قصة عندما يحب الامير بقلم نينا المجنونة

o_Oبقلم نيناo_O
حتى كيوقف عليها راشيد
راشيد:سهيلة نجلس
جوباتو وهي كتصفح الفيس:محبساكش جلس
جلس مقابل معاها :سهيلة بغيت نهدر معاك
سهيلة وبدون ماتعيرو اي اهتمام :تفضل وعفاك اختاصر
راشيد:سهيلة مالك كتعامليني هكا
سهيلة:مافهمتش؟
راشيد:علاش كتجاهليني؟
سهيلة:واش هداشي علاش جيتي تهدر معايا فيه
راشيد:ﻻ
سهيلة:راشيد دخل فصلب الموضوع
راشيد:انا.....قاطعو صوت الجرس..
وقفات سهيلة هزات صاكها وشربات عصيرها دفعة واحدة
سهيلة:نهضرو مرة اخرى
مشات وخلاتو.....مشات وخلات موراها قلب باغاها بصدق...اعجابها او حبها لعصمت عما ليها قلبها.....ناض ومشا يكمل الحصص لي عندو وهو حاس بغصة فقلبو...داز النهار رويتيني سهيلة غير سالات مشا لدارهم اما عصمت باقي حاير فأمرو وراشيد قرر ينسا سهيلة ﻷنو عرفها مابغاهش.....
صبح صباح جديد على غير العادة هاد النهار يمكن غايقلب الموازين فحياة كل واحد من الشخصيات....


#ايلول
فقت كانحس براسي تقيل عليا....نعست معقلتش على راسي.....ليوما خاصني نزور قبر بابا الله يرحمو....
ناضت بتقالة....غسلات وجهها وبدلات حوايجها....هبطات لقات سعيدة موجدة لفطور باستها وجلسات تفطر
سعيدة:ايلول شفتك سخونة ياك لاباس
ايلول مابغاتش تقوليها الحقيقة حيت عارفاها غاتمنعها تمشي لروضة:والو غير لي نعست بزاف كيوقع لي هكا
سعيدة:امم غاتمشي لكلية
ايلول:ماعنديش لخاطر ليها
مسحات فمها بالفوطة لي كانت موضوعة بجنبها:يله انا مشيت
سعيدة:الله يعاون ابنتي
ايلول:امين اماما
خرجات وتمشات شي نصف ساعة ديال الطريق اللي كملاتها غير بمشقة انفس....دخلات وقفات قدام قبر باها...
ايلول:بابا توحشتك.....عرفتي كل جمعة مبقاتش كتقدني مكرهتش نجيك عندك ديما....*عودات كلشي لي دوزات من نهر السبت تال ليوم*بابا نسولك ومتغوتش عليا؟علاش مديتينيش معاك منين مشيتي علاش؟نزلات دمعة من عينيها ليتبعها شلال من الدموع جرجات كتجري للطريق العام...ولات كتحس براسها زاد تقل كتر وولات كتشوف الدنيا كدور بيها....مكملاتش 3تواني وهي تفقد لوعي ديالها......
بدات كتحل عينيها بشوية......كتشوف فأنحاء الغرفة كتلقاها بيضة وهزات يديها كتلقا السيروم معلق ليها فيديها.....يله جات تنصل السيروم وهو يدخل الطبيب (شوفو التصويرة)منعها
الطبيب:انسة ايلول رتاحي
ايلول:شنو جابني انا هنا
الطبيب:رجعي رتاحي بعدا ونكملو هدراتنا
رجعات لسرير ديالها وغطاها هو:اوﻻ انا سميتي وليد...جابك شي شخص عندنا...كانت حالتك ضعيفة..خصك الراحة ومتجهديش على نفسك
ايلول:امتى وانا هنا
ط.وليد:شي يومين
ايلول:كيفاششششش!
ط.وليد:ايلول تهدني جسمك كان ضعيف وتعرض ﻹرهاق دابا ما غاتخرجي حتى تكمل ديك قرعة السيروم
ايلول:ماما غاتكون تخلعات عليا
ط.وليد:عيطنا عليها وهي لي كانت فجنبك هاد ليومين
ايلول:وفين هي دابا؟
ط.وليد:عاد مشات لدار من بعد ما اصريت عليها ﻷنو لي فعمرها خاصهم الراحة باش يحافظو على صحتهم
ايلول:شكرا دكتور
ط.وليد:ولو هدا واجب ديالي،انسة ممكن نسولك ولكن نتمنى متفهمينيش غالط
ايلول:تفضل
ط.وليد:اواش هدوك هما لون عينيك الحقيقين
ايلول:اه
ط.وليد:يا سبحان خالقهم
ايلول:ولكن داك لي جابني هنا مقالش شكون

