زواج بلغة الجحيم

زواج بلغة الجحيم : قصة حزينة و رومانسيةوحب و طبعا السفالة معشوقة الجماهير
انا:وااااااو حبيبي ممصدقاش بلي تزوجنا اهئ اهئ هذا كان حلمي ....واخيرا تحقق انا مع راجل لي كنبغي تحت صقف واحد .. حبيبي:حتى انا فرحان منين رزقني الله باجمل امرأة ...انا محظوظ بيك ... ...ااااااااااااي .... سمية:انتي نوضي من نعاس وانتي ليل كلو كتحلمي عليا اناكنحل عيني وكنجبد فايديا)تفوووو على جنس متخليونا حتى نحلموا امالك مصبحى عليا خليني غير حتى ندوق الحلوى ييييخ منك خسرتي ليا ليلة ذخلة ديالي سمية:انوضي من الgلبة واش بحالنا كيتزوج انا:الله يرحم باك سيري بدلي ساعة باخرى .....{...سمحولي حبيباتي ...معرفتكمش على راسي ....انا #فيروز .....العمر 24 سنة ...بنت زوينة ههههه ...متعيبوش ...كلنا زوينات ....

انا كيف كيقولولي سر جمالي شعري طويل والعسلي...وانا كنقول هو سر تعاستي لمن بعد غادي تكتاشفوه...عينيا كبار وكحلين ...بيضة وطويلة والحمد الله فورمتي كيف كتمنى اي بنت ......سبحان الخالق ....انا من بعد ما تخلقت فهاد الدنيا والديا طلقوا بسببي حيت الوليد كان باغي ولد ههههه ساعا خرجت ليه انا ....هو تزوج ومشا لخارج وماما تزوجات وكملات حياتها مع راجلها ....وانا خلاوني عند جداتي لي توفات بعد ما كملت 8 سنين ........من بعد موتها تكلفات بيا اختي الكبيرة لي فعمرها دابا 38 سنة .....او عدوتي حيت هادشي لي كدير فيا العدو مايديروا فيا ....سميتها #خدوج..وانا كنعيط ليها #خيخي

. خيخي:شوفي فيا مزيان ...انا تعذبت بزاف بسببك ...انتي ...وليت هكا بسببك ولا قلبي صخرة ....وهاد للعذاب لي شفتيه ...باقي غير شوية من لي تابعاك انا:ههههه كاين شي عذاب كتر من هكا ...خيخي ديالي ....لي فجهدك ديريه خيخي:غبري من قدامي غبري ....مشيت لمطبخ وخليتها ....لقيت لالة مليكة هي طباخة ديال القصر ....حنينة علينا مسكينة ...وحاسبانا كيف بناتها ... لالة مليكة:صباح الخير الغزالة ديالنا ... اناكنعنقها من اللور)صباح الكركاع واللوز ...والجلبانة ...والدلاح ... لالة مليكة:هههه حمقى ديالي ..يلاه جلسي تفطري ... سمية:هاي هاي ....غير هي لي غزالة وانا

لالة مليكة:وا لايني حمقات بجوج ...راكم عندي بحال بحال ....{نوصف ليكم سمية ..هي بنت سمراء شوية ...طويلة وغليوضة ...عينيها كبار وعسليين ....وفمها كيف ديال الخليجيين ..زينها مسرار ...وعليها طلبات بزاف داكشي علاش انا وياها طالقين لينا لعب وواخدين راحتنا ...ولي بغيناها كنديروها ولكن بليل ...العكس ) جلسنا كنفطروا وكنضحكوا ... بعد الفطور خرجنا انا وسمية والبنات ..نتقداو شي حوايج ....تسارينا كاع اسواق رباط ....ورجعنا فالعصر ....صليت لي كيتسالني ...و جلست حتى وقف عليا فراس فراس:حبيبة ديالي انا:حبة فلسان ...هههه فراس:هههه توحشتك والله ... انا:ناري لش كظير للصباغة ..المهم قديت الغراض فراس:بزز ازين باش لقيتوا ...هاد المرة طلب مبلغ كتر .... اناوقفت)وعلاش بسلامة ...هذا غش ...من الاحسن نبدلوا الصيدلية ...وهاذ الدوا ...عطا الله فين لقاوه فراس:هههه صحابليك بساهل هذا راه قليل فالمغرب ...المهم هاهو ...دابا قوليلي الى مابقيتيش لقيتيه اشنو نديروا انا:غير خليها على الله ... كون ماشي داك الدوا كون راني ....خسرت شرفي شحال هاذي ...