قصة عودة مغتصبي

#عودة_مغتصبي
أصبحنا وأصبح الملك لله فقنا مع ديك 11h ولقينا مالين الدار والعائلة كلها مجموعة فوق الطبلة دالفطور ...فطرنا تحت الضحك والتقشاب تا دخل علينا نبيل وامينة وبدا كل شي كيزغرت والصلاة والسلام ...من بعد مشاو العرسان لبيتهوم وحنا جمعنا الدنيا وقدينا كل شي والطباخة ردات الغدا حيت غيجيو عائلة امينة اتغداو باش اودعوهوم غادياتسافر دوز "لشهر العسل"..
وجدنا الحالة تاني وتقادينا والناس جاو اتغداو الا امين ماجاش كان خدام....هي هاديك وصلات الوقية فين غنودعو العرسان دياولنا جبد بابا 2 تيكيت دالطيارة وعطاهوم لنبيل صيفطهوم لباريس حيت بابا عند الدار تما....نبيل :اوووه عمي علاش عدبتي راسك
مصطفى:هدا واجب او لدي راك بحال ولدي هشام (تعانقو)..ومن بعد جبد عمي عمر ساروت ديال ابارتومن شراءها هو بابات امينة (الحاج احمد) هنا فطنجة وعطاها ليه قاليه هادي ساروت ديال داركم تاترجعو أنشأ الله وتحولو ليها... نبيل :شفتكوم جريتو عليا من الدار هههههه.....
عمي عمر:لا او لدي حشا تا هادي دارك فيما حب الخاطر بقى...هيي هاديك توادعنا معاهم وداهوم هشام للمطار........مهم سيلينا من لعرس ورجعنا تاني لنفس الروتين ... انا وأمين كنهدرو غفالتليفون عمرنا خرجنا مرة مرة كنتلاقاه حدا الدار الا خرجت نتسخر .. وابتسام باقا ساكنة بت نبت معاهوم......دازت ديك 15يوم عادي وصلات وقت القرايا انا واكرام ومحمد مشينا وتسجلنا بالجامعة محمد متبع القانون هاد العام عندو الماستر واكرام دايرا اللغة العربية تاهي عندها فيها الماستر ونامتبعة الاقتصاد يالاه العام التاني حيت ديجا ضاع مني عام. مهم سجلنا ورجعنا للدار ولقينا نبيل ومراتو رجعو فرحت بزاف ملي شفتهم نبيل عزيز عليا بزاف كنعتابرو خويا التاني من بعد خويا هشام حيت كان ديما كيوقف معايا وقت الحزة وكايساندني ولفتتو بزاف ولكن هو غيتحول لدارو حيت قريبة ليه للخدمة غ غيدوزو معانا شي يامات وغتحولو. والمزيانة أن الدار اللي غيمشي ليها قريبة للجامعة يعني مرةمرة غنباقو ندوزو عندهم........
تقيدنا مجموعين وفالعشية عرضو علينا النساب كل شي تجمعنا تماك الزوينة ان ديك الصفريطة مكايناش حيث عندها النهارعامر
كلينا وشربنا الحمد لله ههه
الكبار بقاو مجمعين وحنا الشباب خرجنا للجردة بقينا مجمعين تاكيجرني امين من دراعي ...وداني حدا لابسين بعيد عن الانضار ....امين شنو كدير د ابا يشوفنا شي حد ...امين: ماسوقيش فبنادم اللي بغا يشوف يشوف.
رانيا:اههها ..يلاه بغيت ندوي وهو يسكتني بواحد البوسة طويلة تجاوبنا فيها مع بعضنا البعض
امين:توحشتك ومبقيتش قادر نصبر على بعدك..رانيا واش تزوجي بيا. ...
رانيا: انا تصدمت مابقيت عارفة مانقول بقيت غكنشوف فيه.....امين:هيييه معاك كنهضر جوابي ولا نلوحك فالماء باش يلاه تفيقي
رانيا:اننننا انا انا لا بغيت نقول كيفاش زعما وابتسام واش صافي قبلات تخليك كيفاش فهمني ...
امين:لا ابتسام مافراسها واللو وباقا على حالها وتا دارنا مافراسهوم والو انا اللي تاخت هاد القرار بوحدي حيت عيت منفكر ولقيت باللي هدا هو الحل ؛كيما هو ما خطبو لي ابتسام بلا منعرف تا انا غنتزوج ونحطهم قدام الامر الواقع يالاه وافقي حنا بجوج بالغين ومسؤولين على تصرفاتنا
رانيا : امين نتا راك كتحلم واقيلا رآه مايمكنش
امين:كيفاش مايمكنش ياك حنا كنبغيو بعضياتنا انا غنضحي بكلشي المهم نبقاو مجموعين والباقي غيتصلح مع الوقت
رانيا:لا أ امين كيفاش بغيتيني نتزوج بيك بلا خبار العائلة مايمكنش....جرني لعندو تا لصقت معاه امين:حبيبة هدا هو الحل الوحيد واخا غيجبد لينا المشاكل ولكن كل شي غيفوت ويتقاد مع الوقت... واحد شوية كنلق ابتسام جايا بعجاجتها وناويا على خزيت ....

