قصة عودة مغتصبي

تليفون كيصوني (ترن ترن ترن ترن...)
نبيل :افين اصاحبي توحشناك
امين: ابيخير اصاحبي غي مع الحرارة والصهد فهاد مراكش كيداير الجو فطنجة
نبيل:الدنيا هنا زاهية اصحابي وقتاش تجي لهنا
امين:كاين شي طيطيز تما نجي دابا هههههه
نبيل:ههههههههه يلاه أجي عطا الله الخير
(دقيقة صمت).......... كيدايرا ممات ولادي ههههه
امين:ههه شكون ؟!
نبيل:ههه ختك اصاحبي
امين:ههه الله امسخك دغيا رديتيها ممات ولادك
نبيل:واشنو زعما مابغيتيناش نتناسبو
امين :الله يا ودي شكون كره ؛ولكن رآه أمينة معرفتش باللي انت كتبغيها
نبيل:ياك وصيناك زعما توسط لينا معاها
امين:وي مي مقلت ليها والو حتى تقولها ليها انت حسن ،مهم دوختيني بالهضرة نسيت مقلت ليك رآه غادين احولوني لطنجة وملين الدار تاهوما ناوين انتاقلو نبيل:بصااااح خبار زوينين هادو اوا مرحبا بيكم
امين:اه وبغيتك تقلب لي على شي دار تما تكون كبيرة والثمن مزيان
نبيل:اه كاين واحد السيد جارنا ناوي ابيع نشوفلك معاه
عل الله تصدق القضية .اححححح ونكون قريب لحبي
امين:هههه والله يالمكبوووت دمك ونشدك تانوريك اححححح ،يالاه تلاح ورد عليا باشما كاين بسلامة.
نبيل:ok اخاي امين كون هاني ملي القضية فيها حبي غانخوي دارنا ونسكنكم فيها ؛نفيق ونصبح على حبيبة القلب
امين:ههههههههه الله يستر (طوط طوط.....)
امينة:خويا اشكادير سمعتك كتهضر معا من شاد تقريب الناب
امين:والو غي داك الهبيل دنبيل مسالي مع راسو مقطع الوراق
امينة:داك صاحبك فشكل يقتلني بالضحك ظريف
امين:لهلا وريه ليك هههههههههه ؛كاين الواليد
امينة: اه رآه داكشي نيت باش جيت تكلم لو


الحاج احمد:يا بسم الله (gالس)الحاجة كبي لي واحد الكاس داتاي
الحاجة فاطمة: بسم الله
امين:الواليد رآني هضرت مع نبيل ووصيتو اشوفلنا شي دار تما وقال لي كاين شي فيلا حد اهم للبيع مهم وصيتو اشوفها وتفاهم مع مولها فالثمن
الحاج:واخا اولدي الله ارضي عليك
الحاجة فاطمة:والله ماسخينا بهاد الدار وبمراكش
امينة:الواليدة رآه مزيان الواحد ابدل هههههه (شافت في امين وغمزاتو)
محمد:تفو انا مغاديش معاكم غنبقى هنا
امين:علاش مالك
محمد:بعصبية وراك عارف قرايتي و صحابي ...
امينة:وخلاص تا أنت تمشي لتما دغيا دير صحاب جداد وتقرا فمدرسة خرا
محمد:لاااااا مغاديش هي مغاديش
الحاج والحاجة: الله ارضي عليك يا ولدي غي صبر رآه دغيا تولف ودير صحاب جداد وزيدون واحد العام مزال اللي بقاليك وتتخرج ونفرح بولدي .
الحاج:انا خارج نقضي شي أغراض..

نبيل وباباه مشاو عند جارهم سي عبد الله باش يوريهم الدار ويتفاهمو عل الثمن.
الحاجة صفية:إكرام رانيا ونزلو خلااااص ولا نطلع ليكم ونكركبكم مع الدروج..
اكرام:نوضي البقرة رآه عيقنا
رانيا: شحال فالساعة
اكرام:هاد13h00
رانيا:اااااههههههه اليوم تاكلنا خالتي كفتة
الحاجة: مالكم فين كنتو سهرانات ملي نعستو تال هاد الوقت ...
رانيا:والله اخالتو غي العكز وقلت مايدار
الحاجة:يلاه فطرو وجمعو الدار هانا نمشي نطل عل الغداء
واخااميمتي هي اللولة
نبيل:هاي هاي هاي على الحادكات كون غ بقيتو مزال ناعسين حتى الغد ليه أما هاد النهار رآه فات
رانيا:هههههههه مرة خرى
اكرام: خويا حبيبي واش خدام هاد العشية
نبيل:لا علاش؟؟؟
رانيا:بغيناك تخرجنا اليوم تسارينا عينا من الدار
نبيل غنشوووووف
اكرام:عفاك الله يرزقك شي طيطيزة تطيطز معاها ههههه
رانيا:هبيلة ههههه
الحاجة: خرجهم او لدي الله يرضي عليك يرتاحو غي دوك التلفونات مساكن ولاو يطلبو الشرع هههه
نبيل: هههه واخا صافي
اكرام ورانيا:yes

وصلات العشية اكرام ورانيا ونبيل وجدو ريوسهم باش يخرجو يدورو مشاو للمول tanger city دارو مزيان ماجاو تال 2 2h00 دالليل...
اكرام:اليوم تgرضنا الواليدة ...
رانيا: ماتخافيش مغادقول والو
نبيل:هانا ماشي نجيب شي بييزات باش نتعشاو
مهم وصلنا للدار لقينا خالتي وعمي gالسين مقابلين التلفازة انا واكرام مشينا بد لنا حوايجنا وحطينا دوك البييزات وعصير تعشيناوكل واحد مشا لبيتو
واحد شوية التليفون كيصوني...
رانيا:الو مماتي كيدايرا لابأس كيداير هشام بابا ومريم..
الحاجة زينة:لاباس ابنتي الحمد لله هاحنا كيدايرين دار عمك
رانيا:لاباس اميمتي حمد لله كيسلمو عليك توحشتكم واش مغاديش دجيو فهاد العطلة..
الحاجة زينة:إنشاء الله ابنتي ناوين نجيو هاد السيمانة إلا كتاب
رانيا: بصاح اوا الله اجيبكم على خير يالله سلمي عل كلشي موااااح
الحاجة زينة: واخا ابنتي تهلاي تانتي سلمي عليهم.
اكرام: كيدايرا مماك لاباس عليها
رانيا : لاباس سلمات عليك قالت لي من هنا واحد سيمانة غايجيو
اكرام: مزيان الله اجيبكم على خير يالاه بون نوي ازين
رانيا:امين الزين وانتي من اهلو
نبيل:الو سي امين وصولوك التصاور د الدار كيجاتك
امين: وي وصلوني زوينة تامالين دار عجباتهم غي الثمن شوية غالي
نبيل:اوا اصحابي درت معاك جهدي انا والواليد تاقنعناه اخليها ليكم بداك الثمن...
امين: يحفظك ماشي مشكل ...
نبيل:امتى غاتجمعو الرحيل
امين: الرحيل جمعناه ومن هنا واحد يومين نشدو الطريق إنشاء الله
نبيل: اوا مزيان الله يعمل اللي فيها الخير مهم التلفون بيناتنا يالاه تصبح عل خير
امين: اه ضروري .تصبح على خير.

دازت يومين نفس الروتين الشقا والدار تال النهار اللي جاو فيه دار امين .....
امين: أ نبيل فينك
امين:هانا غ الدار وصلتو ولا باقي اه يلاه دخلنا لطنجة فين غتلاقانا ...
نبيل: اه ملي توصل حدا مرجان وقف غتلقاني تما
امين :اوكي
نبيل: الواليدة هانا خارج نتلاقى للناس رآه وصلو
الحاج :بلاتي اولدي نمشي معاك
الحاجة : واخا او لدي هانا نحط الميرندا بيما وصلو الناس......رانيا اكرام فينكم تاني
اكرام ورانيا : ها حنا....
الحاجة: الله يرضي عليكم زيدو نوجدو الطبلة رآه الناس وصلو
اكرام ورانيا كيف العادة آخر من يعلم بآخر المستجدات
اكرام: شكون غايجي
رانيا:الخطاب اللي جاو ههههه
الحاجة: مصاب كون كانو هما نتهنا منكم بزوجات فمرة
اكرام: ياك اميمتي دغيا طلعنا ليك فالراس
رانيا: وا مقلتيش لينا شكون
الحاجة: صاحب خوك نبيل اللي جا هو وعائلته
اكرام: اشجاو ديرو عدنا
الحاجة : اوا السيد نقلو ليه خدمتوا لهنا وانتاقلات معاه عائلتو ونزيدكم رآه يكونوا جيرانا.
رانيا: غايسكنو الدار د السي عبدالله
الحاجة: اه
اكرام:اوا مصاب يكون معاهم شي طيطييييز اللي نمتعو به عويناتنا.
الحاجة: هههههه الله يستر
رانيا: امين....
واحد الشوية الناس دخلو.....
نبيل: تفضل أعمي احمد مرحبا الدار داركم
الحاج احمد:الله يرضي عليك
فهاد الوقيتة اكرام ورانيا كيطلو عليهم من الباب دالكوزينة حيت مقابلة مع الكولوار د الصالة.
رانيا : وناري يا صحيبتي التتتتوووتتت اشمن تووووت وا بقلاوة اولا من عرف شنو
اكرام: واهيا سيدنا واهيا الملك وااااااااااااااهيا العمالةههههه العسل الحر مقطر
رانيا:شوفي داك الطويل شحال بقوص باينة فيه حاس براسو

اكرام:انا خليلي غ ديك التباتة اللي واقفا مع الحيط باينا فيه مقلق تقول واش غرقوليه الباطوات ههههه
رانيا:شوفي ياختي واقيلا هاديك ختهم طيطيزة تاهيا .نارييييي شو في شوفي يالالا السي نبيل عوينات كابريو ملي سلم معاها
اكرام: ههههه انا بان لي تلف مسكين .شوفي غ هما اش دارو فينا ملي شفناهم اعلم الله كغيوليو هما ملي شوفونا
رانيا:ههه بكل تواضع يااااك....
ناري تالاحي ها هو نبيل جاي
نبيل:اش gالسات نتوما هنايا كتدعملو
رانيا :كنسرحو فعويناتنا
اكرامقرصات رانيا)اللقوى يالبقرة فضحتينا)...احم احم خويا خدودك حمارو ياك لاباس
رانيا: وابسيف يحمارو رآه ضربو الضو دمراكش اصاحبتي
نبيل: باستغراب .علاش كتهضرو مفهمتش
اكرام ورانيا فدقة وحدة: حجابي عفتي هههههه
نبيلولا وجهو حمر عرف باللي عاقو بيه) هههههه ولايني نتوما خطار فالا حضياي
يالاه تgلسو معانا
رانيا:واقول لينا سمية دوك الطيطيز
نبيل:يالاه تال تما
اكرام:يالاه ا صاحبتي .بلاتي بلاتي بعدا كيجيتك زوينة ياك
رانيا: تيتيزة احبي وانا
اكرام: كداللك وناري معرفت مالي كنرجف تقول جايين اخطبوني ههههههه
رانيا: هههههههههه خودي نفس عميق شهيق زفير شهيق زفير هيا للجهاااااد
اكرام: الله امسخك......