ط.وليد:الصراحة مقالش شكون هو.....غير جابك ومنين طمأن على وضعك مشا وقالت ليا حتى الممرضة بلي دفع تكاليف المستشفى
ايلول:كيفاش؟ 
ط.وليد:منكدبش عليك باينة ماشي مغريبي كانت هدراتو مخلطة بين الدارجة والانجليزية
ايلول:خاصني ضروري نعرفو
ط.وليد:لمهم شي شوية ونرجع عندك لي بغيتي شي حاجة وركي على داك الزر لي حداك غاتجي عندك للممرضة
ايلول:اه صاف واخا
#عصمت
من نهار جمعة مشفتهاش....زعمة تكون مقلقة من داكشي لي درت ليها.....كان غادي حتى كتبان لو سهيلة خارجة من بوتيك ديال حوايج.....وهو يبتاسم...وقف اللوطو وخرج راسو منها
عصمت:سهيلة سهيلة
غير سمعات سميتها وهي تهز راسها :استاد
عصمت:اجي بغيت نهدر معاك
مشات لعندو ودقات قلبها قربات توصل لمسامعو
عصمت:طلعي نوصلك
مكرهاتش ولكن خاصها تبان متبتة:لا شكرا كيعجبني نتمشى
عصمت حل لباب لي حداه:طلعي نوصلك اصﻻ ليوما لحد مخدامش