شفت ابتسام جايامعصبة ديريكت عدنا ...تبارك الله على قيس وليلى رانيا كاع هادشي كان مخبي فيك ونا كان يسحبلي نتي درية عاقلة وداخلا سوق راسك ادوي يا خطافت الرجال مالقيتي معامن تعنبي غي مع راجلي
امين خرج عينيه فابتسام ؛هيييه حدك تما راك زتي فيه مانا رجالك ما نتي مراتي صافي فيقي من الحلمة انا مكانبغيكش فهميها ابنادم الوحيدة اللي كنبغيها هي رانيا ونتي الا كانت عندك مازال شوية دالكرامة سيري
فحالك من هنا حيت انا عمرني مغانكون ليك....جرني امين من يدي وخلينا ابتسام حالا فمها ومصدومة من الهضرة اللي قاليها امين وبقات كتبكي ....امين :اليوم غنفركع هاد الرمانة واللي بغا يوقع يوقع نتي د ابا سيري للدار ....رانيا :امين عافاك متهورش ودير شي حاجا اللي تندم عليها انا رآه مايمكليش نكون سباب فالمخاصمة مع داركم ...امين:رانيا صافي بلا ماتحمقيني سيري فحالك د ابا....اففففف مشيت لقيت إكرام كتسناني هيا ونبيل وامينة ...قلت ليهم داكشي اللي كاين ونبيل قال لامينة تبقا فدارهم باش تساند امين وحنا مشينا للدار ونا قلبي شاعلا فيه النار خايفة من المجهول ومن داكشي اللي جاي.....
عند امين: من بعد ما صيفت رانيا وقلت ليها علاياش ناوي دخلت للدار شاعل ومعصب من ديك المصيبة اليوم غنوضع حد لكلشي ملي مابغاتش تفهم بالخاطر..دخلت لدار لقيت ديك خيتي كتبتي على ماما وبابا دخلت عندهم.... الحاجة فاطمة :امين ولدي واش نتا ناوي تسكت لي القلب مالك معا البنت تا ولات تاتبكي بحال هاكا .. امين:الوالدة انا رآه مكنبغيهاش وعمرني غانبغيها صافي سالينا فهمو خلاص
الحاج احمد : ولدي امين غ تهدن كل شي كيتحل بالعقل ....امين:صافي أنا اللي عندي قلتو ليكم انا من اللول مكنتش موافق على هاد الخطوبة غ بززتوها عليا وصافي ونزيدكم انا كنبغي انسانة أخرى وهي اللي ناوي نكمل معاها حياتي....
الحاجة فاطمة: الله يهديك اولدي هادشي رآه مغيخرجكش لتابلاصة واش بغيتي تفضحنا معا العائلة
امين:واليدة إلا كنت عزيز عندك فهميني عافاك نتي غلطي ملي تصرفتي من حالك وخطبتيلي بلا خباري (شديت لها اديها وبستها زت لراسها تاهو)رضاك اميمتي ؛ وقلت لها سعادتي كاينا مع انسانة وحدة خرى إلا ماكنتش هي انا معندي ماندير بشي زواج.... بقات كتشوف فيا هي والواليد تاعياو. ...الحاج احمد:شكون هاديك البنت...
هزيت راسي وشفت فختي امينة اللي شدات لي فيدي وشيرات لي برسها باش نهضر ... شفت الواليد ونا نقول
كلكم كتعرفوها هاد البنت هي رانية

الحاج والحاجة :باستغراب كيفاش... واش رانيا رانيا
امين:اه رانيا بنت عم نبيل
فاطمة: واش غنقوليك او لدي انا خاطري بغاليك ابتسام ولاكنتي كتسمع هضرتي عاود فكر
ابتسام: (ببكاء) خالتي صافي بلا ما تحكري عليه اللي ماجابتو محبة ماتحيبو حزارة اناعيت كل مره كنزيد نذل راسي ونقلل من قيمتي صافي خليه يدير اللي بغا وبلا متهزي هم لدارنا انا غنهدر معاهم ونشرح ليهم كلشي ونقول ليهم انا اللي مبغيتوش....
