قصة حب بعد الزواج بقلمي سعاد ز..ي(souad za)

حب بعد الزواج
بقلمي: سعاد ز..ي (souad za)

جالسا فالبيت ديالها كتبكي و تنخصص، كاع لي شافها كتبكي بديك طريقة اقول واش ميت ليها الراجل كتمسح فدموعها و طلب من الله ادي روحها قبل ميتم هاذ الزواج   رخصوا بيها و قرروا انها تكون كبش فداء مقابل تم المصالح ديالهم لي غادي دفع ثمنها هي حيث حياتها غادي دمر الى تم هاذ الزواج ، تمنااات كون ماتت معا باباها و ماماها فديك الحادثة المشؤومة و لا عاشت هاذ الظيم ... كانت اميرة فدار باها الحاجة قبل ماطلبها كاتكون عندها خصوصا انها البنت الوحيدة عند واليديها و كتحسر  على هاذ العم اللي عطاها الله لي ما كيشبعش من الفلوس عينوا كبيرة و طماع لدرجة ما يمكنش توصفها و عارفا بلي هموا الوحيد من هاذ الزواج هو الفلوس و صافي بالرغم من ان الله مسك عليهم حيت هما عائلة ميسورة عندهم شركة ديال العائلة نصف ديالها  ولا فسميتها بعد الموت ديال الاب ديالها و النصف الاخر ديال عمها حيت عندها غير عم واحد و بطبيعت الحال النصف لي من النصيب ديالها عمها هو لي كيتصرف فيه حيت خذا منها وكالة على الاملاك ديالها فثالث ايام العزا بحال الى كان كايتسنا غير امتا تجيييه الفرصة مقدرش الوضع لي فيه و مقدرش ان بابا لي مات زعما ياحسرة خووه من مو و بااااه

حب بعد الزواج
بقلمي: سعاد ز..ي(souad za)

جاتكم غريبة ياك و لكن انا مستغربتش من تصرف ديالوا حيت عارفا عمي و طبعوا كيف داير
دازت دابا تقريبا شهر باش ماتو ماما و بابا و مزال مستوعبتش الموت ديالهم كنبكي بالنهار و الليل و زاد كمل عليا عمي فاش جا عندي البارح فالليل و بكل برود علمني بلي شي راجل اعمال كبير خطبني منوا فاش رفضت بحكم ان هاذي ماشي وقت مناسب باش نفكر فالزواج حيت واليديا ماشي بزاف باش ماتوا
عرفتوا باش جاوبني
جمعها معايا بصليا حتا بنوا ليا نجوم الظهر (كاتعرفوهوووم ههههه) و قال ليا بكل برودة اعصاب انا جاي باش نعلمك بالقرار ديالي ماشي نتشاور معاك و خرج من البيت و زدح الباب موراه
اوبس البنات سمحوا ليا على هاذ الدخلا
انا سميتي لينا تبارك الله تنحمق بالزين و هذا بشهادة كل من شافني بشرتي بيضا و شعري كستنائي و رطب و طويل فايت الارداف ديالي بشوية كلشي لي شافوا اتلف عينيا كبار و مشفرين و حجباني مطراسيين من عند الله و اجمل ما فيا شفايفي سيكسي كاع لي شافني تايسولني واش دايرا ليهوم التجميل حيت كبار و منفوخيين لي شافهوم اهبل (شكون شكار راسوا ههههه) طاي ديالي حوتة كاتحمق عندي ليهونش خارجين و صدري واقف عندي 22 سنة حاصلة على ديبلوم في ادارة الاعمال
عندي واحد صاحبتي لي مكنتفارقوش انا وياها سميتها رنيييم فاش كانتلاقاو انا وياها كنودعوا شيحاجا سميتها العقل ههههههه مي منين ماتوا واليديا مبقيناش كنتلاقاو بزااف كيف الاول مي كل نهار كتاصل بيا متخلاتش عليا فهاذ المحنة الله اخليها ليا
سرسرسرسرسر(زغمة تلفون تايصوني هههههههههه عايشة الدور بقوة)
رنيم: ألووو الحب انوا
انا: وي الحمقا ديالي صافا
رنيم: وي حبيبا ونتي كيف راك دابا
انا: غير خليها على الله هو لي عالم بيا
رنيم:علاش ياك لاباس؟؟
انا: من بعد منين تجي عندي و نعاود ليك
رنيم: اوكي وجدي راسك نص ساعة نكون عندك نمشيو لشي كافي منها تعاودي ليا و منها تبدلي الجو.
انا: لا غير جي عندي نبقاو غير فدار ماحاملاش نخرج
رنيم: حشوما عليك هاذشي لي كاديري فراسك تال امتا غادي تبقاي حابسا راسك فالدار من نهار ماتوا والديك و نتي حابسا راسك