طلعات وهي فرحانة عندبالها بلي الحظ ديالها واخيرا ضحك ليها فوجها
»وماخفي كان أعظم«...
عصمت:غادا لشي بلاصة 
سهيلة:ﻻﻻ غير كنت كانشري شي حوايج
عصمت:تسمحي ليا نعرض علك نشربو قهوة
سهيلة:اه ماشي مشكيل ااستاد*تقصدات تقولها*
عصمت:حنا دابا ماشي فالكلية بلا ديك استاد واخا؟
سهيلة:اهاه واخا
وصلو لقهوة كانت فمكان فاخر والناس لي فيها باين عليهم من مرتبة مرموقة فالمجتمع.....كانت المقهى قريبة من البحر....خداو الطبلة لي كطل عليه.....هي طلبت كاس عصير وهو خدا قهوة كحلة 
عصمت:امم سهيلة كي غادا مع الدراسة 
سهيلة:مزيان الحمدلله 
عصمت:اممم عاودي ليا علا راسك
هاد الجملة كانت كفيلة باش تفرحها وتخليها فقمة السعادة اما هو كان كينتاضر غير الفرصة باش يسولها على ايلول....نهات كلامها والضحكة مافرقاتش وجهها...
عصمت:سهيلة قولي ليا ديك البنت امم اه ايلول شفتها مجاتش ياك لاباس
سهيلة:تانا والله ماعرفت منين خرجات من القاعة ديك النهار ماشفتها كانتاصل بيها والو مكتجاوبش مشيت لدارهم لبارح ملقيتهاش لاهي لاماماها
عصمت:وباباها
سهيلة:الله يرحمو....هي كتغيب كل جمعة فالصباح حيت كتمشي تزور قبرو
عصمت :الله يرحمو
عصمت منين سمع كلامها زاد كره راسو....لانو فالعوض مايحميها ويفرحها هانها.....
"في بعض لاحيان يكون الغضب هو السبيل الوحيد للتعبير عن الحب"
شاف فتيلي ديالو:سهيلة سمحي ليا ولكن خاصني نمشي عندي شي عمل ضروري
سهيلة: اهاه ماشي مشكيل
مشاو ركبو فاللوطو وعطاتو العنوان...وصلها لحتى لباب الدار
عصمت:شكرا اسهيلة على وقتك
سهيلة:ﻻ ﻻ بلعكس دوزت وقت زوين
عصمت:نعودها مرة اخرى
سهيلة:انشاء الله
هبطات...وهو انطالق باللوطو....مكانتش عندو الخدمة ولكن كان باغي يبقى بوحدو....فالطريق كان دايز من حدى المستشفى لي كانت فيه ايلول حتى كاتبان ليه شادا فمها وخارجا وقف اللوطو بوحد الطريقة لي خﻻ كلشي ينتابه ليه.....تخلع عليها هبط كيجري لعندهم...ايلول غير شافتو وهي تخنزر...
سعيدة:ولدي عصمت 
عصمت:خالتي ياك ﻻباس
سعيدة:والو اولدي غير ايلول كانت عيانة شوية
عصمت:اه يله طلعو نوصلكم
ايلول:لاشكرا غانشدو طاكسي
عصمت:موحالش تلقاوه يله طلعو
سعيدة:عندو الحق ابنتي
ﻷم ركبت القدام وهي ركبات اللور
عصمت:خالة انا نمشي نقدي شي شغل ونجي
سعيدة:اهاه سير اولدي الله يعاون
عصمت مشا استفسر على حالة ايلول...كان كيسمع لوليد وهو كيلوم راسو...رجع للوطو وهو معول يطبق داكشي لي فراسو....عطاتو سعيدة لعنوان...وصلهم لباب...همس ليها عصمت بشي حاجة فودنيها واشارت برائسها بمعنى ﻹيجاب...غير هبطات وجات تهبط ايلول وهو يسد اﻷبواب....وانطالق بسرعة...اما ايلول بقات غير كتشوف
بقا غادي باللوطو حتى توقف قدام البحر.....خرج وقف قدام اللوطو شحال وهو يرجع لعند ايلول حل لباب لي من جيهتها
عصمت:هبطي بغيت نهدر معاك
هبطات بلا متنطق بكلمة وقفات مقابلة معاها:شنو بغيتي تهيني تاني راه مكاين حد هنا باش يضحك عليا
عصمت:ايلول 
ايلول بعصبية:شنو شنو شنو بغيتي تهيني مرحبا تفضل
عصمت قرب ليها:ايلول والله ماقصدت ديك نهار نجرحك
ايلول:ههههههه مقصدتيش واش عارف بلي عمر شي حاد هاني اول مرة نحس بالاهانة وبالنقص متعتادرش معنديش لي غا يدافع عليا حيت لي كان عندو الحق راه مدفون فالتراب
بقات كتبكي بهستيرية....جراها لعندو عنقها وخلاها تبكي....منطق بحتى كلمة بغا يخليها لى خطرها....زاد زير عليها....اما هي داك الحضن حسسها بالراحة...غير غمضت عينيها وهي تجي ببالها سهيلة.....بعدات عليه بدون سابق اندار...خلاتو غير كيشوف...مسحات دموعها:عفاك بغيت نمشي للدار
اشار براسو بمعنى واخا.....ركبو فاللوطو بلا ميهدرو.....الطريق كامل كانو ساكتين حتى وصلو.....كانت هابطة وهو يشدها من يديها
عصمت:....
...يتبع..

o_Oبقلم نيناo_O
دادا وفاق:يعني نتي غاتكوني لمسؤولة فهمتي؟
ايلول:دادا ولكن صعيب عليا هادشي
داداوفاق: متخافيش انا معاك حتى تعلمي كلشي...يله دابا اجي معايا نوريك القصر
تبعتها ووراتها كل زاوية فالقصر...ماحبسو حتى سخفو...
ايلول كتنهج:غير قولي ليا كيفاش تاكتقدري توصلي لكل زاوية هنا وا بزاف
دادا وفاق:ههههههههههه ولفت ابنتي ولفت...
شوية تسمع الصونيط فالكوزينة وهي تنوض كتزرب كبات كاس ديال لعاصير وحطاتو فالبلاطو وهو يصوني لفيكس مشات جاوبات
دادا وفاق:اه وصلت...هي....صاف واخا
قطعات معاه وهزات لبلاطو مداتو لايلول
دادا وفاق:وريتك لبيت ديال لامير
ايلول:اه
دادا وفاق:عفاك ابنتي لما دي ليه هادشي
ايلول :واخا
اتاجهت للبيت الامير وهي كلها شوق باش تتعرف عليه.....غير وقفات وهما يحلو ليها الخدم الباب
دخلات لقات شخص واقف قدام الباب الزجاجي لي كان مقابل مع المسبح ولابس كوستيم وعطيها بالضهر حطات البلاطو فوق طبلة الزاج...وتمت خارجة حتى وقفها كلامو
*الحوار بالانجليزية*
وليام:نتي المشرفة الجديدة
ايلول:اه
وليام:مزيان....كاين واحد الصاك فوق الفراش ممكن
ايلول:اه واخا
مشات هزاتو وقربات ليه:هاكا
مع دار لعندها وهي تصدم....لسانعا تعقد حسات بالارض كدور بيها....خشا يديه فجيبو وبقا كيشوف فيها.....
ايلول:نتا انت من...ا....