شكرا ليك بزاف فراس بلابيك ماعرفت شنو غايوقع ليا فراس:ههه راه هادشي درتوا على قبلي حتى انا انا:علاش ...انت شنو علاقتك فرلس:والوا غير كنضحك[ماعرفت افيروز امتى غادي نقدر نعتارف ليك بلي انتي هي حب حياتي ...من نهار ...جابتك خدوج وانا تغرمت بيك ...] انا:اسبحان الله فين سهيتي فراس:المهم نخليك دابا ...ونسيت قالتليك خدوج ..زعما خيخي ههههه رله الليلة جاي شخصية مهمة بزاف ...وانتي المطلوبة وجدي راسك بزاف ..وبيني وبينك افيروز ....كتري من دوا فالعصير ...حيت هذا عايق فايق ...وعلى خساب ماقالوا ذكي ههههه انا:تفووو كتجيب غير خبار المزفتين بحالك ..يلاه تلاح ...نمشي نوجد راسي فراس:فيروز انا خايف عليك بزاف انا:فراس متخلعنيش واش لهاذ الذرجة هاذ الشخصية صعيب نلعب عليه فراس:للاسف اه هو ما كيرحمش ....والى حصل عليك ولو حاجة بسيطة عرفي هذاك اخر نهار فحياتك انا:انا خايفة بزاف....وقلبي ممهنيني ...حاسة بلي غتوقع شي حاجة فراسمعنقني) صافي انا معاك متخافيش ،... خاصنا غير نردوا لبال كتر ... انا:صافي خرج دابا ...راه خيخي غادي تجي فراس:وناري ...على هاد خيخي فين دبرتي عليها انا:هههههه خرج فراس ..وذخلات خيخي عندي خيخي:هاذ الليلة مهمة ....نبغيك تكوني فأبهى حلة .....وتعرفي كيف تعاملي ....نبغيك تكوني متيرة ...خاص السيد منين يدوقك مايبقاش يسخاش بيك ....وانا كنحذرك ....الى غلطتي غلط صغير غادي نمشيو فيها كاملين .... انا:واخا مايكون غير خاطرك .... ......خرجات خيخي وذخلات عندي سمية سمية:فيروز عتقيني اختي هاد خدوج قالتليك بغاني سي محمد المعيط ...ان كنخاف منو اختي ....هو ديما كيشدني وكيربطني وكيتكرفس عليا ....هذاك وحش اهئ اهئ ...الله يرحم ليك والديك ...الى ما شوفي كيفاش ....انا منقدرش باقي نعس معاه مرة اخرى ...عمرني ننسا لي.دوز عليا انا:اوووووووف هاد المعيط ....غير يدور ويجي عندك ...هذاك راه من شوفة كيخلع سمية:وا عتقيني هالعار انادابا شنو ندير سمية راه بحال ختي خاصني نعاونها ....)سمية هاذشي لي غادي نقوليك وعديني حتى واحد مايعرف عليه شي حاجة ... سمية:بلعمى واش نقول شي حاجة ...سرك فبير ومغطي بحجرة اتامديت لها فنيدة من دوا لي عندي ) هاكي هاد الفنيدة حطيها فالعصير ديالوا راه من بعد مدة قليلة غادي يتخدر ولكن من بعد 3 سوايع غادي يفيق و يصحابلوا قدا الغراض ...انتي عليك غير تعطيه ليه العصير و حيديليه حوايجوا وغطيه بايزار وحتى انتي منين يقرب يفيق ديري بحال الى خارجة من دوش ولوي عليك الفوطة .وشغرك خاصوا يكون سارد والناموسية خاصها تكون مرونة والحوايج لوحيهم فالبيت ...بشكل عشوائي... سمية:ناري المسخوطة متقوليش ليا كديريها اتا:صراحة هادشي عمرني قلتوا لشي حد ولكن انتي دابا محتاجاه .... سمية:مخبيا عليا هادشي ياك هادي هي الاخوة ... ولكن من امتى وانتي كديري هكا انا:من اوى نهار ... سمية:اشنوووو من اول نهار ...يعني عمر شي حد قرب منك انا:اه عمر شي حد قرب مني انا باقا عذراء