الحاجة فاطمة:الله يابنتي سمحيليا انا تمنيتك تكوني نتي عروسة هاد الدار ولكن رجا فالله
الحاج احمد:قد ما عتادرنا منك ابنتي مغديش نعبرو ليك على الاسف ديالنا سميحلينا .
ابتسام:هانيا أعمي أحمد الوقت كفيل و غاينسينا كلشي.الدنيا قسمة ونصيب.... انا غدا نمشي نقلب على شي دار للكراء فين نبقا....
فاطمة:الله يرضي عليك ابنتي وماتنساينيش وابقي تزوريني ..... ابتسام:الله اخالتي نتي ميمتي التانية تا نتي الا حتاجيتي فشي حاجة انا ديما موجودة....ابتسام فخاطرها (غير تسنا عليا اسي امين غندمك وغتجي تال عندي طلب السماحة طال الزمان ولا قصار )..........
خرج امين هو وامينة للجردة.. امين:اففففف أختي عاد رتاحيت دابا واخيرا تفكيت(مبتسم )
امينة:اوا على سلامتك ملي خرجات على خير ودابا خليني نمشي لداري نفرح رانيا
اااااه وأخيرا الحمد لله.....

جات امينة غير شفتها نقزت من بلاصتي ومشينا دغيا طلعنا لبيتنا انا واكرام ...رانيا:امدرا أختي شنو وقع
امينة :كيفما كان هادشي اللي غنقول بغيتيك تهدني احبيبة.... انا طاح ليا الما فالركابي عرفت اشنو فتقول..امينة دوي خلاص ..امينة:تهدني تهدني هههههه كلشي تحل وابتسام غدا غتمشي وهي وامين مبقاوش مخطوبين
رانيا: حلفي ولكن ماماك وباباك قبلو ليه بهاد السهولة
امينة :اوا ملقاو مايقولو ؛وأمين قال ليهم باللي باغيك انت ...د ابا رتاحي ونعسي على جنب الراحة نتي وخويا حبكم قوي وتا واحد مغايقدر افرقكم...نخليك دبا مشي نشوف نبيل....
ااااااه امين كنبغيك كنحماق عليك بقيت كنقز فبلاصتي من الفرحة تا صونا التيليفون انا ألو حبيبي ...
امين:حبيبة ديالي ممممم وصلوك الخبار
رانيا:ااه امينة عاودات لي كلشي
امين:مممم ودابا تزوجي بيا ولا لا
رانيا: اوا دير اللازم واجي خطبني
امين:تاهدا نضر ههه غصبري شي يامات تا تهدن الامور ونفاتح واليديا فالموضوع
رانبا:اك حبيبي
امين:توحشتك مكرهتش نشوفك مغتقدريش تخرجي تاني ...رانيا:ممممم غنشوف تال منبعد ونرد عليك
امين:اك بب je t aime حبيبة
رانيا: moi aussi mon amour ....ساليت المكالمة ونا فرحانة واخيرا كلشي بدا كيقاد والدنيا بدأت تضحك ليا دخلات اكرام ولقاتني طاير فالسما من الفرحة...اكرام:هاي هاي اوا ألا لا الله ادومها محبة ويخليكم لبعض ...نقزت عليها بتعنيقة وبقينا كنقزو كالهبيلات...رانيا : اكرام. ...وي ..... انا غنتلاق امين تاني بالليل بحال داك النهار....
اكرام:واش مزال مبغيتيش توبي ولا حصلك شي حد المسخوطة وزايدون كغاديري تخرجي راه السلوم مابقاش فالجردة غبروه
رانيا:اففف وانا كغندير نخرج ...
اكرام :تكمشي احنينتي يصبح ويفتح....انا بقيت تنفكر تاقالت واحد الفكرة ترررن فبالي .... انا لقيييتههها
اكرام :بسم الله عليك مالك شنو بقيتي
رانيا:أنا عارفها كغندير تا ننزل من البلكون تبعيني ....تبعاتني اكرام ومشينا للبلاكار فين ما بانلي شي ازار طويل كنهزو وكنعقدو درتو على شكل قنبة طويلة هزيت دوك الازورا وحكمتهوم ف الحديدة دالبالكون وبأن لي مزيان ومقاد ..اكرام :اويلي اصاحبتي كتقلبي على شي مصيبة عاود ..رانيا: سكتي سكتي وعونيني ننزل نشوف واش مقاد ...هيا هاديك عاوناتني هبط رجلي وبقيت متشبتة وكنزل بشوية تا وصلت للتحت ..وعاوت طلعت ولكن الطلعة صعيبة بقيت كنحاول تا قبط فالحديدة وهزيت راسي تا تمكنت مزيان وطلعت افففف اكرام بقات غي كضحك عليا هزيت تليفوني صيفت مسج لأمين وقلت ليه بلي غنتشاوفو ورد علي ب اك وبلي غايتسناني قدام الدار بحال داك النهار...