ايلول:ان...انت من الحفلة
*كان نفس الشخص لي دابزات معاه فالحفلة*
وليام:اه نفسو
طلقات الصاك طاح وتسمع صوت انكسار شي حاجة...ملامح الغضب بدات كتبان على وجهو....حل الصاك وهو يجبد اجزاء مزهرية تهرسات...وقف وهو يصرفق ايلول حتى خلات يدو لاطراس على وجهها
وليام:كانت مزهرية غالية..كانت هدية من جدي رحمة الله عليه
شدها من شعرها وهي تبدا تبكي...كانت كالطفل الصغير ادا بكى...منين شافها هكاك طلقها
وليام:خرجي عليا من هنا وكوني اكيدة غادا تعاقبي على هاد الغلط
خرجات كتجري فطريقها تزادحات مع واحد الشخص كان جاي يقابل لامير...كانت عندو بنية رياضية بامتياز...عينيه كحلين ولكن مكانش عندو الشعر*صلع*كان بنفس عمر لامير25عام...شافت فيه ايلول وعينيها مدمعين
ايلول بصوت مبحوح:سمح ليا
ومشات كملات طريقها لعند دادا وفاق...اما هو مشا دخل لعند لامير
هو:وليام تلاقيت مع بنت خارجة من عندك كتبكي
وليام:اه علاش؟
هو:ماشي هادي لبنت ديال لحفلة
وليام:اه
هو:وواوو كيعملت باش جبتيها لهنا
وليام:جاك نسيتي بلي الا بغيت شي حاجة كنوصل ليها اولد خالي
جاك:فهادي عندك الحق
وليام:امممم ماسبب زيارتك لمفاجئة؟
جاك:جيت نفكرك غدا عندنا خرجة باش نصيدو...سام غايجي ودنيال حتى هو وانا ونتا اشنو قلت
وليام:الصراحة معنديش الرغبة غير سيرو نيت تربحهم فالمسابقة
ضحك جاك:ياك بعدا....يله اسموك نخليك
خرج وخلا وليام دخل يدوش....اما ايلول فكانت معنقة وفاق وعودات ليها كلشي....
دادا وفاق:عفاك ابنتي غير صبري هداك هو الامير ديما عصبي
ايلول:ولكن انا مقصدتش
مسحات دادا وفاق ليها عينيها:نوض اجي تبعيني
ايلول:فين
دادا وفاق:تبعيني وسكتي
تبعتها....طلعو لطابق ليه فيه الامير فلول تخلعات ايلول يسحاب ليها غادين لعندة حتى وقفتها قدام...

حتى وقفنا قدام واحد البيت كبير...كان الديكور حتى هو من العصر الفيكتور وكانت فيه شي تحف اترية رائعة
ايلول:علاش جينا هنا
دادا وفاق:هدا بيتك من الان
ايلول:واش بصح
دادا وفاق:اه هدا ولا بيت ايلول
ايلةل مشات عنقاتها وباستها:شكرا بزاف فرحتيني
داداوفاق:يله نخليك دابا خاصني نوجد طبلة العشاء...هدا هو وقتها
ايلول:اه صاف واخا
خرجات وفاق وخلاتها كتستكشف بيتها الجديد....اتار انتباهها واحد الستار كان مغطي على الحيط...مشات هزاتو كتلقا واحد الباب....بغات تحلو مابغاش يتحل...طلقاتها ومشات تقاد حوايجها فالبكار وجلسات
#فالمغرب
سهيلة خرجوها....وكان خوها ابسل كل نهار معاها ومرة مرة الدكتور وليد لي قرا معاه كيجي يطل عليها......اما عصمت كان ساد عليه فالدار وكيشرب كيتفكر الحفلة وكيشرب ولا منغالق على نفسو....سهيلة منين شافت خوها بجنبها تحسنات نفسية شوية....
*بريطانيا فاحدى المنزال المهجورة*
شاب تلاتيني وقاف امامو رجل لابس كوستيم وشاد فيديه كاس ديال شراب....
الرجل:العيد الوطني بقا ليه اسبوعين

