهة بنت الهم انا فين و هي فين: سيري بغيتك انا تزوجي بجن كحل انشاء الله و تولي عدوزتك هي عيشة قنديشة و نتي عروستها يلاه غاديا قاصداها باغا نتفها تاني هي تم داخلا مرات عمي: بنتي لينا خطيبك قالك بغا ادوي معاك على انفراد ها هو طالع عنددك دابا
خرجات و تبعاتها رنيم و انا باقا مصدومة ما فاهما تاوزة
عند رنيم تبعت خالتي باش اقدر اطلع عندها خطيبها مسكينة لينا بقات فيا غادي تقولو علاش تانشد معاها ضد مي هادشي تانديرو غير باش نخرجها من داك الجو ديا الاكتئاب مابغيتش الحالة ديالها تنكس تاني حيت منييين ماتو واليديها تاثرات بزاف و بصعوبة باش تجاوزات وحد شوية الصدمة دالموت ديالهم انا هابطا مع خالتي فدروج حتا كانتلاقا معا داك البوكوص طالع معا الدروج بقيت حالا فيه فمي ناري تيحمق شوية عاد طلعات معايا اجي هادا لاش طالع
رنيم: خالتي هذا علاش طالع الفوق و لينا كاينا غير بوحدها
خالتي ضرباتني بالخف على راسي: الحمقة طالع باش ادوي معا خاطيبتو راه هو لي طلب باش اشوفها على انفراد
رنيم صافي مابقيت فاهما والو كيفاش ياك الشارف هو خطيب لينا والله مابقيت فاهما شي حاجا
حب بعد الزواج
بقلمي: سعاد ز..ي (souad za)

عند التهامي طالع و متشوق غير امتا يوصل عندها وصل لآخر درجة و دار على ليمن على حساب ما قالت ليه مرت عمها بيتها هي آخر بيت على يدك ليمن فالكولوار وصل حدا باب بيتها و دخل بلا ما يدق باغي افاجئها و يشوف اش كدير ( السيد زعم ههههههه احساب ليه كوغطها ههههه و هو مزال ماسمع حتا الموافقة ديالها ههههه) لقاها جالسا فوق الفوتوي لي فبيتها و كاتفرك فيديها بتوثر و ساهية دخل سد الباب من الداخل و دار السوارت فجيبوا ( قلت ليكم السيد زعم و عوال على على خزيت غير دعيو معا لينا مسكينة لا اوليو مسبقين داكشي لي خاصو اتلا ههههههههه)
تهامي: باراكا عليهم مساكن راه طيبتيهم و انا باقي محتاج بيهم غادي اخصني فاش نلبسك الخاتم نهار عرسنا
لينا فاش سمعت الباب تحل ماقديتش نهز راسي تنفكر فاسهل طريقة نقول لهاذ الشارف بلي ماباغاش نتزوج حيت خايفا لا نقولها ليه و تجيه شي صدمة اولي ميت ليا هنا و نكون انا سبابو مي غير سمعتو دوى وانا نهز راسي بزربى و جمعت الوقفى و بقيت حالا فيه عينيا و انا مصدومة (فيس مصدوم) لالا لا هاذشي بزاف عليا اش تايدير هاذا هنا علاش هوا لي طلع عندي و ماشي باه و سمعتوه اش قال ... قال عرسنا واش قالها نيت ولا غير انا كانتخايل لا هاذشي بزاف عليا صدمة مورا الاخرى حسيت براسي داخ عليا ورجليا مابقوش هازيني مي قبل ما نطيح حسيت بيديه حاوطوني بزربا فرمشت عين كانلقا راسي فالحضن ديالو
تهامي حط يديه على حنكها بحنان غريب عليه: مالك ياك لباس مال لونك مخطوف واش مريضة
انا بزز باش كاطلع ليا الهدرى قلبي تايضرب 180 و معرفش علاش لدابا باقا فالحضن ديالو و مابعدتوش حيت تجاوز حدود الاحترام و انا لي عمر ولد لمرا حط عليا يدو امكن حيت حسيت فحضنو بواحد الحنان لي انا محتاجة ليه نطقت و الهدرة كاتخرج ليا غير بزز: آآآآآآ لا لا ما مري ..ضا..ش غير طلقني دابا اجي شي حد اشوفنا هاكا افهم غلاط (حيت لينا ماشافتوش فاش سد الباب من الداخل كانت ساهية فديك اللحظة)
تهامي قرب وجهو من وجها و نظراتو مركزين على شفايفها ناري علي فيم عندها غير ديال .... آاحح و عض فقنوفتو التحتانية بطريقة شهوانية: و مالنا حنا اش تانديرو خطيب معا خطيبتو كاين لي سوقو فينا
انا تالفا ماعارفا اش نقول اول مرة نتحط فبحال هاذ الموقف نطقت بتوثر: آ آآآآا لا لا خوذ راحتك تاندوي و انا تاندفع فيه باش اطلقني مي والو حاكمي ولد لحرام و حلف لا طلقني عاد مازاد زير عليا و قربني ليه كثر
تهامي و هو باقي حاضي كل حركة كاديرها بشفايفها وتمحن عليها و ماقادش اصبر كثر غمزها: راحتي واخدها نتي لي مالك كاتفتفي غير بوحدك