slm khti souad ana dkhlt lhad montada nchallh ikon ahsan montada bghit nswlk bnisba lhad histoir dyal houb ba3da azawaj wach 3awtiha mn ljoze2 1

بطلتنا لينا

hassna كتب:

slm khti souad ana dkhlt lhad montada nchallh ikon ahsan montada bghit nswlk bnisba lhad histoir dyal houb ba3da azawaj wach 3awtiha mn ljoze2 1

ختي ضروري خاص نحط القصة من الاول غادي نحاول انشاء الله اليوم نكمل جميع الاجزاء لي قريتو و غدا نحط اجزاء جداد

حب بعد الزواج
بقلمي: سعاد ز..ي(souad za)

رنيم: حشوما عليك هاذشي لي كاديري فراسك تال امتا غادي تبقاي حابسا راسك فالدار من نهار ماتوا والديك و نتي حابسا راسك
انا: عافاك أ رنيم ماتزيديش علا ما بيا  جي عندي لدار حيت ماخارجاش بلا ما نطولوا الهدرة
رنيم: راسك قاصح حسن عوان لي غادي اتزوج بيك هانا جايا عندك نص ساعا نكون عندك
انا: اوكي سيو
قطعت عليها و هدرتها باقا كاتعاود ليا فراسي فكراتني فهمي و فداك الخطيب ديال النحس لي مانعرف منيين تسلط عليا اكيد غادي اكون شي شارف بحال عمي ولا كبر منو كاااع و كرشوا كبيرة ناري يا ربي فين كان مخبيلي هادشي كامل اش من دنب درت حتا اتسلط عليا كاع هادشي ما غادي اكونو هادو غيير ذنوب الاستاذ ديال الماط لي كنا تنضحكوا عليه انا و رنيم ولا زعما اكونوا ذنوب الحارس العام لي مابغاش اعطينا ورقة الغياب و درنا ليه شوها و طيحنا عليه الباطل بلي كيتبسل علينا و طردوه بسبابنا اهيا ناري مي اش هادشي اخرتي نتليها معا شارف بقا ليه عرق فالحياة و انا لي ما خلا شكون خطبني و رفضتوا و دابا طالبا غير التعادول مالقيتوا

حب بعد الزواج
بقلمي: سعاد ز..ي(souad za)

فبلاصا خرا
جالس وسط منهم علي ليمن ديالو جالسا الام ديالوا و فالشمال جالسا عمتوا قداموا ختوا الكبيرة جالسا فوق الميدا(الطبلة) فواحد اللحظة نسا راسوا و شداتوا الضحكة من الحماس و الجدية ديالهم
....: فين غادي تلقا ماحسن منها أداب و اخلاق و الزين
....: لآآ و كثر من هاذ شي مسكينة و يتيمة يعني عندك أجر كبير الى تتزوجتي بيها
شاف فدوك الستة ديال العنين لي كايشوفوا فيه بترقب: انا قلتها ليكوم الف مرة مستحيل نتزوج بهاذ الطريقة خصوصا الحاجا ديال بزز ماكنحملهاش ء ابتسم باستهزاء ء و اصلا انا قلت ليكوم ما مرة ما جوج الزواج بالنسبة ليا مشروع مؤجل
ضرباتوا عمتوا بخفة على كتفوا: و غير دير بكلمتنا و شوف البنت بعدا و انشاء الله انا متأكدة غادي تعجبك ... المهم هو تودع هاذ العزوبية اللي شاد فيها بيديك و رجليك و حالف معاها لا تفارقتي
ضحك على الاشكال ديالهم لي متحمسة كثر من القياس: المكتاب أعمتي المكتاب ... و أنا جامي نتزوج بوحدا مفروضة عليا و زيادة على هاذ شي عاطي الواليد الزبابل ديال الفلوس لعمها باش تزوج بيا انا باغي وحدة لي لي تبغيني انا ماشي تزوج بيا على قبل الفلوس