الحاج عمر:اوا اسيدي نهار كبير هدا مرحبا بيكم عندنافدارنا وفطنجة
الحاج احمد:الله أبارك فيك أ سي عمر
رانيا واكرام: السلام عليكم
كل شي دار ورد السلام... امين ومحمد باقين غ حالين فمهم . ههه وابسيف شافو الطيطيز
نبيل:احم احم (ورك على رجل امين )
الحاجة صفية : زيدو ابنتي gلسو دعملو ميريندا
الحاجة فاطمة:تبارك الله حجاب الله الله يحفظكم .هادو بناتك الآلة صفية.
صفية:هادي هي بنتي اكرام وهدي بنت عمها رانيا
فاطمة:تبارك الله ...
امين ونبيل كيهضرو غ بالاشارات وكيضحكو. ..
مهم درنا مريندا وجمعنا الطبلة وعاوناتنا تا امينة باينة فيها بنت ظريفة . انا و اكرام درنا خطة هههه هي أننا نصاحبو معها باش تعطينا خبار التيتيز
اكرام ورانيا:مرحبا بيك أ امينة
امينة :ربي يخليكم.
نبيل:وا كيجاتك طنجة أ امين
امين:ههه واعرة
نبيل:سيمو مالك اصاحبي غ ساكت
محمد:لا والو غ العيا
امين معنق خوه:غ خليه راهوكاعي حيت جينا لهنا وللف مراكش
نبيل:د ابا تولف انشا الله
رانيا:جمعنا الكوزينة انا واكرام وأمنية وردنا العشا تاهو
وطلعنا امينة عدنا للبيت باش تبدل حوايجها. وصلينا المغرب .وهبطنا لقينا الكبار خرجو اشوف الدار دخلنا الصالة عند نبيل...
نبيلبعنين كيلمعو)مرحبا بيك أ امينة نورتو طنجة
امينة :ربي يخليك (وهبطت راسها)
امين : احم احم...شاف فنبيل اللي ولا هايم وسارح واحد شوية عاق براسو واحد لوقت كل شي كيضحك وهو ولا حمرررر كمطيشة ؛أما امينة مسكينة تزنgات وحشمها داك التصرف اللي عمل نبيل. .
احححح على الحب من أول نظرة أما امين فيما لقى شي فرصة كيسهى تا هو تا كتحصلو رانيا ويهبط عينيه وهي كداللك.
واكرام ومحمد كالسين مجمعين ليك ههههه بنت الذين دغيا جبداتليه لسانو بالهضرة ...
دازت ديك الليلة على خير تعشاو وكل واحد ناض ونعس ؛الغد ليه عاوناهم تا قادو الدار وفرشوها دغيا سالينا حتى من التسياق اللي صعيب مسيقناش حيث نبيل كان جاب 2 خادمات ونقاوها مزيان مما سهل المأمورية؛ سالينا درنا الغدا وتغدينا وكل واحد راح لشغلو

دازت سيمانة على مجيئ الجيران الجدد امين بدا الخدمة فالكوميسارية مع نبيل... اييييه طيطيز بوليسي .اليوم جاو دارنا توحشتهم بزاف اخخخخخ معرفت اش عجبهم فديك فرنسا.
صفية :ومرحبا بيكم زارتنا البركة على سلامتكم
زينة:ترحب بيك الجنة الله يسلمك
رانيا:حبيبتي ماما توحشتكم ا
الحاج مصطفى:رانيا بنتي
رانيا بابا:متصور قداش توحشتكم
هشام:ونا يا لمشيشة متوحشتنيش
رانيا:الله يا ودي نتاراك كلشي...بابا فين هيا مريم مجاتش
مصطفى: لا ابنتي مجاتش حيث حاملة
رانيا:بصاح الله أكمل ليها. متصوروش قداش توحشتكم
هشام:او انتي اللي مبغيتيش تمشي معنا
رانيا:مكاين ما حسن من بلادي هههه نتوما اللي خاصكم تدخلو باركة عليكم من الغربة
مصطفى:إنشاء الله ابنتي واحد العام مزال ونستقرو فالمغرب
اكرام:سلام مرحبا بيكم عاش من شافكم
زينة:الله يحفضك ابنتي
مطصفى:تبارك الله لالة اكرام كبرتي هههه
اكرامبخجل)يحفضك اعمي...
دخل عمي عمر ونبيل سلمو على عائلتي ورحبو بيحهم وكل شي فرحان...
تغدينا ورتاحو عائلتي من السفر بالليل عرضو علينا عائلة د امين تعشينا عندهم داز كل شي هو هدا.. الغد ليه ..

...الغد ليه كان نهار الحد و قتارح علينا نبيل نخرجو ندورو .هيا هاديك خرجنا كاملين انا واكرام نبيل هشام امين امينة ومحمد مشينا لمغارة هرقل درنا فيها وزدنا للرميلات وعرgناها بايصار و قطبان مع اتاي هههه دازت خرجة
اه نسيت مقلت ليكم تبادلنا النوامر انا و امين وحتى نبيل وامينة ههههه واكرام ومحمد هاديك خلاص باقي غ خويا هشام الله اجيب ليه تاهو شي طيطيزة...
رجعنا للدار لقينا الكبار كالسين كيشربو اتاي ...نمشيو عند نبيل
نبيل:الو امينة كدايرة
امينة:لاباس حمد لله وانت
نبيل:بيخير (دقيقة صمت)امينة...
امينة:نعام...
نبيل:صراحة نتتتي نتي كتعجبيني بزاااف صراحة من نهار شفتك دخلتي لقلبي...
امينةبصوت مليى بالفرح) اااااااا شنو بغيت نقول تا نتا كتعجبني
نبيل:واشنو دابا نعطيو فرصة لبعضيتنا
امينةبارتباك وفرحة )اكككي
نبيل:مزيان امممم انشاءالله نتمنى هاد العلاقة تطور وتتوج بالزواج
امينة:انشا الله يالاه تصبح على خير
نبيل:وانتي من اهلو...
واحد شوية نبيل صيفطلها مساج(امينة كنبغيك ودابا عاد ارتاحيت حيت عتارفت ليك بحبي وفرحان أكثر حيت كتبادليني نفس الشعور حبيبة je t aime)
امينة :قرات المساج بفرحة وعجبها الحال ولكن مرداتش عليه

الغد ليه فقنا مدكدكين انا واكرام حيث صهرنا انا وياها وهشام نبيل مكملش معانا السهرة حيت كان خدام بكري.
اكرام :صباح الخير
رانيا:صباح النور
هبطنا لقينا ماما وخالتي كايصاوبو فالغدا وحنا فطرنا وجمعنا داكشي اللي بقا من الشغال؛أما هشام باقي ناعس...
وحد شوية نسمع تليفوني كيصوني ترن ترن ترن...
رانيا:الو.... الو .... الو...(رقم مجهول)
اكرام:شكون..
رانيا:معرفت
واحد شوية دخل مساج
(من أول نظرة سحرتني بعينيك وأصبحت هائما وعاشقا لكل تفاصيل جسمك )
رانيا:هههه هدا امين واقيلا ضربو حمار النهار شوفي شنو كتب...هههه
اكرام:ناري السيد طاح على راسو هههههههه واقيلا هو اللي صونا قبيلا ..جاوبيه
رانيا:اش بغتيني نقول ليه حسن خليه والله لاجاوبتو...
النهار داز عادي كيف العادة
بالليل دخلت للواتساب لقيت امين مكونيكطي وهدرنا شوية...
وتعرفنا كثر على بعضنا. .. واحد الشوية سولني واش مصاحبة ولا دايرة شي غولاسيون... انا جمت فبلاصتي هههه معرفت علاش جاوبتو ب لا.علاش...
امين:امممممم تصاحبي معايا ؟؟؟
رانيا:ااااا كيفاش
امين:زعما واش بغيتي تولي حبيبتي...
رانيا:نننن لااااا بغيت نقول زعما خلينا غ أصدقاء وصافي
امين:على راحتك .... وسمحيلي ...
(اووووفففف ارنيا علاش قلتي لو لا )
اكرام :بسم الله عليك مالك كدوي مع راسك ارانيا. .
رانيا:امين سولني واش نتصاحب معاه ..
اكرام: واش قلتي لو
رانيا:لا انا قلت لو لا وخلينا غ أصدقاء
اكرام: ضربك حمار الليل لا....كنتي تسطاي النهار الأول فاش شفتيه دبا رفطيه ...
رانيا:خليني عليك أ اكرام اللي فيا كافيني افكاري مخربقة مقدراش نفكر..
نعست وخليت اكرام كتهضر لوحدها...الغد ليه فقنا فطرنا وجمعنا الدار كيف العادة
خرجنا للجريدة انا و اكرام...واحد شوية جات عندنا امينة وgلسنا وكنهضرو واحد شوية دخل نبيل وأمين...
رانيا:انا غشفت امين حسيت بروحي غطلع وقلبي ولا يضرب 180 شفت فيه ولقيتو تاهو كيشوف فيا...و حتا أنا محسيتش براسي وبادلتو نفس الشوفات وبقينا ساكتين كنشوفو فبعضنا تا قرساتني اكرام عاد رجعت للواقع هههه
امينة:سبحان الله فين سرحتو
اكرام:هههههههه
رانيا:لا والو غ كنفكر
خرج نبيل هاز معاه كورة ولاحها لامين و امين لاحها الجهه فاش gالسين وهزيتها وسيفطتها نيشان لامين ' وهي ضربو فحجرو ....
امين:ايييييييي وامي ولادي مشاو فيها....هههه بقا كل شي مصدووووووم صدمة ثلاثية
امينة واكرام حشمو وملقاوش فين اخبو وجهم هههه
امين بقا غشاد بين رجليه...وكيشوف فيا بنضرات حادة ؛مشيت دخلت للدار كندب اويلي اش داني لشي كورة ولا زفت تفووووو على نهار...
اكرام:ناري يالمسخوطة زعزعتي لو وليداتو ههههه
رانيا:ضحكي يابنت للذين واتاك الضحك
دخل نبيل وشاف فيا وهو يزير بدو وعطاها لي فراس وكيضحك. .. وهز ميكا الثلج وخرجها ... ...