حب بعد الزواج
بقلمي: سعاد ز..ي (souad za)

تهامي و هو باقي حاضي كل حركة كاديرها بشفايفها وتمحن عليها و ماقادش اصبر كثر غمزها: راحتي واخدها نتي لي مالك كاتفتفي غير بوحدك
انا: آآآآآآ لا ولو غييير ......... مخلانيش نكمل هدرتي باسني فعنقي شوية طبع قبلة طويلة فمي انا فديك لحظة قلبي بحال الي وقف و رجليا مابقاوش هازيني صافي كنت غادي نطيح كون ماشدنيش تهامي و داني فوق ناموسية كنت كانحس براسي مغيبة فداك لوقت ماعرفتش علاش واقيلة حيت كانت اول قبلة ماعرفت ماندير واش نغوت ولا اش ندير وقف ليا لفكر ههه واخا كان عاجبني لحال وكنحس بالقبلات ديالو كتحرق كل مكان فالجسد ديالي وهو كيحيد ليا حواجي ماشعرتش امتا حيدهوم ليا حتي هو حيد حوايجو كاملين بدون اي مقاومة مني اصلان ماكيناش فهاد العالم كيمتص وكيجر فصدري )
انا: (سيد ماكينش فهاد لعالم حتي هو مغيب بقييت كنعيط علييه تانقول غير واهيا واهيا حيت ماعرفاش سميتو حتي وعا اش كيدير هز راسو شاف فيا بدوك لعينين لي دوخوني كتر ما انا دايخا دفعتو فوق مني بزربى و لويت عليا ليزار ويلي اش درت انا عمر ولد لمرا حط عليا ليد و هاذ جا فجوج دقايق و خليتو دار فيا ما بغا اش غادي اقول عليا هاذي موالفا بالتق..... و المصيبة الكبيرة حتا سميتو ماعارفاها و سلمتو راسي بسوهولة نزلو ليا الدموع بلا مانحس: اش درنا حنا
تهامي لابس غير البوكسر بوحدو شد ليها فيديها و جلسها فوق الفوتوي و جلس هو قبالتها محني على ركابيه و باقي شاد ليها فيديها: علاش هاذ الدموع دابا ماوقع والو و هاذشي لي وقع بيناتنا عادي داكشي غير سطحي ما خليتيش ليا الفرصة اصلا فين
ندخل فالمعقول و حتا كون وقعات شي حاجا ماتنسايش راك خطيبتي زعما و عرسنا غادي يكون من هنا ل 15 يوم انشاء الله يعني ماتخافي من والو
انا عصبني تايدوي ببرود بحال الى هاذشي لي وقع عادي اكيد عادي بالنسبة ليه حيت موالف: و شكون قالك انا اصلا موافقة نتزوج بيييك
تهامي زير ليا على الفك ديالي بيدو حسيت بيه غادي اتهرس و عينيه ولاو حمرين: غادي تزوجي بيا بغيتي و لا كرهتي و مرا خرا تعاودي هاذ الهدرة نهرس ليك دلقوشك و دابا عندك جوج ختيارات وافقتي تزوجي بيا و بخاطرك موعدنا من هنا ل 15 يوم (غمزة) ماوافقتيش عتابري اليوم ليلت الدخلة ديالك و ناخد لي بغبت بزز منك و ديك ساعة غاديا توافقي بزز منك يعني فجمييع الاحوال غادا تزوجي بيا و تولي ديالي
انا مصدومة من هدرتو ماعرفت مانقول ولد لحرام شدني من اليد لي كاضرني و طريقة باش هدر باينا فيه اديرها و يفوتها منقدرش نغامر براسي نسايس معاه
تهامي: راني كانتسنا اش قلتي
نمشيو نشوفوهم فالتحت اش تايديرو( مساكن فدار غفلون ماجيبين لدنيا خبار )
ح.بناني: وا شفتهم تعطلو باينا غادي اكونو تافقو
ح.العلمي: وا داكشي لبغينا الى تفاهمو و رتاحو لبعضيتهم ما نزيدوهوم غير الخير
ح.بناني: اوا الله ادير لي فيها الخير حنا دابا خاصنا نمشيو
ح.العلمي: بلاتي نقولهم اعيطو على العرسان ديالنا و نشوفوهوم علاش تافقوا... شاف فرنيم: بنتي رنيم واخا طلعي الله ارضي عليك تعيطي ليهم ينزلو
رنيم: واخا اعمي هيا الاولى