هو:عارف
الرجل:لي قدرتي تقتلو 300مليون غاتحط فالكونط ديالك وغانتكفلو بعملية بنتك ليلي وغادير العملية فاحسن المستشفايات....اما الا فشلت العملية وتم القبض عليك
*حط الكاس فوق الطبلة وجبد الفرد تيرا فيه*راك عارف اش غايوقع
الشاب:عارف،غاتنجح كون اكيد
الرجل:مزيان يمكن لك تمشي دابا
خرج وهو كيفكر كيفاش ينفد العملية...نرجعو دبا عند بطلتنا..
كانت جالسة فوق ناموسيتها حتى صونا الفاكس ديال البيت ناضت جوبات
دادا وفاق:ايلول هبطي لعندي
ايلول :واخا
هبطات لعندها لكوزينة لقاتها موجدة لعشا لي كان عبارة عن لازانيا وشوربة الخضر...
دادا وفاق:اجي نتعشاو
ايلول:واخا هما سلاو
دادا وفاق :مزال.....اجي معايا
جراتها وحلات واحد الباب من غير لي كيدخلو منو:شوفي شتي داك الراجل الكبير لي كيشرب الما
ايلول:اه
دادا وفاق:هداك هو الملك فردنالد ودري لي على ليسر الصلع ولد خوه سميتو جاك ولي حدا جاك سام لي جابك لهنا صاحب الامير وليام قرا معاه ولد وزير الخارجية فانجلتر واما لي على ليمن ديال الملك هو ولي لعهد وليام..
رجعنا لكوزينة وجلسنا كنتعشاو فصمت حتى بداو كيجيبو الخدمات الاطباق لي كلاو فيها العائلة
ايلول:دادا نسولك
دادا وفاق:اه تفضلي

o_Oبقلم نينا o_O
#عندما_يحب_الامير
ايلول:فين هي الملكة؟
تبدلات ملامح وفاق:الله يرحمها
ايلول:واش عاد ماتت
دادا وفاق:لا ماتت فنهار الازدياد ديال الامير
ايلول:وشكون لي ربا الامير؟
دادا وفاق:اه *موجهة كلامها لاحدى الخدمات*بشوية نتي راك عارفة لي تهرس كاس واحد غاتمشي لك نص الخلصة
الخادمة:واخا امدام..
دادا وفاق:ايلول دابا11 وقت النعاس سيري لبيتك ترتاحي
ايلول ناضت باستها فحنكها:تصبحي على خير
دادا وفاق:تصبحي على خير
طلعات ايلول لبيتها بدلات حوايجها وتخشات ففراشها وبقات حتى نعسات....
اطل الصباح كعادتها....يحمل معه تنايا الاحلام لعلها تتحقق...
فاقت على شي يدين رطبين كيلعبو فوجهها وشعرها....فاقت كتلقاها بنت شعرها زعر طويل وعينيها خضرين كتلعب ليها فشعرها
/الحوار بالانجليزية/
ايلول:جميلتي
هي:لاس اليك
ايلول هزتها وحطتها قدامها :شنو سميتك
هي:لوأين*لورين*
ايلول:لورين سمية زوينة فين هي ماماك
لورين:مع بابي
ايلول:امم اجي غاناكلك
حطتها فوق الناموسية وبقات كتهرها...لورين عجبها لحال وبدات كضحك كان شكلهم كيضحك...بجوجهم كيضحكو حتى كيدخل عليهم