النهار كامل ونا كنفكر الفضيحة اللي درت اويلي تا مكلفت راسي نعتادر ليه. ولكن اش غنقول ليه. ..
اكرام:رانيا سبحان الله مالك...
انا لا والو غ لقيتني كنفكر فديك الفضيحة ونقول نعتادر ليه. .
اكرام:هههههههه أجي نقول ليك سيفطي ليه مساج وقولي لو "كيبقاو ولادك"ههههههه
رانيا بعصبية كضحكي عليا تصطيطي
اكرام بسخرية ياك هو اللي غوت وقال ناري ولادي مشاو فيهاهههههه
رانيا:خليني عليك اففف ...أنا بعد اخد ورد في أفكار قررت نصيفط ليه مساج اعتدار كالتالي (سلام امين سمحلي بزاف مكنتش قاصدة نضربك بالكورة نتمنى تقبل اعتذاري )...
عند امين وأخيرا يلاه طفات عليك الشمعة باش تعتادري
نبيل مالك معا من
امين :لا والو غ رانيا عتدرات ليا
نبيل:ههههه علااااام اصاحبي فكرتيني فديك الغوتة اللي درتي هههه
امين:هههه متفكرنيش خخخخ ...خليني دابا نجاوبها اعتذارك مقبول في حالة قبلتي تخرجي معايا شنو قلتي..)
انا غ قريت المساج طلعات ليا القردة هذا شنو يصحابو راسو يخخخ
اكرام:مالك
رانيا:هدا نيت سيفتلو مساج اعتدار وهو كيدير لي شونطاج ..قالي اعتذارك مقبول في حالة قبلت نخرج معاه اكرام:وامالك مقال والو حتى تعصبي بحال هكا عطيه فرصة ... دقيقة صمت...رانيا انا عارفة هادشي اللي غنقول ليك يعاود افكارك فالماضي ولكن غنهدر.......
مهمم انا عارفاك مزال متأثرة بداكشي اللي دوز عليك مراد واخا مكتبيني لينا والو ولكن انا حاسة بيك احبيبة داكشي علاش نتي مترددة تعطي فرصة لأمين انا عارفة كيعجبك ولكن د اكشي اللي عشتيه فالماضي مخلاكش تنساي الحقد والحزن والألم اللي بقلبك ..
رانيا بحزن وبعنين عامرين دموع....
اه عندك الحق فهادشي اللي قلتي أ إكرام انا مزال متأثرة بالماضي وخا كنضحك مي الداخل الله اللي عالم بيه
صراحة انا معجبة بأمين بزاف ولكن انا خايفة معرفتش مناش ولكن خايفة...
اكرام:انا كيبان لي ولد الناس وضريف عطيه فرصة وعطي فرصة تال راسك ونساي عليك الماضي ا صاحبتي جاوبيه وقولي لو بلي راك موافقة
رانيا:الله معرفت انا حايرة بين قلبي وعقلي
اكرام:وانتي تعرفي انا غ قلت ليك انو هاد الحياة قصيرة متستاهلش نبقاو حازنين عليها
رانيا:نفكر تال غدا ونرد عليه...
عند امين....مال هادي مجاوباتنيش شنو زعما منخلاني بفففففف نصيفط ليها مسج ...أولا غنهضر معاها حسن
طوووووط طوووط.. .
رانيا:الو
امين:سلام رانيا لاباس
رانيا لاباس ونت كبقيتي
امين الحمد لله...أمين مممم مالك مجاوباتنيش ...
رانيا لا رآه غير....
امين غير اش... سمعيني ارانيا غنجيك من اللخر نتي كتعجبيني بزاف صراحة منهار شفتك دخلتي لقلبي عطيني فرصة. .أمم
رانيا :امين سمحلي ماقدرش...
امين :علاش؟؟؟ واش كاين شي واحد آخر فقلبك ...اممم
رانيا:لا مكاين حد ومكنفر ندير فيه حد هاد الساعة سمحلي باي
امين:ok
اكرام:وناري يالبقرة مالك
رانيا ببكاء شديد عيت ا صاحبتي عيت كتافي تهدو بهاد الحمل الثقيل وراسي غينفاجر من كثرة التفكير علاش انا بالضبط علاش يوقع لي هاد المشكل وكلت عليك الله "امراد" وكلت عليك الله الله ياخد فيك الحق دمرتي لي حياتي المجرم...
اكرام: رانيا حبيبتي سمحلي عافاك فكرتك تاني فهاد المشكل ولله يعطيني اللقوى واكلني فمي يخخخخخ (اكرام بقات تضرب في فمها)
رانيا:لا نتي معليك والو صافي نساي الله باخد الحق فاللي كان سباب...
دازت ايام وجات ايام
عادي مكاين تا جديد من غير قصة حب نبيل وامينة تتطورات ونبيل ناوي يخطبها هاد السيمانة...وانا وامين مكنهضروش هو ميك عليا صراحة منلوموش حيت هو كيبغيني ولكن انا رفضت نعطيه فرصة مبغيتش نضلمو نتمنى ليه السعادة في جيها اخرى ويلقى بنت اللي تستاهلو....اليوم فقنا بكري حيت غيمشيو دار عمي يخطبو امينة لنبيل

#عودة_مغتصبي
أصبحنا وأصبح الملك لله
دغيا دازت سيمانة واليوم غنمشيو نخطبو لنبيل كل شي فاق بكري معادا نبيل اللي كان سهران مع حبيبة القلب مشيت أنا و إكرام فيقناه كل وحدة فينا شداتو من رجل وجريناه تا طاح من بلاصتو هههه وبدينا نضربوه بالمخاد تا زعزعناه مزيان مسكين معرف باش تبلا تا جا خويا هشام وفكو وجرا علينا من البيت هههههه
نزلنا لقيت خالتي و ماما كيوجدو داكشي اللي غايديو عاوناهم شوية دغيا كلمنا...
الدار عند أمين. .. الحاجة فاطمة:أمينة بنتي وافيقي خلاص را الناس غايجو فالغدا نوضي
امينة: واخا نزيد غ 5 دقائق همهمممم
امين:صباح الخير الواليدة
الحاجة فاطمة:صباح الخير اولدي كصبحتي
امين:الحمد لله
الحاجةفاطمة:الله يرضي عليك اولدي فطر نتا وباباك وجيبو داكشي اللي خاص
امين:ok...واحد الشوية خرجت ندماري اللوتو حتى كتبان لي معذبتي جايا وينو شحال كتبان زوينة. .
عند رانيا .. أنا خرجت نتصخر الدار وملي رجعت كيبان لي حبيبي خارج جيهت اللوتو او اه ماهده الاناقة حالف تايقتلني بوسامتو...وصلت حداه يا لله بغيت ندخل (مع الديور ملاصقين )وهو يوقف قدامي شفت فيه ونا نحدر رأسي وبقيت كنحسب دقات قلبي اللي مابقاليه والو ويوقف ...اههه سديت عيني وسرحت بخيالي وكنشم ريحتو الزوينة وكنتخايل راسي معنقاه....تكنسمع باباه احم احم حليت عيني ونا نلقا امين مشا للوطو كيشوف فيا ويضحك هدا مالو مع الصباح
الحاج احمد:احم احم ممكن تخليني ندوز ابنتي
رانيا:شفت فراسي لقيت راسي معنقة التقدية اللي جبت( مع ملي كنت كنحلم عانقت التقدية وتخايلت امين بلاصتها)أنا تفزعت والمشكل هاد الشارف شافني واقفة قدام دارو ومعنقة التقدية عيا ميحمحم والو أنا ماكيناش والاخر عاجبو الحال وكيفرنس ليا بعت من الطريق تميت داخلا ونسد الباب ولقيت امين مازال كيفرنس أنا بخاطري تهجرو انشا الله واحد شوية غمزني....اخ على بنادم باسل باه حداه وهو كيفمز ..
دخلت للداخل لقيت نبيل كيفطر هو وهشام حطيت التقدية مع الدورة كنلقا نبيل مورايا...
ياك لابأس منخفوش
نبيل:والو بأس غير...
رانيا:غير اشنو ... تميت غادا حتى كنحس بحوايجي فازgين ...ولد اللدين خوا عليا قرعة دالماء باردة
نبيل حشومة عليك الماء باررررد
نبيل:باش مرة خرا تعلمي تفيقيني بديك الطريقة مشيت للبيت عند إكرام لقيتها تتبدل حوايجها تاهيا سردها نبيل بالماء هههههه
اكرام: حبي تانتي دوش ليك