سمية: فرحت ليك بزاف اختي ...الحمد الله انك قدرتي تحافضي على شرفك حتى لدابا(ولكن افيروز هذا اخر نهار ليك .... ههههههه) انا:ربي يخليك اختي ...المهم ديريها ....وانا خاصني ناخد دوش ،،،ونوجد راسي ....من بعد ماخرجات انا دوشت و نشفت شعري وقاديتوا ولبست فستان لي جاني كيحمق ودرت ماكياج قاصح شوية ....لبست مجوهرات ديالي ..... وجلست مقابلة مع المرايا .....كنهضر مع راسي .......اااااه افيروز حتى لامتى غادي تبقاي هكا ...،واش هاذ العذاب مغاديش يسالي ....واش مكتاب ليا باقي نفرح ...،يااااااه الدنيا الغدارة من اول نهار تولدت كولشي تخلى عليا حتى من والديا .....رفضوني ....جداتي مشات وخلاتني ...فهاد الدنيا مع ختي لي من لحمي ودمي لي كتعذبني ...ومكترحمنيش ....كتربح الفلوس وراء ضهري ..كتبيعني كل ليلة .(هزيت ايدي لسما ) يااااااربي ،دير ليا تاويل دالخير ياربي تصيفط ليا شي ولد ناس يبغيني كيفما انا ...يحن فيا ويعطف عليا ....نعيش معاه الحلوة والمرة ..نجيب منو وليدات ......نكبروا ولادنا ونشرفوا بجوج وحنا كلما كنزيدوا فالعمر حبنا كيتزاد ...آمين .....بقيت فبيتي كنتسنى هاذ الشخصية المهمة ....حتى نعست ......فيقني غير صوت خيخي خيخي:نوضي ادي كااه واش مكتشبعي نعاس انا:خيخي ديالي جيتي هههههه خيخي:والله كون ماكنتش محتاجاك دابا يا حتى ندمك على هاد الكلمة يلاه تحركي خاصك تمشي انا:فين بسلامة غانمشي خيخي:ايوا الالة ...هو ماغاديش يجي لعندك راك انتي لي خاصك تمشي عندوا انا:ههههه ولاهيلا شكون بسلامة هاد السيد هذا لي نمشي عندوا انا فيروز ...نمشي عندوا هههه كيحلم ...ذخل علينا واحد راجل قدوا قداش ....طويل كيف سلوم وغليض.. لابس كوستيم كحل ... الشخص:هاذ السيد لي كتهذري عليه ....راه يجيب تاسيلتك كاملة .....بلى ماتبقاي تنقزي علينا ...تحركي راه هو مكيحملش يتسنى بزاف انا:اها وشكون هاد بوغطاط هذا .....لي كيخلع الشخصشادني من الفك ديالي)هذاك سميتوا سي قيس العلوي ..... يجيب حسن من ملتك ....وليك شرف منين ختارك ....ودابا يا إما تمشي بالخاطر ،،،ولا نديروا خدمتنا اتا:شنو دير ياكما صحابليك ساهلة راه الى ما فخبارك عندي سمطة كحلة .ف.... ....ماخلاني حتى نكملها وهزني كيف ريشة .......كنضرب فيه و لكن هو غير صخرة مكتgرش فيه .....حطني فطموبلية كحلة طويلة وسد الباب ....بقيت كنضرب فيه ونغوط ونقز و نصوط وندعي حتى وقفات السيارة .... ...ونزلني قدام واحد القصر كبير ....ناري انا تصدمت واااااااو ..انا فحلم ولا فحقيقة ....بحال قصور الافلام ...نسيت راسي وتخيلت راسي سندريلا ...والقصر قدامي ...وانا كنتمشى وكنتمختر ...وحبيب قلبي الامير غادي يشوفني ويجي يجري ويهزني من الفرحة وانا غادي نحشم وخدودي يحماروا ....الله بغا يبوسني ....وهو يوقف عليا داك الصخرة ....تفوووو الصخرة:ياكما صحابليك فدار باك كتنقزي وكتضحكي ...غابوحدك انا:هيهيهيهي ....دخلني وانا كيف الحمقى حالة فمي ولعابي سايل .......حتى وصلنا لبيت كبير حل الباب ..ولاحني الصخرة:بدلي ديك الحالة وانتي دايرا ميف الطلابة ...ودابا تجي لي تكلف بيك سي قيس كيبغي سلعة تكون نقية انا:بزاف عليك الحيوان انا انقى منك ومنو شكون كاع يكون هاد الخانز هذا ...قالك سلعة ... صخرة:سدي فمك ....ولا نهرسوا ليك ...خرج ودخلات عندي واحد المونيكة غير كتشوف فيا وكتقلب فيا .... طلبات مني نحيد حوايجي ..رفضت وحيداتهم ليا بزز مني ....ذخلاتني لدوش وهي كتوريني اش ندير ...... ......ساليت دوش ....وعطاتني شي كريمات دهنتهم ..فلحهي ..خرجاتني من دوش ....قاداتلي شعري على شكل مشطة زوينة ....