حب بعد الزواج
بقلمي: سعاد ز..ي(souad za)

ضحك على الاشكال ديالهم لي متحمسة كثر من القياس: المكتاب أعمتي المكتاب ... و أنا جامي نتزوج بوحدا مفروضة عليا و زيادة على هاذ شي عاطي الواليد الزبابل ديال الفلوس لعمها باش تزوج بيا انا باغي وحدة لي لي تبغيني انا ماشي تزوج بيا على قبل الفلوس
خنزرات فيه مو و هي معصبة ديما تيرفض اي بنت ختاروها ليه بحجج سخيفة: باراكا من هاذ الهدرة الخاوية أ تهامي انا البنت وراها ليا الحاج فالعزا ديال واليديها و عجباتني و مابغاهاش ضيع من يدي سمعتني 
تبسم للام ديالو فوجها بصعوبة مبغاش ابين ليها ... و هو تيشوف فاللمعة ديال الاصرار لي فعينيها ... شهاذ المصيبة يا ربي ... منين تسلطات غدعليا هاذ لينا حتا هي
ام تهامي حسات بيه بدا كيستسلم: الى مادرتيش بكلامي  ما نتا ولدي ما انا موك دابا سمعني نتا غادي تشوفها غير من بعيد بلا ما تعيق هيا 
كملات عمتو: انا تافقت معا مرت عمها باش تزورهم فالدار قبل الخطبا على اساس باغي شي ملفات محتاجنهوم كاينين فالمكتب ديال عمها فدار و تشوفها بلا ماترد ليك البال باش تشوفها على طبيعتها
تهامي: (اووووف وحلا هاذي شنو غاندير هاذ المرة شتهوم متشبتين برأيهم) صافي بلاش ماكاين لاش نشوفها ء ابتسم باستهزاء ء كانتيق فالذوق ديالكم  قال هاذ الهذرة غير باش اتهرب حيت مابغيش اشوفها حيت فنظرو غادي تكون بحالها بحال كآع دوك لي ختارو ليه من قبل تايشكروهوم فاللخر تايلقى العكس مينكرش ان كاع دوك لي ختارو لييه من قبل فيهم حقهم من فالزين مي الزين بوحدو ماكافيش الى كانت الاخلاق ماكايناش و زيد عليها باغي شي وحدا لي تبغيه لشخصوا


تهامي: (اووووف وحلا هاذي شنو غاندير هاذ المرة شتهوم متشبتين برأيهم) صافي بلاش ماكاين لاش نشوفها ء ابتسم باستهزاء ء كانتيق فالذوق ديالكم  قال هاذ الهذرة غير باش اتهرب حيت مابغيش اشوفها حيت فنظرو غادي تكون بحالها بحال كآع دوك لي ختارو ليه من قبل تايشكروهوم فاللخر تايلقى العكس مينكرش ان كاع دوك لي ختارو لييه من قبل فيهم حقهم من فالزين مي الزين بوحدو ماكافيش الى كانت الاخلاق ماكايناش و زيد عليها باغي شي وحدا لي تبغيه لشخصوا
نوصف ليكوم التهامي 
تهامي بناني شاب عندو 30 سنة من عائلة جد غنية و معروفة هو اللي متكلف بالمشاريع ديال الاب ديالو و كايعتامد عليه فكولشي بكوص بكل ما للكلمة من معنى البنات تايحماقو علييه مي هو ماعلى بالوش بيهم غير تايدوز معاهم الوقت و صافي حيت فنظرو البنات كاملين بحال بحال ماديات و تافهات يعني حاس بزينوا و مغرور اما فصالتوا  آآآه على واحد الفورما عندو رياضي و مبودر بشرتو سمرا و عويناتو كايدوخو البنات كبار و مشفرين و اللحيا مطراسيا الشعر كحل و رطب اما الحجبان بوحدهم قصة المهم السيد رجولة طاغية و عاطيه الله واحد الهيبة سبحان الله(قولو تبارك الله البنات راه باقا محتاجاه غير جبتوا ليكم امثل هاذ الدور هههههههه و  عينيكم قربو اخرجو من بلاصتهوم ههههههههه)