وحد شوية نزل نبيلواو على تيتيز جا زاز لوز
ماما وخالتي تبارك الله حجاب الله عليك يا ولدي طلعتي غزال ....
نبيل كان لابس كوستيم بلو مارين مع قميجة بيضة وصباط كحل.ولحية ديالو متراسيا...
ماما وخالتي لبسو جلالب وبابا كوستيم كحل وعمي لابس جلابة وخويا هشام لبس سروال تجين زرق وتيشورت لاكوست بالأبيض إكرام لبسات كسوة طويلة بالفوز البارد ودارت ضفيرة واعرة وانا لبست ك سيوة قصيرة تال الفخاض فاكحل ولبست معها ليبا بنفس اللون وطلقت شعري درتلو بابليز ... مهم دقينا فالباب حلات لينا الحاجة فاطمة...مرحبا مرحبا تفضلو دخلنا للصالة وجا داك الشارف هههههه شافني وهو يخنزر تقول اناعدوه سلم علينا ورحب بينا
...هزيت تيليفوني نتلف الوقت ونلقا مسج من امين فيه: (جيتي زوينة بب) رانيا:اويلي فين شافني هادا بديت ندور فعويناتي واحد الشوية وركات عليا اكرام على رجلي شفت فيها غمزاتني وهو ابان لي امين "اححح قلبي الصغير لايتحمل"جا واعر كان لابس سروال التجين زرق وتيشورت خفيف فوق منو قميجةالتجين زرقة نص كوم مبينا عضلاته ااااه وشعرو رطب مشطو للجنب اححح وتاهو لحيتو مطراسية جا غزال توووب سلم علينا ووصلني أنا وسلم وهو يغمزني ويقولي بصوت خافت راااك تيتيزة سمعاتو اكرام وهيا تضحك ونا تزنgت اخخخ على بنادم الدنيا عامرة وهو كيتعنب.. مشا وجلس حدا نبيل وهشام واحد شوية دخل داك لاخور محمد خوه ههه اويلي شافتو اكرام طلقات ريوقها ولات كي شي كلب يلهث ههه (أعزكم الله البنات)وابالسيفتاهو طلع طيطيز سلم علينا وجلس حدانا انا اكرام وعطيناه للتكركير معاه عاللللام هاد خونا كيقتل بالضحك هادشي كامل تحت نظرات امين اللي مابقا ليه والو ويكالني بعينيه... حطات لينا الخدامة اتاي والحلوى من بعد نزلات عدنا أمينة تاهيا طلعات بوقوصة لبسات قفطان ايفازي فالسومو مرصع بحجيرات وفولار سبنية ابيض جات توب غ دخلات ونبيل مخرج عينو فيها وسلمات عليه وهو حلف لاطلق من اديها تا نغزو امين وبد كلشي يضحك...ندخلو دابا المعقول...احم احم احم
عمي عمر:السي أحمد حنا اليوم جيناكم قاصدينكم والمقصود الله طالبين راغبين يد بنتكم المصون لآلة أمينة لولدنا نبيل تمنى تقبلو علينا...
الحاج احمد:اوا اسيدي حنا مغانلقاوش حسن منكم حنا جيران والله اعمرهالكم دار ونا موافق نعطيهالكم إلا عطاها لكم الله ؛ونتشاورو مع البنت نشوفوها اش قالت...
انا فخاطري(الله يهديك اعمي هههه والله تاضحكتيني قالك شوار شوارها الله يعطينا وجهك وتانوض من الgلبة هاد الزوج يباتو ينكحو فبعضياتهم بالليل فالتيليفون تايصبح الحال ههههه ونتا ماجايب للدنيا خبار خخخخخخ)
امينة:شافت فنبيل وغمزها وحدرت راسها وحركاتو باااه (زعما حشمانة تززززز هههه)
الحاج احمد:اوا اسيدي منزيدكم غالخير نتوكل عالله ونقراو الفاتحة والله يجعل كل شي مبارك مسعود
ماما وخالتي والحاجة طلقو الحلالق وكيزغرتو.....
حطو لينا الغدا العيلات فميدة والرجال فميدة مع الصالة كبيرة ...تغدينا داك الغدا اللي كان عن مقبلة :سوشي بالخضرة ووبالسلمون و الطبق الرئيسي كانت بسطيلة دالحوت وفالديسير جابو لينا بناكوتا بالفاني والفريز عرgنها مزيان فداك الغدا ....

...تغدينا. ..ومن بعد بقاو مجمعين وحددو موعد العرس اللي غايكون من هنا شهر غيديرو( ضريب الصداق والحناء فنهار واحد العرس فاليوم التالي واللي تافقو عليه أنهم غديروه فقاعة الافراح)...منبعد طلعنا مع امينة لبيتها ودرنا معاها سيلفي انا و اكرام وبقينا مجمعين واحد الشوية ها أمين دخل علينا هو ونبيل
امين:احححححم
نبيل:سلام
امينة :عليكم السلام....دقيقة صمت وشي كيشوف فشي
اخخخخ شحال نكره بحال هاد المواقف ههه
نبيل:اش باقين كتسناو ديكااااج الباب الحباب خليولنا مجال هههههههه
امين:يلاه العايلات تفضلو ... خرجنا يلاه تمينا هابطين مع الدروج تا شدني امين من دراعي. ...
امين:بغيت نهضر معاك وخا تجي معايا
رانيا:انااااا فين بغيتي نجي معاك خليني نهبط
امين:رانيا وغي اجي
انا معا راسي (وليني لصقة هدا اف اش غندير دابا)
رانيا:اكي هانا كنسمعك
امين:واجي معايا لبيتي
دخلت معاه لبيتو كان مرتب وزوين وفيه بالكون كيطل على الجردة ...كنت ساهية تاكنسمع اغنية "سامو زين""#حبيبي_ياغرامي
رانيا:امين شنو تحاول دير
امين:شوووووووووت حلي ودنيك مزيان وتصنتي للاغنية كلماتها موجهين ليك ...
رانيا: قرب مني بزاف تا حسيت بانفاسو فوجهي وقلبو كيضرب بالجهد وبدا كيلتمس وجهي بيديه بقينا كنشوفو فبعضنا وكنسمعو للاغنية تا قربات تسالي وقرب لودني وهو كيعاود مع الاغنية المقطع اللخر ...
صافي انا هنا حسيت براسي طايرة مكيناش فهاد العالم وقلبي بدا يضرب 190 ومن بعد شدليا فيدي وقالي كنبغيييييك انا غي سمعت هاد الكلمة دمعات عيني معرفش علاش ...مسح ليا خدودي وعنقني وقالي انا مباغيش جواب دابا خليك تا تفكري على خاطر خاطرك انا غنبقى نستناك العمر كلو ادا اقتضى الامر وقرب مني وباسني حدا فمي هنا انا فقدت الوعي وسخفت ليه ههههههههه (خليه هو اعاود ليكم التتمة)امين:اااااه اليوم شفت حبيبتي كانت زوينة و متيتزة بقيت كنفكر كيفاش ندير تاندوي معاها هاد المرة وجه لوجه تا طاحت عليا فكرة انني نجيبها لبيتي هيا هاديك مشيت عند امينة تافقت معاها طلعتها معاها لبيتها باش من بعد نجي انا ونبيل وملي نخليو العرسان بوحدهم نستغل الفرصة وندخلها لبيتي هيا هاديك تمت الخطة بنجاح اكرام تكلف بيها سيمو تا هيا باش مانتيروش الانتباه لتحت ههههه مهم دخلنا لبيتي وشغلت واحد اغنية بقينا نتصننو ليها ونا شاد ليها فيديها وعيني بعينيها تا قربات الاغنية تسالي وغنيت معاه المقطع اللخراني وهمستو فودنيها انا حسيت بيها كترجف وأنا كثر منها مسحت ليها خدودها وعنقتها وقلتلها كنبغيك وبستها وهنا طرا اللي ماكنتش متوقعو ذابتتتتت وطاحت ههههه يسحبلي غ دارتها بالعاني ولكن بصاح نيت سخفات بقيت نفيق فيها وهي مكايناش فهاد العالم هزيتها وحطيتها فبلاصتي فين كنعس ناري اش ندير انا دابا رانيا عافاك فيقي رانيا بقيت كنضرب لها فوجها بشوية والو مبغاتش تفيق هنا طاح فيا النص رجلي مابقاوش هازيني ؛ تفكرت امينة ومشيت وعيط لها....
عند امينة ونبيل
نبيل:حبيبة جيتي غزالة
امينة:امممم تاانت طلعتي بوووgووص...بقينا أنا وحبيبي كنترومانساو تاكنسمع الدقان طليت ونا نلقى امين. (مالقيتي امتى تدق أخويا تا انت )
امين:ختي عتقيني رانيا سخفات بقيت نفيق فيها والو مكتجاوبش
امينة:اويلي مالها
نبيل ياك لاباس
عيط على امينة وجات هيا ونبيل وبداو يفيقو فيها والو هادي مالها .. جبدات امينة ريحة ديالي وبدات تدير ليها شوية فنيفها وكتحك ليها فيديها شوية بدات تحرك ...وكتحل فعينيها بشوية
ونا تنفست الصعداء
نبيل :رانيا لاباس شوية خلعتينا عليك
رانيا:لاباس حمدلله
امينة:على سلامتك احبيبة ماللك تاسخفتي
انا دقيقة صمت سديت عنيا وتفكرت داكشي اللي طرا
جاوبتا لا والو غ جاتني الدوخة وصافي
امينة: يا لله نخليو ك د ابا يفوتك الحال خليك متكية
رانيا:وخاتعيطي لاكرام
امينة:اك
نبيل: بابتسامة مالك اصحابي شنو طرا شنو قلتي ليها تا سخفات
امين:والو غ عتارفت ليها باللي كنبغيها وبستها وهي تغيب
نبيل:هههه معلللللم
جات اكرام عندي للبيت وغشافتني فبيت امين ونا
ناعسا فبلاصتو خرجات عنيها
رانيا مالك ياك لاباس
والو باس وعاوت ليها كلشي من طاق طاق تالسلام عليكم بقات غ حالا فمها
اكرام:وناري اصاحبتي راك بقرة نيت بالصاح ادا فلتيه آلسيد كيبغيك كنصحك تعطيه فرصة ونساي عليك الماضي
رانيا:عاونيني نوض
نوضاتني اكرام من البلاصة فاش نعست ااااه تمنيت كن زت غيبت باش نبقا فيها يلاه حلينا باب دالبيت تا كانتساطح مع امين تاني.... ااااه اقلبي هدا ناوي يقتلني مكفاهش هادشي اللي طرا فيا...
امين:رانيا كبقيتي د ابا شوية
رانيا: الحمد لله
امين :سمحيلي
رانيا:ماطرا باس
نزلت للتحت ونضرات حبيبي تترقبني في كل خطوة امشيها في كل نفس اتنفسه ...اففف عيييت خاصني نلقا حل لهادشي.