بعد مانشفاتوا .....ولبساتني ....شوميز دونوي وبينوار فالغوز بارد .....ودارتلي ماكياج ليلي .....وعطر ...حلاقات وسلسلة ...... وجلسات تعلم فيا كيفاش نستقبلوا كيفاش نفرحوا فالفراش ...زعما الحركات لي كيبغي كيفاشنغويه كيفاش نخليه فرحان بيا ..... مسكينة ماعرفاش بلي غادي ينعس وما غادي يعقل على والوا... ههههههه .... سالينا تمارين وتدريبات.. .....وخرجات بقيت ندور فالبيت . ...ونقلب حليت البالكوا ...وكنتفاجئ ...بمنضر رائع البحر بأمواجه .....تنفست الصعداء....وجلست كنتفرج فيه واتا تايهة فأفكاري ....سمعت الباب كيتحل ..... درت كنتسنى الباب يتحل ....واخيرا تحل وذخل .... شاب فتلاتينات من عمروا ....طويل وعامر ....كيحمق وااااااكوااااك ....انا تزعزت ...انا تزنزلت......عمرني شفت بحال هاذ الجمال ... ...شعر كحل....... والعينين كحلين ...البشرة البيضاء ...وراسم ضحكة جانبية ....دخل وكيشوف فيا وهو كيطلع فيا ويهبط فيا .....خلعوني نضراتوا ....ماعرفت ...خايفة منو بزاف ....اه اول من مرة نخاف ...من شي واحد ....لهاذ ذرجة وقلبي بدا يضرب بجهد ..

....كنتفكر كلام فراس عليه وكنزيد نتخلع ....ولكن الحمد الله جايبة معايا دوا ....شاف فيا وخنزر ....بمعنى اجي قربي ....سديت البالكوا ..وتمشيت لجيهتوا بخطوات بطيئة ....حتى قربت ليه قيس:قربي اناقربت حتى تلاصقت معاه)الصمت هز ليا راسي لعندوا وهو كيشوف فيا مزيان ...بعد شوية وجلس كيشوف فجسمي ... قيس:امممم المهم مقبولة .... اناخنزرت فيه)شنو ماسمعتش قيس:قلتليك ..مابيك ...بين وبين ....اه حاجة نسيت قالوا لي حاسة براسك ...ولكن للاسف طلعتي ...اقل من عادية اناتعصبت حيت منحملش شي حد يقلل من جمالي)هههههه انا فيروز اقل من عادية ...انت يا إما عور.... ولا ...ما كتعرفش فالجمال .... قيس:ومن الفوق ...كتجاوبي ..ولسانك سليط ....ولكن دابا نربيك انا:سير ربي راسك هو الاول ...ياكما صحابليك كنخاف منك ...راك والوا ...غير بوغطاط ..زعر ... قيس:انا دابا مبرد اعصابي ...غادي تخشي لسانك ففمك ولا .... انا:شنو دير بسلامة ... قيس:دابا خلي هاد الليلة دوز بخير ..وورينا واش كتستاهلي الانسان يصبر عليك ولا والوا انا:هانتا غادي تشوف (هههه سي قيس ...بقيتي فيا ...) ....قيس:ناخد دوش ونخرج ....مشا يدخل لدوش جابوا الخدم العصير والماكلة ... خديت العصير درت فيه 2 فانيدات....وحركتوا ووليتوا جيهتوا ... خرج من دوش لابس بنوار ...رجولي ....جا كيحمق ...ولكن على التكبر لي فيه ...غادي نخليه ينعس 6 سوايع ....هههه ....جلس فوق طبلة ....بغيت نجلس وحبسني قيس:انتي بلاصتك هنا ....وكيشير لرجليه .....مشيت جلست فوق رجليه ....حاوطني بايديه .....وباسني فضهري ...انا حسيت بسخونية طالعة معايا .....ماكنتش اول مرة شي حد يبوسني ولكن ماعرفت حسيت بشعور مختلف معاه ....دورني لعندوا ....ماعرف اش وقعلي سديت عيني .....ماقدرتش نشوف فيه ....هز كاس العصير وكيشربني ....وانا بلى مانتردد شربتوا كلوا ...بحال الى خدرني بلمساتوا دوبني ....حط الكاس وطبع قبلة ففمي كملات لي كان خاصني ....بقيت نطلع نفس بصعوبة ....شوية حل رجليه وتحط الارض ...وهو كيضحك....هزيت فيه عينيا لقيتوا كيضحك عليا .... ندمت علاش سديت عيني اووووف نضت نجلس فوق طبلة ....