حب بعد الزواج
بقلمي: سعاد ز..ي(souad za)

نمشيو نشوفوا لينا
ساست راسها من دوك الافكار و قررت تخليها فيد الله لي مكتاب ليها غادي تشوفو جمعات الوقفة و مشات الطواليت غسلات وجها شافت وجها فالمرايا ماعرفاتش راسها هملات راسها بزاف و ضعافت و عينيها منفوخين و الحمرين حيت الليل كامل و هي كاتيبكي بدات كادعي ثاني على عمها و على الخطيب ديال النحس كيف سماتو (ههههه مسكييين هاد العرس محال اكمل غير بدعاويها على عريس الغفلة غادي تصفيها ليه قبل ما يوصل العرس هههههه)
سمعات تلي ديالها تايصوني عرفات رنييم وصلات هباطات باش تحل ليها الباب معا الحلا ديال الباب تلاحت عليها رنيم بواحد مولاتي معرفتش واش نقول عليها تعنيقا ولا قجة ماطلقتها حتا جممعتها معاها لينا بواحد القرصة من الطراز الرفيع 
رنيم: أأأأي أبنت الهم انا معنقاك و تنعبر ليك على المشاعر الجياشة ديالي و نتي كتقرصي الله القيها لييك
انا: ههههههه الله انعل بو هاذ المشاعر الى كانو بحال هاكا قجيتيني النفس تقطع فيا ولا تايبان ليا ملاك الموت اشطح قدامي الدبكة 
رنيم: الله اعطينا وجهك قلت نعوضك على النقص ديال الحنان و الحرمان لي كاتعاني منو و منها  حتا انا نتخلص من هاذ فائض الحنان لي عندي ساع ماتستاهليش أ وجه الحرمان ... وعلقات من حدايا عارفا راسها غادا تاكل سلخا حتا انا ماشي من العاكزيين تبعتها تانجري ما وقفنا حتال بيتي و تحنيت هزيت صندالتي جبتها ليها وسط الجبهة تتتت
انا: ياك السلكوتة انا وجه الحرمان قالت ليك بقيت فيها و بغات تعوضني على نقص الحنان ... قولي وكان تفارقتي تاني معا الفيكتيم الجديد و مزال مالقيتي لي رومبلاسيه و جايا باغا تعدي بيا حتا طيحي فشي ضحية خرا هههههههههه
رنيم زفات عليا بمخدا: سكتي شوهتيني بيت الله اشوهك نهار عرسك اهرب لعريس ههههه
انا: (غير قالت رنيم العرس تفكرت همي لي نساتني فيه رنيم منين شفتها )
رنيم: مالك سكتي اش كاين هاذ السكات ديالك متايعجبنيش
انا تنهدت: غير خليها على الله اصاحبتي همي بوحدو
رنيم جراتني جلساتني فوق الناموسية و جلسات حدايا: ياك لباس اش كاين؟ نطقي راك شوشتيني
انا عاوت ليها كلشي بالتفصيل و بقات سكتا شحال كاتشوف فيا عاد نطقات: ولكن نتي باش عرفتيه شارف امكن اكون باقي جون 