#يؤلمني_الصمت #تؤلمني_الحياة #وتوجعني_عواقب_البوح...نزلنا للتحت وبقينا مجمعين انا و اكرام شنو تعملي دبا
رانيا والله معرفت خليها عل الله وصافي
انا بعدما فقت من ديك الغيبوبة وليت غي ساهية وكنخايل فديك اللحظة ااااه... مهم ودعنا عائلة امين ومشينا للدار طلعت لبيتي نيشان وخليت مالين دار كملو السهرة وبديت نفكر ونخمم وبدا الصراع بين قلبي وعقلي اففف غنتسطى. واحد شوية وصلني مسج من امين مكتوب فيه:
ساحتويك وساحضنك
وسنعيش الأيام سويا
بحزنهاوفرحها
سابكي من دموعك
وسابتسم من ضحكتك
سأكون لك الملاذ حين تضطرب الاجواء
مهما كان حجم الصعوبات
أعدك بأن أبقى بقربك
إلى أن يحتويني التراب
أحبك...
ااااه امين علاش علاش جاوبتو قلت ليه
بآه موافقة موافقة نكون معاك ...
عند امين: وأخيرا وافقات فرحت بزاف مكرهتش كو كانت د ابا حدايا واحد شوية قالت واحد الفكرة طاااان فعقلي لبست عليا دغيا وخرجت حدا الباب واتصلت بحبيبتي....
امين:الو رانيا
رانيا:الو امين لاباس
امين:رانيا شوفي نزلي دابا انا كنتسناك قدام الباب
رانيا:امين واش نتا شوية لاباس كغندير وهادي 12 دليل
امين:شغلك هداك مهم بغيت نشوفك وصافي قطعت التلفون... عند رانيا..اويلي السيد حماق دبصاح مشيت كنفيق اكرام اكرام اكرام ...
اكرام همممم
رانيا:والبقرة وانوضي محتاجك
اكرام بسم الله عليك مالنا
رانيا: نوضي زيدي معايا للتحت بغيت نشوف امين را كايتسناني التحت قدام الباب..
اكرام:واش ضرب بوكم حمار الليل ولااااش
رانيا:عافاك بليز
اكرام :اوووووف
نضت اكرام بزز وتمينا سالتين بحال الشفارة ومضوين الطريق بتيلفوني
اكرام: وكلت عليك الله ا النعجة اش بغيتي عندي فهاد نصاصات الليل
رانيا:اللقوى سكتينا د ابا تفضحينا.... تميت غادا تا تعكلات رجلي وطحت على وجهي
اكرام : شبعات فيا ضحك تاخرجو مصارنها وصلنا بكري
رانيا:وكلت عليك الله اامين اش بغيتي مني...
إكرام زيدي زيدي قبل مايحصلونا هنا
رانيا: وصلت للباب دبرا وحليتو اكرام خليتها حاضيا الباب الداخلي لايفيق شيواحد
امين:على السلامة
رانيا:قول اشنو بغيتي دغيا
امين:توحشتك بب
صافي هادشي باش مخرجني نصاصات دالليل
امين:انا فرحان بزاف حيث عطيتي فرصة لحبنا داكشي باش خرجتك فهاد الليل
اناااا حدرت راسي وهو شاد لي فيدي تاكنسمع الباب تسد اويلي اكرام بنت الحرام سدات عليا الباب
امين: هههههه هههههههههه
رانيا: ضحك انت اللي يواتيك الضحك صونيت لديك القردة والو مكتجاوبش واحد شوية بانلي الضو شاعل
اويلي حاااي هادي آخرتي. ..شدني امين بزربة وسدينا الباب وجرينا جيهت لابيسن وضركنا ريوسنا مع الحيط...وقلبي بدا يضرب من الخلعة والخوف لا شي حد يحصلنا ومن الفرحة حيت حبيبي قريب ليا ..سديت عيني وحد الشوية حسيت بأمين قرب مني بزاف ووجهو على وجهي وانفاسو كتحرقني بوجهي...
امين:ياك ماغديش تسخفي لي تاني هنا...
وهز لي وجهي تا تقابلت معاه وباسني من فمي ومن بعد عنقني تما حسيت براسي طايرا فالسما وقرب ليا لودني وقالي كنبغيييييك هنا شداتني التبوريشة .شفت فتلفوني لقيتو كيصوني
رانيا: الو النعجة فينك
اكرام :دخلي الله امسخك شوية وكنتي تفضحينا هانا كنتسناك
رانيا:اك هنا جايا... حبيبي خاصني نمشي دبا تصبح على خير
امين:احححح على كلمة حبيبي جات سمن عل عسل من فمك عافاك عاوديها عاوديها(عاض فشنيفاتو)
رانيا:واش ضارب موك حمار الليل سير خلاص قبل مايحصلونا باركا عليك
امين :لا والو ماماشيش تا تعاوديها
رانيا:اففف ضساريتي والله تميت غادا وهو يشدني من خصري وعنقني من اللور..وأمين وطلق واك واك اعباد الله وطلق المصيبة
امين: قلت ليك ماماشيش تاتقولي حبيبي كنبغيك وزيدي عليهم بوسة
رانيا:الله يصبرني كنت هانيا تاجبت النحل على راسي امين:دغيا قوليها ولا نبقاو هنا تايصبح الحال
رانيا:كنبغيك حبيبي صافي يا لله طلق مني
امين د ابا واخا يلاه تصبحي على خير تيتيزة ديالي
انا ضربتها بجرية واخا رجلي كضرني من ديك الطيحه لقيت اكرام مورا الباب اللي كان مفتوح بشوية دفعت الباب بكل جهد وهو يجي فصنطيحة د إكرام
اكرام تلقات حلقها اااااايييييييي واااالبقرة منين طلقو ليك ...
رانيا :اللقوى سكتينا د ابا يسمعونا
واحد ال شوية...

#عودة_مغتصبي
واحد الشوية سمعنا شي حد نازل يلاه بغينيا نهربو وحنا نتصاتحو معاه اه اه كان نبيل ..
نبيل:شكاديرو هنا ...رانيا مالك كتعرجي ونت أ اكرام مالك فوجهك
انا لا لا والو ...غي شفنا واحد سراق الزيت
نبيل بنظرات حادة اممممم الله يجعلني نتيق يا لله طلعو تنعسو
طلعنا لبيت انا من كثر الفرحة طلعت فوق الناموسية وبديت كنقز
اكرام: الله يستر مابقاتش رجلك كضرك ههههههه
رانيا:لا ههههههه عاودت لاكرام كلشي حيث عارفا راسها غيضرها باش تعرف شنو طرا
اكرام :ها شي كامل خرج منكم اوا الله ادومها محبة ويخليكم لبعض يالاه بون نوي
عند امين .... عيت منحاول نعس والنعاس حلف لاجاني شوية نتكاا شوية نوض نتمشى فبيتي وليت كيف الهبيل خلاها زهير بهاوي (ياو كيف الهبيل فنصاص دالليل تحت دارها جبت الموبيل....)أخ يا قلبي شنو درتي فيا
"انا هائم ومتيم انا الذي في العشق اقتل كل يوم وأود لو أبقى قتيل"بقيت كنتقلب فبلاصتي وكنلتامس الجيهة فاش كانت نعسات رانيا فاش سخفات تا داني النعاس كانت شي 03hدالصباح ....
أصبحنا وأصبح الملك لله...
فقت فالصباح على تليفون كيصوني لقيتو نبيل
نبيل:امين واش مغاتخدمش رآه تعطلنا
امين:او اه تسناني هانا جاي مشيت توضيت وحكيت سناني ولبست حوايجي وصليت وخرجت تا لاقاتني الواليدة ... امين ولدي لقيتني يالاه جايا عندك نفيقك
امين:أنا تعطلت الواليدة نمشي دابا
الحاجة:وزيد تفطر بعدا
لا لا تالخدمة يلاه بسلامة ....خرجت لقيت نبيل كايتسناني فاللوطو ...صباح الخير
نبيل: صباح النور مالك تعطلتي اصاحبي وباين فيك ماشابع نعاس..
امين:شفت فنبيل بابتسامة وعاوت ليه على البارح وبدأ كيضحك هههههه هيا قوليا نتا هو داك سراق الزيت اللي شافوه البنات البارح
امين:اشنو هيا دابا أنا وليت سراق الزيت
نبيل بقا غكيضحك وبقا شاد فيا تاوصلنا للخدمة. .دبا عند دوك النعجات ( مزيان فالو ليك سراق زيت)
رانيا: بقيت كنحل فعيني بشوية ونضت يلاه بغيت نوقف على رجلي ونا...

يلاه بغيت نوقف على رجلي ونا نغوووووت بجهد ااااااااااه رجلي كضرني ومنفخة وبقيت كنبكي
دارت عندي إكرام مفزوعة مالنا ياك لاباس شفت فيها وهي تبان ليا بوقالة محلولة وعامرة بالدم فجبهتها ونا نقلبها ضحك
اكرام :بسم الله عليك يا كما تسطيتي يالاه كنتي تبكي دبا قلبتها ضحك ....
رانيا: إكرام واش شفتي وجهك فالمرايا
اكرام:مالو وجهي اش بيه ...
رانيا:وااا دوري وشوفيه...
اكرام:على وعدي وسعدي وقفت تميت غادا جيهت المرايا تا كاتبان لي جبهتي مفرشخة وفيها بوقالة قدها قداش وعامرة بالدم قاصح  واميييي وكلت عليك الله ارانيا  نتي وداك الجحش ديالك تفوووو ضحكي "الطحبة" نتي اللي يواتيك الضحك تميت غادا جيهت رانيا وشديتها من رجليها اللي ضاراها وكنعفط عليها وهي كتقيسني في البوقالة اوا وبقينا كنغوتو مرة وكنضحكو مرة كالحمقات تاوقفو علينا ماما وبابا وبابات ومامات رانيا وتا هشام فيقناه من النعاس حيت جا وهو باقي كيتفوه وكيحك فعينيه كل شي تصدم
الحاجة زينة :بنتي بسم الله عليكم مالكم
الحاجة صفية:اووووووويلي اكرام مالك فجبهتك ونتي رانيا مالك فرجليك
الحاج عمر:ادويو مالكم شكون دار فيكم ديك الحالة
أنا و اكرام صمت..
الحاج مصطفى بعصبية وااوش غتبقاو ساكتين دويو
اكرام:وووولا اعمي غي البارح نزلت للحمام اللي التحت وتبعاتني رانيا دفعات عليا الباب وجاني فجبهتي وملي بغينيا نطلعو للبيت شفنا واحد سراق الزيت كيطر ورانيا خافت منو ونقزات وهي تلووا لها رجليها هههه
الحاج عمر والحاج مصطفى: لاحولا ولا قوة إلا بالله
بقا كل شي كيضحك علينا ...
من بعد هاد المسرحية دخلات اكرام وغسلات وجها وتوضات وعوناتني تا توضيت تا أنا وبدلنا جوايجنا ونزلنا التحت وولقينا هشام كيفطر وفطرنا معاه وهو كيشوف فينا كيضحك ههه
هشام:إكرام خصك تغرزي البوقالة راها محلولة ليك شوية إلا خليتيها غتبقا ليك الصيكاتريسا ديالها من تبرا بحال شي ضحكة ههههه تانفطرو ونديكم للسبيطار