نزلنا وتعشينا موراها كل واحد طلع لبيتو وبقيت انا واكرام وامينة فالكوزينة مجمعين ....اكرام :امونة كاعع ماعطيطينا الاخبار كيدازت الامور هههه فيدينا
رانبا:هههه والله معندك وجه علاش تحشمي ...اكرام:نتي غ سكتي احبي خليني نستافد امينة بقات غ كتشوف فينا وكضحك تاوقف علينا نبيل ...واش نتوما مزال مبغيتوش تفرتكو الجوقة خليو عليكم مراتي ماتفسدوش لها اخلاقها جا جيهت امينة وهزها بين دراعو وهرب بيها الموصبية لاخور مالقا امتا يجي ويتصنت علينا ...طلعت لبيتي انا واكرام وبدلت حوايجي لبست مونطو زيتي طويل شوية وسروال تجين زرق لاصق معاهوم سبرديلا .صيفتلي امين مسج باللي كايتسناني هبط تحت تعليمات اكرام توصي وتادعاو منتعطلش ههه....ضربتها بجرية حليت الباب خرجت لقيت امين كايتسنى فاللوتو....
مشيت دغيا وركبت اللوتو وكسيرا بينا امين تال حدا البحر ووقفنا واحد الشوية جبد علبة على شكل قلب فيها 2 خواتم جبد واحد ودارو ليا فصبعي و أعطاني التاني ولبستو ليه ..وباس ليا يدييا وقال صافي نتي دابا وليتي مراتي وبقينا كنهضرو تال واحد اللحظة كحز أمين الكرسي فاش كان كالس للور وجبدني وكلسني فوق رجليه وبدا يتقرب مني وبوسني ويهمسلي فودنيا تا دبت زول لي المونطو وبدا تاني يبوس ويعض بكل شهوة طيبلي شنيفاتي وعنقي ولا حمر ...واحد اللحظة حسيت بالمعلم ديالو مقيم هههه هنا رجعت اللور بديت كندفع فيه وهو مكاينش فهاد العالم ماحيد مني تا غوت عليه ...اميين. ... سمحلي رانيا مكنتش فالوعي ديالي عافاك سمحيليا...
باس لي يدي ومسح دموعي ونارجع لبلاصتي وهو أجرني تاني لعندو عنقني وبقينا شحال تا كنسمعو الدقان نزل أمين الزاج وكانو البوليس قفارت عليا ... أمين: غتهدني مغايوقع والو... نزل عندهم أمين دار ليهم التحية......البوليسي1:وراقك اسيدي (جبد أمين البطاقة الوطنية ديالو وقال ليهم بلي هو بوليسي) البوليسي 2:مشا يتحقق من المعلومات اللي عطاه امين.... عاود رجع السي أمين سمحلينا تفضل البطاقة ديالك يمكن ليكم تمشيو
رانيا:افففف وأخيرا دازت على خير؛ ديمارا أمين اللوتو وصلنا ودعتو ..وطلعت تاني من البلكون لقيت إكرام ما مزالا فايقا. ...إكرام : بسم الله خلعتيني هههه
رانيا: ههههه مزال منعستيش
اكرام:باقي الحال يلاه 00h00 ..هاي هاي هاي بالصحة الخاتم اري نشوف...وااو زوين ....
رانيا:الله يعطيك الصحة ...بدلت حواجي ولبست بيجامة وتخشيت فبلاصطي ....
اكرام: رانيا غانقوليك شي هدرة ولكن متقلقيش مني
رانيا:الله يسمعنا خير شنو
اكرام: راه خاصك تصارحي امين بداكشي اللي وقع ليك قبل مايسيق الخبار منعند شي حد آخر تال امتى نوايا تخبي عليه صافي هو د ابا رآه ناوي معاك المعقول ويلا كان بصاح نيت كيبغيك رآه غادي يتفهمك وزايدون نتي كنتي ضحية لداك الوحش اللي نحشم نسميه مزال خويا
رانيا:اااه رآه منقدرش صاحبتي شحال من مرة حاولت نصارحو ولكن صعيب عليا الحال منفدرش
اكرام:أنا عارفا باللي صعيب عليك الحال الحبيبة ولكن أنا بغيت غي مصلحتك. .....
الله يا ربي يالاه قلت الأمور كتقاد ولكن أنا كنت غالطة كغندير تانصارح أمين بانني تغتاصبت واش غيتقبلها وحبو ليا غيبقا كيما هو ولا غيتتخلى عليا الله ياربي نور لي الطريق... بقيت كنتقلب فبلاصتي تاداني النعاس

زائر