ومنين جلست لقيت راسي شربت العصير لي فيه الفنيدة....تصدمت وجاتني البكية ....صافي هاذي الاخرة ليا غادي نفقد شرفي ....ياربي ....كنترجاك ... لا مابغيتش ...لا انا بغيت نفقد شرفي مع راجل لي كنبغي ولي غادي يبغيني ....نزلوا دموع من عيني حيت عارفة راسي هاد الليلة مغاديش يرحمني .......حسيت براسي كندوخ وعيني كيتسدوا .. بوحدهم كنحاول نشد فراسي ...كنبكي وانا كنضرب فراسي ..كنشوف فقيس لقيتوا كيضحك...واخير كلمة عقلت عليها ....هي فاش قالي ...بغيتي ديريها بيا ساعا انا لي درتها بيك ههههه......وفقدت الوعي
.....كنحس بعينيا تقال باغا نحلهم وماقدرة ....ايديا مقدرت نحركهم ....كنحس بشي ايد محطوطة عليا ...حليت عيني بزز دورت وجهي لقيتوا قيس.... ناعس حدايا وايديه فوق كرشي ...عريان وما لابس والوا ...هزيت ايدي كندوزها على جسمي لقيت راسي عريانة .....كنحاول نتفكر اش وقع ولكن .... ما عقلت على والوا ....ولكن لي متأكدة منو اني صافي فقدت شرفي خصوصا فاش شفت دم فليزار ....نضت مفزوعة ...من بلاستي.....دموع فعيني و ايدي كترعد ....كنحاول نغطي راسي ...كنبكي بحرقة ......كنحاول نتفكر شنو وقع ......كنغوط ......بجهدي .....فاق.. #قيس .....لي غير شافني هكاك ...جلس يضحك .....درت عندوا وانا كلي كنترعد وخنايني ملخطين بدموع .....كنشوف فيه بكره ....ناض من ناموسية ...كيلبس حوايجوا وكيضحك ...وانا حاطة راسي وسط رجلي وكنبكي .....خرج وخلاني مقهورة ......صافي احلامي مشاو ....كولشي تبخر ....8 سنين وانا محافضة على شرفي ....اهئ اهئ ودابا خسرتوا....مع انسان حقير ....كون عرفت غادي نخسروا بين ايديه وكنسلمت راسي لاول واحد قاسني ..... ااااه ياربي اش هاد المكتاب .....علاش ياربي علاش ..... ....بعدما بكيت دم ..بلاصت دموع نضت لبست حوايجي وخرجت ...من البيت ....وقفني الصخرة ...وهو مستغرب من حالتي ...ماكياج تخلط بدموعي وشعري مرون حوايجي لابساهم مقلوبين ...كنتمشى ...بمحاداة الحائط ...محطمة ....طلب مني يوصلني ...انا دزت وخليتوا ....حتى وصلت لباب القصر تفكرت فراس ...هزيت صاكي جبدت منو تيليفون تاصلت بيه فراس:الو انا:اهئ اهئ اهئ فراس:فيروز مالك شنو واقع انا:كولشي ضاع افراس اهئ اهئ كولشي ضاعفراس:فينك دابا انا:فقصر الحقير اهئ اهئ عافاك اجي ديني ....جلست كنتسناه ماهي الى دقائق حتى لقيتوا قدامي شافني تخلع .... بقا كيسول فيا انا مجاوبتوا ركبت فسيارة ...ودرت سمطة وانا كنبكي بلى كلمة بلى جوج ... ركب حتى هو ....وصلنا نزلت كاع لي فقصر كيشوفوا فيا ....وصلت لبيتي ...دخلت ...وهرست كاع داكشي كنبكي وكنغوط .....دربت ايدي بزجاج ....خرج دم وانا كنشوف فيه تفكرت ذم عذريتي وجلست كنضحك.....جاتني هستيرية ديال الضحك والبكى .....اهئ اهئ اهئ ..خيخي وفراس وسمية كيدقوا كيحاولوا يفهموا اش واقع ....وانا غير ماكنزيد فالبكا ...حتى تحل لباب ....دخل فراس ....كيغوط ...شاف دم فايدي ...وهزني ....غادي بيا لسبيطار.... حبساتوا خيخي ... خيخي:ماعندها فين تمشي فراس:كيفاش ما عندعا فين تمشي لبتت ضربات ايديها بزجاج .....راه غادي تموت خيهي:تموت وانت مالك ...الى خرجتي افراس من هاد الباب متحلمش ترجع فراس:انا جالس هنا غير على قبلها ودابا على قبلها غادي نخرج من هنا ......كمل طريقوا بلى مايتلفت وراه .....