من بعد مافطرنا ومشينا مع خويا هشام للسبيطار دخلو اكرام تغرز ونا دخلت عند واحد الطبيبة باق صغيرة شافتلي رجلي وبقات كتضغط عليها بنت اللدين تا غوت ربي اللي خلقني وسمعت طاااق فرجلي دخل عندي خويا مفزوع
الطبيبة أ سيدي مالك مدرم بهاد الطريقة مالك
هشام سمحيلي هادي رآه ختي وسمعتها كتغوت وتخلعت عليها سمحيلي مرة خرا ياك لاباس عليها
الطبيبة: مكاين باس اسيدي غ تفدعات رجلها ونا رجعتها ليها لبلاصتها
رانيا:دهنات لي الطبيبة واحد البوماد فرجلي ولوات عليها فاصما وخرجنا ولقينا اكرام كتسنانا هي دارت 2 غرزات ودارت فاسما .بقيت كنعرج تاوصلنا حدا اللوتو وركبنا ومشينا الدار ولقينا نبيل و أمين يلاه جاو من الخدمة نزل هشام هو اللول تبعاتو اكرام منبعد انا
هشام :او احد السلام عليكم
أمين ونبيل:عليكم السلام فين كنتو
نبيل:إكرام مالك فجبهتك رانيا ومالك كتعرجي
أنا و اكرام شفنا فامين وقلنا بدقة وحدة سراق الزيت دالبارح هو السباب
نبيل : هههه هاكاك وااايديرها سراق الزيت شاف فامين وغمزو
أما واحد أمين مابقاش قادر احبس الضحكة وبقاو كايضحكو كاملين... تمينا داخلين شفت فامين ولقيتو كيشيرلي وقالي نجاوبو فالتيليفون واحد الشوية أنا خرجت فيه عيني
...يلاه وصلت للبيت والتيليفون كيصوني كان صاحب دعوتي... رانيا :الو
امين:حبيبة كدايرا لاباس ياك مكضرك رجلك بزاف
رانيا:كل شي بسببك وتانا درت فيك مخي خرجت فنصاصات الليل الله يعطيك الإسهال
امين: ههههه وادنوبي هادوك اللي خرجو فيك حيت شحفتيني تا قلتي لي "كنبغيك"
رانيا :تبغيك جنية اخخخخ الجنس الناقص
أمين :ماكايناش شي جنية قدك احبيبة
اكرام:رانياااااا نزلي تغداي
رنيا:يالاه تلاح كيتسناوني فالغدا
امين:اك بب وسمحيلي وقولي لاكرام تاهياا تسمح لي كنبغيك
رانيا:تا أنا يلاه باي تال من بعد
دازت أيام وجات ايام ونا وحبيبي كسمينة على عسيلة قرب العرس ديال نبيل و أمينة عينا من التخمال والتوجاد وخا جبنا 2 خدامات وعاونونا ولكن الشقى كثير والفيلا كبيرة هيا هديك قرب وقت الغدا وسخراتني ماما نجيب الخبز مشيت وجبتو وملي رجعت لقيت أمين قدام دارهم كيهبط شي باليزات ومعاه واحد خيتي تميت غادا بزربا تاوصلت عندهم ....
امين:سلام رانيا لاباس
رانيا:سلام حمدلله. ..غمزتو وحركت وجهي يمين وشمال (زعما شكون الأخت)
امين:أهه هادي ابتسام بنت خالتي
جات عندنا ديك الصفريطة وهي تشد فامين من دراعوو قالت امين شكون هادي؟؟
انابقيت كنشوف فامين شنو غيجاوبها
امين :هادي رانيا بنت جيرانا
رانيا: (صافي د ابا أنا وليت بنت الجيران واخا على مك )خنزرت فيه و تميت غاد تا كنسمع ديك الصفريطة قالت واقيلا شفتك فشي بلاصة... أنا لا واقيلا غ تخايل ليك
هي لا لا شفتك آااه ماشي نتي اللي جيتي هادي15 يوم للمستشفى بالإمارة تفدعتي فرجليك ...
الصدمة كانت قوية عليا واييييه الطبيبة صدقات هي هاد الصفريطة
أنا هههه هي أنا ولكن مبقيتش عقلت عليك حيت هادي آخر حاجا كنت نتوقعها
هي وانتي د ابا عرفتيني كبقات رجلك .... انا الحمد لله لاباس
هي.. يالاه احبيبة نخليك باي يالاه ا امين خالتي كتسننى
شدات لو في يديه بحال شي وليد صغير وجراتو وزادو وخلاوني غكنشوف ...زدحت الباب بالجهد دخلت للدار زعفانة حطيت الخبز وطلعت لبيتي ونا كنهضر بوحدي كشي هبيلا. ...دبا عند امين...
امين:اليوم مكنتش خدام بقيت نعاس تال ديك 11h30 عادا فقت ولقيت الواليدة موجدا ليا الفطور ونا كنفطر تا سمعتها تقولي نمشي نجيب "ابتسام"من البلاصة اللي هي  فيها ....والباقي من كلامها مسمعتوش حيث غسمعت سميتها وحلات ليا الماكلة وبقيت كنكحب أنا ياك هي فمراكش اش جابها لهنا
الحاجة فاطمة:اوا اوليدي رآها جات هادي شهر وهيا هنا رآه تاهيا نتقلات
امين:شننننننوو
فاطمة:الله يرضي عليك او لدي سير جيب ها ها العنوان
امين:لا ماماشيش صيفتي محمد ولا عطيها العنوان تجي لراسها. .
فاطمةبنبرة حادة)امين راني هدرت معاك. ...
خرجت على وعدي وسعدي ومشيت نجيب ديك الكارثة وملي رجعنا شافتنا رانيا والمصيبة أن هاد يختي بقات كل مرة كتحاول تقرب مني وتشد ليى فيدي...أنا بقيت غساكت تصدمت ورانيا غكتشوف بدوك الشوفات اللي كيقتلوني نهار على نهار وبغاني نفسر ليها جراتني المو
خرجت على وعدي وسعدي ومشيت نجيب ديك الكارثة وملي رجعنا شافتنا رانيا والمصيبة أن هاد يختي بقات كل مرة كتحاول تقرب مني وتشد ليى فيدي...أنا بقيت غساكت تصدمت ورانيا غكتشوف بدوك الشوفات اللي كيقتلوني نهار على نهار وبغاني نفسر ليها جراتني الموصيبة ودخلنا للدار تا نسمع رانيا هزات الباب تال السما وضربات بيه تزعزعت وحسيت بقلبي كيضرب وعرفت باللي القضية حماضت

النهار كامل ونا فبيتي تاصلت برانيا والو مكتجاوبش صيفت مسج..."رانيا حبيبة جاوبيني عافاك متحمقينيش جاوبي"
رانيا:"صافي د ابا وليت حبيبتك مابقيتش بنت الجيران آه وبلاما تبقا تصوني ليا " ...
قريت هاد المسج بغيت نحماق ااااه رانيا ااااه ...دخلت ديك لموصيبة عندي للبيت ...
امين:ابتسام مالك دخلتي بلا ماتستادني راه بيت النعاس هادا يقدر نكون كنبدل فحواجي عل الأقل دقي الباب قبل م دخلي. .
ابتسام: مالك زعما حشمان نشوفك عريان ولا
امين: عفاك خرجي بغيت نرتاح شوية
ابتسام: شنو دابا كتجري عليا ياك(دموع التماسيح)
امين: ااااه يلاه خرجي
ابتسام: امين علاش تبدلتي عليا هاكا اااا نسيني كاع داكشي اللي دوزنا أنا وياك نسيتي باللي كنا مخطوبين ...
امين: هانتي قلتيها بلسانك كناااااا مخطوبين وزايدون
أنا عمرني واعدتك بشي حاجة نتي والوالدة اللي ضرتو بيا تا خطبتك اما أنا عمرني بغيتك ولا غنبغيك..
ابتسام:حشومة عليك اامين دير فيا هاكا  أنا كنبغيك ومقدراش نعيش بلا بيك داكشي علاش طلبت الانتقال لهنا باش نكون قريبة ليك ...توحشتك وتوحشت أي حاجة فيك عافاك فكر ميزان ..
امين:أنا اللي عندي قلت ليك ابنت الناس خلي علاقتنا مزيانة كما هي ...
اففف على لصقة وأخيرا خرجاات يلاه بغيت نتلاح باش نرتاح شوية تاكدخل عليا الوالدية تاهيا من تعابير وجها عرفتها اش غتقول ...
فاطمة: ولدي امين بغيت نهضر معاك
امين:نعام الواليدة كنسمعك
فاطمة: ولدي غنجيك من اللخر صراحة أنا بغيتك تزوج ودير وليداتك اولدي
امين:أنا الواليدة مزال مكنفكرش نتزوج ونهار غانبغي أنا غانقولها ليك وننعت ليك فين
فاطمة:لا اولدي ماكاين لاش تزيد تسنى نت تبارك الله والحمد لله خدام ومناقصك تاخير والمرأة رآني ختاريتها ليك ونت بنفسك وبرجليك مشيتي وخطبتيها.
مكاين لاش نزيدو نطولو فهاد الخطبة بزاف راه عيقتي والناس كيتسناو تا من البنت مسكينة عيات ماتسنا وهي تجي حشومة الله يرضي عليك اولدي ايلا كان لي عندك خاطر بلا ماتحشمنا مع دار خالتك
امين: ميمتي عافاك فهميني نتي راك عارفة بلي مكنبغيهاش وزايدون انا درت ليك خاطر وخطبتها حيث بززتيها عليا ونزيدك أنا قلبي فيه وحدة اخرا وعنيا مكايشوفوها غير هيا ...
فاطمة: مكاين مانفهم أنا اللي عندي قلت ليك ها السخط ها الرضى وانتى تعرف...
الله ياربي اش هاد الحصلة شنو غاندير انا ماقدرش نعيش بلا رانيا منقدرش نتخيل
.
.
.
.
.
.
.
.
.
.
.

#آراؤكم و #توقعاتكم فالقصة بانت لي بحال الى ماعجباتكمش نحبس القصة و لا نكملها ؟؟؟؟؟؟

ختي غير كملي القصة راها زوينة و مشوقة

Kamli zwinna

قصة زوينةةة

Khti kamli Lina plz wlah hta hchouma 3likom kan kono mstamt3in otatkhasroha fâche tat3atlo Lina l9issa Aslan l9issa khasha that kolha fmara Bach nhasso biha machi thatoha bhal mosalsal osamholi 3la ra2yi