حتى دخل عليهم وليام كان لابس طريكو نص كم من الفوف ولابس سروال \الصورة\
وليام:لورين تكلمي لماماك
ناضت طبعات قبلة سريعة على حنكي ومشات كتجري...
وليام:ليوما غانمشيو لبحر وجدي راسك
ايلول:ولكن
قطعها وقرب ليها:مورا لفطور نلقاك واجدا
كان الجو حار بزاف....خرج وخلا ايلول واقفة.....وكلات امرها لله ومشات غسلات وجهها...لبسات قميجة كحلة معندهاش الكمام وسروال الدجين...خلات شعرها مطلوق....هبطات لكوزينة لقات وفاق موجدة لفطور فطرات معاهم....
ايلول:دادا وفاق شكون هي مامات لورين
دادا وفاق:بنت خت الملك
ايلول:شحال فعمرها
دادا وفاق:30 عام
ايلول:باقا صغيرة
دادا وفاق: اه
صونا الاندار عندهم وجات احدى الخدمات :انسة ايلول كيتسناوك برا
ناضت وخرجات لعندهم كان وليام وجاك وسام واقفين حدا الطومبيلات..لورين غير شافتني جات كتجري لعندها....هزتها وبقات كضحك معاها حتى جات واحد المراة فالتلاتينيات من عمرها كانت كتشبه للورين
هي:انسة ايلول
لورين:ماماتي
ايلول تحنات ورجعات وقفات:سموك
هي:انا كاترينا
ايلول بابتسامة:متشرفين
ابتسمات:لورين ماشي ساهل تبغي شي واحد ولكن نتي باينة دخلتي ليها لقلبها
لورين:نونو
ايلول:نونو؟؟؟
كاترينا:هههه نونو هو واحد النونوس على شكل قطة بصفة انتى عينيها كيشبهو لعينيك وقصدات بلي كتشبيهي ليها
ايلول بدات كضحك....كاترينا:سمحي ليا منقدرش نمشي معاكم لبحر غاتمشي نتي ولورين والدراري بتلاتة
جاك:واش غانبقاو هنا حنا




تقدمنا بالرقب منهم....كانو سيارات من نفس النوع Rong rover فالبيض.....ختاروها نفس الماركة ونفس لون كاوسيلة للتمويه حيت الامير غايخرج من دون حراسة مشددة وغايمشي لمكان عام....
لورين موجهة كلامها لوليام:عمو فين اتمسي *كتقصد فين لوطو غاتركب*
كان واقب حد وحدة وهو يحل لباب الوراني وحل يدو اليسرا:تفضلي يااميرة
طلعات كتجري للوطو وصايب ليها الصمطة.....جا الشيفور
وليام:غا سير انا غانسوق
الشيفور:امرك
جاك وسام ركبو فاللوطو التانية....والكادكور كانو شي 5 ركبو فاللوطو التالتة
وليام موجه كلامو لايلول :مغاطلعيش نتي
مشات غاتركب حدا لورين حتى وقفها هو:القدام
مشات ركبات حداه.....خرجو من الباب الوراني ديال القصر....مشاو من طريق الغابة حتى خرجو فالبحر لي كانو خواه البوليس.....كان فوق 6السيارات ديال اللوطو واقفين تما هبطات لورين كتجري وكضحك.....هبطنا ومشا وليام جبد واحد الصاك صغير وعيط على لورين
وليام:فهاد الصاك كاين مايو ديال لورين لبسيه ليها
دخلتها لوطو ولبست ليها المايو لي كان مكون من 2بياس ديال هلو كيتي فالغوز وطويت سروالي من التحت وحيدت الصندالة وديتها تعوم حدايا اما جاك وسام فكانو كيعمو الداخل...وليام حيد طريكو بقا غير بالسروال....وجا وقف قريب منا بقا كيقلب فتيلفونو....اما لورين كانت كتعوم وفرحانة شوية وهو يجي عندي سام
سام:ايلول دخلي تعومي
ايلول:لا شكرا
سام:على خاطرك
رجع كيعوم...واما وليام صونا عليه تيليفونو ومشا رجع لوطو كيهضر
مرت تقريبا شي15 الدقيقة وهي تجي لعندو لورين كتبكي وكتغوت
غير شافها وليام قطع ولاح تيليفون:لورين لورين مالك مالك
......يتبع