انا ضحكت باستهزاء: اش من جون الله اهديك قلت ليك قالها ليا عمي بفمو بلي صاحبو الحاج مانعرف شنو جا خطبني عندو و هو وافق ... غير سمعات رنيم هاء الهدرة و هي تعطيها البكا مسكينا كانت غير كاتصبر فيا مي ماقداتش تصبر كثر و وليت انا لي تانصبر فيها و نسكتها عوض ما تصبرني هي ( قلت ليكم انا و صاحبتي حمقات تيقتو دابا هههههه)
بقات معايا رنيم حتا قرب المغرب و مشات لدارهم 
فالشركة ديال الحاج لبناني
جالس الحاج فالمكتب ديالو مع عم لينا(الحاج العلمي)
ح.بناني: أش قلتي مزال فالموضوع لي فاتحتك فيه
ح.العلمي: الله اودي فين غادي نلقا ما حسن منكم نتناسب معاه
ح.بناني: اوا على بركة الله حنا هاذ الخميس انشاء الله نجيو نديرو خطبة و الى وافقت من بعدها ب 15 يوم اديرو عقد و عرس فخطرة وحدة 
ح.العلمي: اكون خير انشاء الله خليتك دابا على خير عندي شي شغال خاصني نقضيهم 
خرج من المكتب و تلاقا معا تهامي حدا الباب ديال المكتب 
تهامي كي وصلت الشركة قالت لي السيكرتيرة بلي الوالدي خبرها تعلمني ندوز عندو المكتب ديالو خرجت من المكتب ديالي غادي عند الواليد حتا كانتلاقا معا داك خينا عم ديك خيتنا لي ناويين البقوا ليا خارج من المكتب عندو سلمت عليه سلام ناقص حيت ماكنرتاحش ليه و من طبعي ما كانجاملش الواحد 
دخلت عند الواليد البيرو ديالو: سلام 
ح.بناني: و عليكم السلام
تهامي: قالت لي السيكريتيرة بلي عيطي ليا 
ح.بناني: جلس أولدي بغيت ندوي معاك
تهامي (منين دوا بهاذ الطريقة عرفتو غادي افاتحني فنفس الموضوع كايبان ليا غادي نوافق و نهني راسي من هاذ الصداع و فجميع الاحوال حتا الى ماعجباتنيش عندي الف وحدا من غيرها نخليها هيا فدار نسكت بيها مالين الدار باش ماباقيش ابرزطوني بالزواج و شي لاخور الى بغيتو عتا الله معامن نلقاه)
ح.بناني: تهامي تهامي وا تهامي 
تهامي: نعام الوليد انا معاك تانسمعك
ح.بناني: المهم هاذ الخميس وجد راسك نمشيو نخطبوا ليييك
تهامي: انشاء الله الوليد مايكون غير خاطرك نخليك دابا نمشي نكمل خدمتي خرج من المكتب ديال باه و هو مقرر انه انفذ داكشي لي فراسو حيت هاذاك هو الحل بالنسبة ليه