#عودة_مغتصبي
عيت منفكر افكاري مخلطة معرفت كغنخرج من هاد المشكل بأقل الأضرار افففف تا رانيا مكاتجاوبش...
خرجت باش نبدل الجو ونا نتلاقا هشام قدام الباب...
امين:سي هشام لاباس بيخير
هشام:حمد لله وانت
امين:الحمد لله واحد نبيل مابانش ليا كاين فالدار
هشام :آه كاين أجي دخل نكلسو شوية...
امين:هي اللولة هههه .(انافراسي لقيتها من الجنة والناس هههه نيت نشوف هاد خيتي مالها واخا غتكون صعيبة شوية). ..
إكرام :سلام خويا هشام امين لاباس
امين وهشام:أهلا عيطي لينا على نبيل. ..
إكرام :اك هانا غنعيط ليه ..مشيت بالزربة دخلت عند ديك النعجة لقيتها مسرحة فبلاصتها ودايرا الكيت فودنيها وااا البقرة نوضي رآه حبيب القلب جا وراه كالس فالصالون مع هشام
رانيا:تجيه فالراس نيت وياه
اكرام:مالك تاني دايرا عبس مهم أنا غادا نفيق خويا يلاه تال منبعد
مشيت فيقت خويا نبيل وهبط لعندهوم
ونا مشيت نوجد ليهوم مايحنجرو واحد الشوية جاني مسج من امين فيه"إكرام فينا هيا رانيا بغيت نشوفها"
جاوبتو وقلت ليه " اك نشوف كندير نلاقيكم "
حطيت ليهم صينية داتاي وشي حلوى ومشيت طلعت للبيت لقيت رانيا على حالتها باقا ناعسا هيهو رانيا سبحان الله فين سهيتي
رانيا: لا والو غ كنفكر ،مزال مجاو ماما وبابا وعمي وخالتي
إكرام :لا مزال رآه قالو لينا غيتعطلو ؛ يا لله نهبطو التحت نكلسو شوية مع نبيل وهشام وامين
رانيا:باقي امين كاين
اكرام:اه كاين ويالاه
رانيا:لا منزلاش غنزلي نتي
إكرام :اف منك.......عند امين
افففف مال هادي باقا منزلاتش بقيت كنشوف فنبيل وكنغمز فيه تاعيت الدحش مافمش تا كايصوني تيليفون دهشام ومشا يجاوب افففف وأخيرا...
نبيل:واملك اصاحبي من الصباح انتا تغمز فيا
امين:فين كاينا رانيا بغيت نشوفها
نبيل: ما تصلتيش بيها
امين:رآه مكاتجاوبش مقلقة مني حيث....عاوتلو على كل شي تامن ديك الهضرة اللي دارت بيني وبين الواليدة ... قولي أخويا اش غندير فهاد الحصلة كغندير نفك هاد الجرة
نبيل:اه هادشي كولو واقع ليك اصاحبي أنا غنعاو....نك
مزال كاع مكملتها تا كيدخل هشام ...
هشام: الدراري نخليكم دابا خارج نقضي شي أغراض سي امين نشوفك من بعد يلاه تهلاو. ..
الله ...مشيت أنا ونبيل لقينا اكرام يلاه جايا هابطا
نبيل:اكرام اش كدير رانيا
إكرام : رآها فالبيت غ كالسة
نبيل:اك يلاه بقاي حاضيا الحركة التحت لايجي شي حد على غفلة
اكرام:اك
طلعت امين ونعت ليه البيت فين كاينة ونا دخلت لبيتي نتاصل بحبيبتي...دبا عند رانيا
رانيا :اففففففففف مكرهتش ننزل التحت نشوف امين توحشتو.... تاكنسمعو داخل لبيتي "تا أنا توحشتك احبيبة" دار وقفل الباب...
رانيا: اويلي اش كتعمل هنايا نزل لايشوفنا شي حد وزايدون أنا مالابساش حوايجي (كنت لابسة تيشورت حد الكتاف مع شورطها مقزب وراسم فيهوم واحد القطيطة فالوسط)
امين عاض فشنيفاتو التحتانية)بلا ما تزيدي فيه نتي ماعرياناش تالهاد الدراجة وزايدون جيتي زوينة
بدا كيقرب مني ونا كنكحاز تالصقني مع الحيط وقرب مني بزاف ... امين: شنو ندير فيك دابا ااااه باللاتي بعدا نتفاهم معاك على ديك الهضرة اللي صيفتي لي فمسج وعلى داك التليفون اللي مكاتجاوبيش فيه اااااه دوي
رانيا:أنا بديت كنقفقف وعلاه مالني كدبت ياك أنا غ بنت الجيران
امين:ههههه صافي هادش علاش مقلقة مني
رانيا:لا انا باين فيك كتبغيها وتاهي دحكتي عليها بجوج كلمات تا ولات زاعما عليك ولصقاتك
امين:انتي قلتيها بفمك "لصقاتني"انا مبيني وبينها والو هي لي فكل مرة تابعاني أنا كنبغيك نتي بوحدك وتا وحدة منغيرك ممعمراش ليا عيني؛ بالعربية تا عربات "أنت الأصل والباقي كلو تقليد بب"
زاد قرب مني وعنقني بجهد تاحسيت بعظامي طرطقو
أي آي أي وا الجحش راك ضريتيني ؛
امين:القطيطة ديالي شوفي بغيت نقولك شي هضرة ولكن واعديني متعصبيش اسمعيني تاللخر...
رانيا:شنو عاوتاني الله اسمعنا خير..
اكرام:رانيا نزلو رآه ماما جات. .
رانيا: ناري خرج سير فحالك
امين: مهم شوفي كديري تخرجي ملي نعسو انتلقاو بالليل حيت الهدرة اللي بغيت نقول ليك مهمة بززاف رانيا اك يالا باي مواااااح
نبيل:يلاحه اصاحبي نخرجوا رآه جاو ملين الدار...

اويلي هادا تسطا ك غندير تا نخرج تاني ....
اكرام:أحم أحم الناس دالرومانسية وداكشي
رانيا:أودي خليها عل الله وصافي
اكرام:مالك تاني
رانيا:قاليا عندو شي هدرة مهمة وبغاني نتلاقاه بالليل
اكرام: ماتعوليييش عليا
رانيا:اكرام رام رام حبيبة نعيعيجة ديالي بقرتي احم باك راخصني ضروري نشوفو
اكرام:رانيا واش تسطيتي نصدق تاني واكلا داق فجبهتي ولا تفدع ليلك تاني شي رجل.." لا " "اهو" "non" " never "
رانيا:بلييييزززز افففف واخا على مك
اكرام:واقيلا لقيت ليك حل
رانيا:ماهو اتيني بيه
اكرام:ياك عندنا بالكون فهاد البيت
رانيا: اه
اكرام:السلوم كاين فالجردة غنهبطو انا وياك نقربوه للباكون وبالليل ملي يعيط ليك هبطي منو ونا غنسد البيت من الداخل هكا تخرجي بلا تاواحد احس بيك
رانيا:الررررضا اخليلي انا هاد العقل المدبر كنحماق عليك رامرامتي هيا هاديك هاد الجنية واعرة فالبلانات مشينا هبطنا التحت ولقينا مالين الدار جابو داكشي اللي خاصهوم للتواجد للعرس درنا الميرندا وجمعنا انا أو اكرام الدار وردينا العشا تعشينا ودغيا جمعنا الطبلة وطلعنا للبيت (اللي مزيان عدنا فهاد الفيلة انا كل واحد غي كايتعشا كيطلع لبيتو )لبست وقاديت حالتي وتخشيت فبلاصتي تاكيصوني لي حبي ...الو بب
امين:اش كديري
رانيا: والو كنطيب فالنعاس هههه وانت
امين: أنا لقيتني يا لله خارج ؛ فين نتلاقاك؟ ؟
رانيا:اك تسنا شويا تا ينعس كلشي ونخرج
امين:اك بب غتلقايني قدام الباب فاللوتو
رانيا:اك... اكرام نزلي ضربي دويرة التحت واش كل شي ناعس
اكرام:اك..........رانيا صافي غ سيري كلشي ناعس
رانيا: اك يلاه ....قديت بلاصتي درت فيها المخاد تحسبا لأي طارئ اكرام سورتات البيت من الداخل حليت الشرجم دالبالكون وكحزنا السلوم ...انا شداتني القفقفة...طلعت ودرت رجلي وتميت هبطا ..أوف وأخيرا وصلت التحت...
اكرام: واكحزي السلوم حدا الحيط تا ترجعي
رانيا اك واعنداك تنعسي البقرة رآني عارفاك ههههه والا طرات شي حاجة علميني اك يلاه باي
اكرام: اك النعجة
رانيا :ضربتها بسلتة وانا كنشوف مورايا تاوصلت الباب حليتو بشوية شفت أمين مديماري اللوتو ونا نسد الباب ومشيت .. (تمت المهمة بنجاح)ههه
امين:علا السلامة
رانيا:الله اسلمك فين غنمشيو....
امين:حدا البحر
رانيا :اشغنديرو تما واشناهي الهدرة اللي بغيتي تقول ليا....شاف فيا وعض فشنيفتو ..وشد ليا يدي وباسها وقال د ابا تعرفي كلشي اصبري
رانيا:اففففف منك....شغل الراديو و بقينا كنتصنتو لواحد الأغنية زوينة ديال "سامو زين:لأنك معايا
وصلنا حدا البحر أمين بقا ساكت شحال ...تاسولتو مالو ....أمين مالك معجبتينيش شنو هي هاد الهضرة المهمة اللي بغيتي تقول دار عندي وشدلي في ايديا ؟؟ ..امين:حبيبة سمعني مزيان تانكمل وديك الساعة هضري اك...أنا حركت راسي باه....
أمين:اااااه ....أنا انا وابتسام مخخخخخطووبين داك الشي هي علاش هي هنا حيث ملي كنا فمراكش الوليدة بزاتها عليا مشات وخطباتها لي بلا خباري وحطاتني قدام الامر الواقع وحيت ابتسام عينيها فيا ملي عرفات الوالدة بلي هي كتبغيني مشات وخطباتها حيت كانت عزيزة عليها ... أنا بقيت ساكت مقلت ليها والو حيت الوالدة صعيبة وكتعصب دغيا وفينما نشوفها جبدات معايا الموضوع كنتهرب منها وابتسام شحال وهي تابعاني مي معطيتهاش قيمة وعمرني وعتها بشي حاجة وفهمتها هادشي من النهار اللول قلت معا راسي د ابا تعيا وغتسالي هادشي براسها ساعا هي باقا طامعة أنني نبغيها .داكشي علاش طلبت الانتقال لطنجة باش متبقاش تشوفني ولكن هي تبعاتني تاني تال لهنا والواليدة فاش شافتها بقات تاني كتلح عليا منبقاش مطول ونتزوجها ؛أنا حاولت نفهم الوالدة انني مكنبغيهاش وبلي فقلبي كاينة انسانة أخرى ولكن هي متفهماتش وصراحة معرفتش اشنو ندير ...صمممممت
رانيا:أنا بعد ما سمعت هاد الهضرة تصدمت ملقيت مانقول ( ااااه امين علاش عطيتيني امل فالحياة علاش دخلتي لقلبي وخليتيني نبغيتك .. )
امين:رانيا مغاتقولي والو
رانيا: شنو بغيتيني نقول نت تعرف تا دبا مزال مدرنا فالطاجين مايتحرق أنا ماقدرش نكون سباب فالخلاف بينك وبين داركم مادام ماماك ختارتها ليك ادن هي مناسبة ليك ومتخافش عليا مغاديش يبقا فيا الحال أو...(قبل منكمل هضرتي قاطعني امين وشدلي فيدي وزير عليها وعينيه عامرين دموع..)
امين:رانيا واش نتي شوية لاباس..أنا مصارحتكش بهادشي باش تقولي لي هاد الهضرة أنا صارحتك باش تعرفي شنو واقع وتوقفي معايا وتصبري عليا تانلقا شي حل حيث أنا منقدرش نعيش حياتي مع شي وحدة أخرى غيرك فهمتي ومرة خرى باقا نسمع منك هاد الهدرة الحامضة نتفاهم معاك ..
رانيا: ولكن كيفاش غدير تا تقنع ماماك بلي نتا مكتبغيهاش
امين: ماتخافيش انا انلقا شي حل غ افوت عرس امينة ونبيل ...
رانيا:ممممم واش غاتبق هاديك ديما معا كوم فالدار
امين:هههه غرتي منها اشعيبية ديالي
رانيا:ههههه
بقينا أنا وأمين كنهدرو محسيناش بالوقت هزيت تليفوني لقيت 100إتصال من إكرام وعرام دالمساجات غير شفتهوم خرجت عيني امين نار قفرتها هادي رآه 03h00 دالصباح واكرام تاهيا كتاصل تا عيات ...
امين:وانتي رآه تمشي نيشان تنعسي أما أنا مغنعس ما والو حيث خدام مع 5h ....مهمم كسيرا امين باللوتو ونا قلبي كيضرب خايفة لايحصلني شي حد وتقفار عليا. أخيرا وصلنا...امين: يلاه احياتي سير دخلي تال من بعد ونهضرو.. رانيا: اك يالاه بسلامة عليك.. يلاه تميت غادة تشدني من يدي ..شنو خليني نمش
امين:منسيتي والو
رانيا:اف منك واش مكتشبعش مواااح يلاه تلاح
امين:وانا اشغندير شنيفاتك بنان مكنشبعش منهوم ههه
نزلت وحليت الباب وضربتها بجرية فالجردة كحزت السلوم تاني للبالكون وطلعت لقيت إكرام ناعسة وخلاتلي الباب دالبالكون محلول "حبيبتي"بدلت حوايجي وتلاحيت فبلاصتي وبقيت كنفكر فديك الهدرة اللي قال امين هو صارحني ولكن أنا مزال مصرحتوش بداكشي اللي وقع لي واشنو غتكون ردة فعلو مني يعرف بقيت كنفكر تاداني النعاس؛تالواحد الوقيتة ..........