انا غير كانسايس فيه: صافي موافقة
تهامي فرنس حتا بانو دروس العقل: اوا هاكا نبغيك كوني غر تسمعي الهدرة و مايخصك معايا حتا خير
انا: انشاء الله ( انا وليت غير تانسايس هاذ السيد ما معاه تفلية اللقاء الاول و وصلنا فيها ڭاع لتحياد الحوايج و التهديد هاذا نزيد معاه مزال دقيقة فهاذ البيت بوحدنا انا وياه نخروج هازا ربعة ديال توام فيدي )
التهامي: اوا نوضي لبسي حوايجك دغيا راه مصبر راسي غير بزز تزيدي دقيقة خرا قدامي هاكا نوليو مسبقين لي خاصوا اتلا
انا وليت حمرا كي ماطيشة الحمار ماكايحشمش وجهو قاصح نضت بزربا هزيت حوايجي غاديا نبدل فدوش هتا كانسمع دقان فالباب طاح فيا النص حتا سمعت رنيم كاتعيط عاد رجعات فيا الروح
رنيم: لينا لينا وا حلي الباب مالك ساداه خايفا يكلوكوم العباقا ( ههههه السيدة وجها مقزدر ههههه)
انا بنت الحرام شوهاتني اعطيها لعڭر: اوكي غر هبطي هاحنا نازلين دابا و درت لقيت السيد بدا كايلبس حوايجو بزربا دخلت لبست بالخف و معا خارجا و هو اطلق واحد الضحكة ماعرفتو شنو قصد بيها
تهامي: زعما كاتحشمي ـــ ضحك باستهزاء ـــ راه كولشي شفتو ماكاين لاش ديري فيها كاتحشمي و دخلي تبدلي فالدوش و نتي ساعة و نتي قدامي صولو كون ماقلت ليك نوضي لبسي علم الله تال امتى كنتي ناوية تجلسي عريانه قدامي
انا فديك اللحظة تمنيت الارض تشق و ندخل وسط منها اكيد نستاهل حيت سلمت لو راسي و المصيبة فاول لقاء لينا شنو غادي اقول عليا اكيد هاذي غير ق.... شايطة و موالفا تعطي لمن والا ماجاوبتوش حيت اصلا ماعنديش باش نجاوبو لي قالها عندو الحق فيها تقابلت معا المرايا و درت شويا دالفغجو و العكر بالخف و شعري عندي الزهر كنت اصلا جامعاه غير بطريقة عشوائية عاوت جمعتو بنفس الطريقة و مشيت حدا الباب كانتسناه اجي احلو

المهم سيد حل الباب و شد ليا فدي و تم جارني وراه و هابط فالدروج انا تنجر فيدي باش اطلق مني و هو عاد ماكايزيد ازير عليا و منين شافني باقا كنتنطر دار خنزر فيا واحد التخنزيرا خلاتني نجمد فبلاصتي و وليت تابعاه بلا هوايا الحاصول الله اعز لحكام هههه تانجي تال عندو و يتقاداو ليا لساني سليط مي تانووصل تال عندو و يولي فيه ميترو بالحساب(أ لله لا يزيد كتر أ لالة لينا مترو أش باغا مزال ياك ماباغا ديري فيه فراشا من راس الدرب تال راس الدرب هههه)المهم نرجعو القصة ديالنا
تمينا هابطين هو شاد ليا فيدي و انا تابعاه بالله لا يڭزيه ليا غير وصلنا لصالة فين مجموعين كلشي بدا كايشوف فينا مصدومين و فنفس الوقت ابتسامة عريضة مرسومة على وجوه الكل عرفونا غير من الشدة ديال اليدين بلي تفاهمنا معا بعضيتنا
ح.بناني: اوا أ ولدي الكتاب باين من عنوانو ما نزيدكم غير الخير و الله اجعل كولشي مبارك و مسعود
تهامي: الله ابارك فيك أ الواليد و العقبة تشوف حفادك و تهزهم بين اديك انشاء الله ((وآآآآ سي تهامي وا تكايس العشير آآآ مالك زربان أصحبي واش ماعندكش فران امان.... تهامي: فران أدار لي عندي"أدار هي الرجل او القدم بالشلحة" و دخلي سوق راسك لا نهرسليك دلقوشك دابا..... الكاتبة: ياك الجحموم المحروم كاتقمع فيا غير بلاتي لما فارقتك معا ديك لينا ليمفرحاك مانتسماش مانرجعها ليك حتا تولي تزاوڭ.... تهامي: ياك قلتها بفمك غادي ترجع ليا فالاخير اوا والله واخا تحج البقرة على قرونها لا زاوڭتك و سيري دابا كملي القصة ديالك محد عضامك صحاح هههههههه))
انا غير قال ديك الهدرة مرڭت مقديتش نهز عيني مزال الله القيها ليه والله ما عندو علاش احشم
ح.بناني: امين اولدي هاذاك هو النهار لكبيير
ح.العلمي: الله اسخر ليكم اولدي و يكمل عليكم بالخير
تعامي: امين اعمي (البنات واش سمعتو تهامي قال الحاج العلمي عمي لا لا لا هاذا تحت راسو شي حاجا اجيو نشوفو لاش تايخطط ثاني) و لكن كاينا واحد الحاجا خرا تافقنا عليها انا و لينا

عضو نشيط المساهمات : 1 تاريخ التسجيل : 15/02/2017

Wa ziid kml akhti

Hajar jahjah كتب:: Wa ziid kml akhti

انشاء الله العشية غانكمل

زائر

عفاك فوقاش غتكملي