حب بعد الزواج
بقلمي: سعاد ز..ي (souad za)

نهار الخميس 
ناعسا حتا كايفيقها تلفونها كايصوني
انا: الو شنو بغا صبحنا عالله بايتا كاتحلمي بيا
رنيم: اولي حاي على السيدة باقا ناعسا و اليوم الخطوبة ديالها نوضي تهزي باراكا من النعاس هاني شوية و نجي عندك
انا: سيري الله اسلط عليك الحكة و قلت ظفار معرفت اشمن ذنب دايرا فحياتي حتا مسلطك عليا الله سيري اختي عطيني بتيساع شكون قالك انا بغاك قاع تحظري الخطوبة ديالي نتي غير كاتلصقي كي لحم الراس وشكون قالك انا باغا نتزوج كاع
رنيم: و نتي نوضي الله انوض خاطرك كالت ليك مابغش تزوج و هيا كون جاها شي زين والله ماتقول عليه تال صباح قولي مابغيتيش الشيباني هههههه و مابغيت الشايب مابغيتوا يالالة و تايحك عليا شيباتو يالالة هههههههههههههههه
قطعت عليها عصباتني بنت الهم مي غير بلاتي حتا نطيح فيها ييييخ على صباح نضت على سعدي و وعدي لطواليط غسلت خنشوشي و حكيت دلقوشي (هههههه فايقا معصبة و انا الى تعصبت تانولي بحال شي وحدا عندها 70 عام هههه ماتسمع غير الهدرة التراثية ديال جدادنا هههه )
هبط التحت نفطر لقيت مرت عمي هي و داك القندوح ديال عمي اعطيه لعما تيفطروا 
انا: صباح الخير 
مرات عمي: صباح النور أبنتي كيصبحتي 
انا: الحمد الله ... اما داك القندوح ديال عمي والله ما عبرني جالس تايخشي فوجهو ياكل فيه الجغديد انشاء الله ماتيحملنيش تقول قاتلا ليه كينيدي بغيت الله اسلط عليه داعيش من حيث لا يدري  
عمي: تفطري و طلعي بدلي عليا هاذ الحالا ما نبغيش نلقاك هاكا ضحكي فيا الناس لبسي من الحوايج لي تقديتي البارح و والله ثم والله و ديري شي تصرف لي يطيح بيا قدام الناس اليوم اصليو عليك مع المغرب صلاة الجنازة 
اناسير انا بغيتهوم ادفنوك فشي جايحا لي مايعرف حد قبرك و ما يلغسلوك ما يصليو عليك)انشاء الله 
كملت فطوري ونضت و طلعت لبيتي دخلت دوشت معا خرجا من الدوش كنلقا ديك الزرمومية ديال رنيم فبيتي عصبتني هاذ الصباح مي والله لابقات فيها غير حتا نسالي ليها
انا: تسليم ارجال لبلاد واش نتي غا لاسقاني كي سميتي اش جابك اش باغا 
رنيم جالسا فوق النموسية و كتبرد ظفارها ببرود والله ما هزات فيا راسها باغا تعصبني بنت الهم: ما جيتش عندك جايا نحضر الخطوبة عندك شي مانع
انا دخان كايخرج ليا من الودنين: شكون مسلطك عليا شكون 
رنيم كتبرد فظفارها ببرودة اعصاب بلعاني غير باش تعصبني: ما مسلطني حد انا غير فاعلة خير 
انا تهدنت حيت عارفا باغاني نتعصب مي والله لا كانت ليها: يآآك و اش من خير جايا ديري بسالاما 
رنيم: الله اقدرنا و يقدرك على فعل الخير يا لالة انا جايا باش نقاد ليك حالتك و نحلق عليك حيت عارفاك ناويا تنزلي عند الناس بهاد الحالة غير ضد فذاك الشويبيني ديالك باش تجيييه شي سخفة قلبية منين اشوفك و تهناي منو فمرة مي انا بقافيا مسكين مابغيتوش اموت ناقص عمر بسبابك ههه ماجات فين تكمل هدرتها حتا لقات راسها تحت مني جلست عليها و ماخليت فيها غير لي نسيت بنت الهم ما فكاتها غير مرت عمي لي سمعات غواتنا و جات الطل
انا: ياك ابنت الهم ماباغاهش اموت ناقص عمر اقطع عمرك و عمرو انشاء الله و نتهنا منكوم بجوج
مرات عمي: أملكم ابنتي واش هاذا و قت تفليا ديالكم ناس قربو اوصلو و نتي مزال ما وجدتي راسك 
رنيم مخبيا وراها و كتزخنن: راه حلفات لا تقدات قالت ليك بغآت تنزل عند الناس هاكا و فاش قلت ليها الا ماخلاتنيش نقاد ليها حالتها غادي نعيط ليك شداتني نتشاتني ها نتي كاتشوفي 
انا بنت الحرام اش كادير لسلوكية: غير كاضحك معاك اخالتي يلاه ارنيم طلقيني خلاص بداي ليا الماكياج هو الاول 
رنيم: هيا لي ماتعاود ههه كاتقلي ليا السم بنت الهم
مرات عمي: يلاه ابنتي طلقو راسكوم شوية راه ناس قربو اجيو بنتي لينا الى حتاجيتي شي حاجا ماتحشميش مني اعتبريني بحال ماماك
انا: الله لا اخطيك عليا اخالتي فهاذ اللحظة تمنيت كون كانت ماما و بابا حدايا اوقفو معايا فبحال هاذ النهار نزلات دمعة من عيني و مسحتها بزربا ما باغاش نبكي جات رنيم و عنقاتني واخا انا وياها كي المش و الفار مي قلوبنا على بعضياتنا