فواحد الوقتية بقيت كنغوت "لا حرام عليك مديرش فيا هاكا لا بعد مني لااااااااا بععععععد مني عتقووووونيييي"
صفية: بسم الله عليك ابنتي رانيا حلي عينيك رانيا فيقي راك غ كتحلمي ابنتي..
حليت عينيا ولقيت ماما خالتي واكرام وهشام تجمعو عليا .أنا ماما هئ هئ هو رجع تاني رجع هى هى أنا شفتو فمنامي
زينة:لا أبنتي ماتفايليش على راسك نساي الماضي صافي هو ماغيبقاش يقرب لجيهتك ولا جيهتنا غتهناي
هاديك غ حلمة ودازت ...
أنا بقيت بغبيتي فحضن ماماتي تا تهدنت ومشيت وغسلت وجهي وهبط التحت ...
إكرام : رانيا كبقيتي د ابا لاباس
رانيا:الحمد لله
اكرام:يالاه كلسي تفطري
رانيا:لا مافياش اللي ياكل خليه تايطيب الغدا...
اكرام:يلاه نخرجو للجريدة
رانيا:اك ... فهمتها عرفت بغياني نعودليها كلشي. .مشينا للجريدة وعاوت لها اللي كاين...وتا هيا عاوداتلي علي علاقتها بمحمد خو امين وباللي هما ناوين يتخطبو ..فرحت ليها بزاااف هه أنا بوحدي اللي زهري عوج
دازت 5 أيام واليوم العرس ديال نبيل كل شي فرحان العرس بالليل داكشي علاش أمنية فهاد الصباح دارت حفلة صغيرة ديال الحنة وتوديع العزوبية هههه عرضات علينا أنا واكرام وشي بنات تيتيزات من عائلتهوم .هاد العائلة فيهاغ تيتيز واحد انسيك فلاخر معرفت منين جابو هاد الزين كامل ههه..حنات أمينة وحنينا معها كاملين وجا مولاي السلطان وتصورو ...و شطحنا ونشطنا مزيان ...واحد ال شوية كايبانو لي شي بنات من عائلتهم كيشوفو فالدروج كان امين اللي طالع وهما مخرجين عينيهم فيه
البنت 1:اححح قلبي الصغير لايتحمل
البنت2:ناري ياختي غندير براسي سخفت باش يجي يهزني هههه...
البنت 3:سعدات ابتسام بيه...
أنا شفت فيهوم بنص عين مكرهتش نسلخ يمااهم نوريهم ...واحد الشوية بانتلي ديك السليعفانة دابتسام جايا عند دوك البنات وهما يقولو ليها ابتسام حبيب القلب يلاه دخل لبيتو قولي لنا امتا غديرو تنتوما العرس طولتو فهاد الخطبة ديالكم (هنا حسيت بابتسام تقرصات ) قالت ليهم لا احبيبة غ امين كيقاد فشي وراق دللخدمة وتعكسو ليه داكشي علاش
رانيا:اخ على بنادمة عارفاه مكيبغيهاش ومازالا لاصقا فيه (قلت هاد الجملة شوية بجهد)وتميت دايرة عند إكرام وامينة وهما يضحكو سمعوني ههه
امينة:حبيبة ماديريش فبالك نتي راك عارفة شنو كاين رآه تاوحدة مغا تاخد بلاصتك فقلب خويا معادايا أنا ههههههه
رانيا :ربي يخليك احبيبة
اكرام: واقرصينا الله يحفظك باش نتبعوك تاحنا
رانيا:هههههههه مضروبة على الزواج ..اياك بغيتي غ اللي يقرصك تسناي تاتمشي للدار وقولي لخوك نبيل يقرصك غايشبعك قريص هههههه
اكرام:لاااااا التسليم هاداك رآه يطير ليا الجلدة
ترن ترن...مسج فتيليفوني هدا امين:"حبيبة جيتي زوينة مكرهتش نخطفك "
رانيا:ههههه هبيل
شوية كاتبانلي ديك العانسة غاديا عند امين للبيت...
والله تادخلات بقيت شحال كنتسنى امين يخرج ساعا والو بقيت فبلاصتي وأنا النار شاعلا فقلبي بقيت غكندور فعيني واكرام وامينة حسو بيا اكرام بقات غا شادا لي فيديا اللي ولاو كيترعدو والشيطان كيلعب لي بعقلي
امينة:ماتخافيش أنا غاديا عند امين تهدني وماديري فبالك والو
غدخلات امينة وهي تخرج هاديك وهي معبسة هههه باينة فيها قمعها تاني ...اكرام يالاه نمشيو واخا بلاتي تاتجي امينة نمشيو ...يالاه تمينا غادين تاجات عندنا امينة. .. فين غدين البنات بقاو مزال
رانيا:مكرهناش الحبيبة خاصنا نمشيو نوجدو ريوسنا بيما غنمشيو للقاعة رآه المغرب هادا يلاه نتلاقوا من بعد ....امينة اكي حبيبة....مشينا للدار توضينا وصلينا ولبسنا حوايجنا وقادينا الحالة مزيان جينا تيتيزات.....

لبسنا وهبطنا التحت لقينا مالين الدار واجدين كالعادة باقي غير العريس كيتسناو فيه واحد الشوية نزل نبيل وهو فكامل اناقتو اشمنك ياريحه اشمنك يا كوستم اشمنك يا شعر اشمنك ....اخ خليوني ساكتة هههه
تمينا خارجين بالصلاة والسلام وتلاقينا بعائلة امين حدا الباب دخل نبيل ونزل عروستو بالصلاة والسلام وركبو فاللوتو تاعهم داهم خويا هشام ... وتم كل شي ركب فاللوتو ومشاو بقيت أنا واكرام ومحمد وديك الصفريطة تا جا امين يلاه ديمارا اللوتو وهيا تجري ديك خيتي وركبات حداه اخخخ طلعات فيا الدم إكرام وسيمو بقاو غ كيضحو صافي مشينا وركبنا حنا اللور وطول الطريق وأمين عينيه فيا ما قال والو أما هاديك كتغدد غ بوحدها وصلنا للقاعة لقينا عائلاتنا وصلو قبل هيا هاديك دخلنا وكل واحد شد بلاصتو وكلشي مقاد واحد الشوية بدات الموسيقى وبقيت أنا واكرام كنددن معاها يالاه قلت اكرام نوصي نشطحو تا كنلق امين مقابل معيا وكيخنزر واحد الشوية صيفت لي مسج "شدي الأرض والله وانشوفك نطي نهرس رجيلات حبيبتي هانا علمتك "
رانيا:جاوبتو اففففففف وانت مالك سوقك سير حكم فخطيبتك ... (أنا كنقلب على جوا منجل)غ قرأ داك المسج اللي صيفت خنزر فيا شحال تاجات ديك الصفريطة ونوضاتو وشطح معاها (ايييه سجل عندك تا هادي والله لابقات فيك )شيرت على خويا جا قلت ليه بغيت نشطح ...هشام: هي اللولة الكتكوتة .شافني نضت بقا كيخنزر واحد الشوية خلاني خويا وجات اكرام وحيحنا مزيان سلات الموسيقى من بعد دخلات النكافة وزفات العرسان و تصورنا معاهوم بقات العروسة تتبدل دارت شي 5 دالبسات (الفاسية. والرباطية. والشمالية
الشلحة.الصحراوية )+لاغوب فاللخر جاتها غزالا ومع الدخلة ديالها داروليها اغنية "اليسا:عبالي حبيبي"شطحو شطحة رومنسية ههههه وجابو ليهم الحلوى وقطعوها وكلاو منها ودازو للتمر والحليب ولبسو الخواتم وسلمو علينا ومشاو للاوطيل.....
حنا غسالا العرس مشينا الدار هاد المرة ركبت مع خوييا وديك الصفريطة لصقات تاني فامين .....مشينا للدار وكل واحد تلاح فبيتو مافقنا تالضهر.....

fatimaaa كتب:

Khti kamli Lina plz wlah hta hchouma 3likom kan kono mstamt3in otatkhasroha fâche tat3atlo Lina l9issa Aslan l9issa khasha that kolha fmara Bach nhasso biha machi thatoha bhal mosalsal osamholi 3la ra2yi

ختي القصة راها طويلة ما يمكنش لي نحطها فمرة