...حطتي فطموبيل وديمارا ...ماحبسش حتى ....لمصحة ...خلوني ...وسعفوني ...وفراس بقا برا ...عند فراس: طايح للارض وشاد راسوا ... الله ياربي لا مايمكنش تموت وتخليني..بوحدي ...اتا على قبلك افيروز خليت .....كولشي عى قبلك تخليت على احلامي .....وطموحاتي على قبلك ... ...خرج طبيبي فراس:شنو واش مادرتوش العملية .... راه غادي تموت كنترجاك تعتقها ... طبيب:سمحلي مايمكنش نبدار العملية حتى تخلص فراس:كيفاش نخلص ..... اش كتقول ...البنت كتموت وانت كتطلب الفلوس طبيب:هذا قانون المصحة ....خلص هو الاول عاد يمكن لينا نبداو العملية ... فراس:شحال خاص دالفلوس طبيب:**** فراسشاد راسوا )....فين غادي نلقى هاد المبلغ ماعندي حتى ربع منو .... طبيب:اسيدي ...الى خلصتي نبداو العملية ....راه البنت فقدات دم بزاف ....وخاصنا نبداو العملية فاقرب وقت .... خرجت من المصحة وانا ماعارف ماندير البنت لي بغيتها ولي على قبلها تخليت على احلامي ...وطموحي دابا بين الحياة والموت ....وانا ماقاد ندير والوا ....المبلغ كبير ...اه صافي...اكيد .بلى مانزيد نفكر ... مشيت لقصر .....دخلت ودموع فعيني ...نيشان مكتب خدوج دخلت عليها كيف العجاجة خيخي:اش جاب ياك قلت ليك الى خرجتي ماتبقاش تذخل ... لهاد القصر فراس:كنترجاك تعتقي فيروز راها بين الحياة والموت ....والمصحة طلبوا ليا **** وانا عارفوا عندك .... خيخي:هههههه بين الحياة والموت....تعيش هي وانا نخرج نطلب فزناقي ياك ...انا ماعندي مانعطيك فراسكيغوط)ولش انتي بنادم ولا حجر ....واش عندك القلب هاديك لي كتقاتل الموت راه ختك من لحمك ودمك خيخي:خرج عليا.... انا ماعندي ختي ...والمبلغ لي طلبتي ماتحلمش تاخدوا مني والى كتهمك لهاذ الذرجة سير بيع كلية ديالك ...ونقدها...اه حاجة نسيت عندك غير وحدة .....يلاااااااااااااااه خرج يلاااااااااااه ....خرجت من عندها وانا وفاقد الامل ...عمرني فكرت بلي الفلوس هما كولشي ....كنساوموا على حياة انسان بريئ.مقابل مبلغ دلفلوس اول مرة نكره الفقر ....... وقف عليا راجل ...طلب مني نمشي معاه فراس:شنو حب الخاطر الشخص:تفضل معانا وغادي تعرف فراس:فين بسلامة انا ممساليش عندي همي الشخص:همك هو فيروز .... فراس:فيروز ....انت فين كتعرف فيروز الشخص:الى كنتي باغي تعتقها من الموت تفضل معانا .... ...مشيت معهم بلى مانزيد كلمة ....وصلنا لشي قصر نزلت معهم وذخلنا توجهنا لمكتب ...وذخلوني ....كان شاب عاطيني بضهروا ....سدوا الباب وهو يدور ....وكنتفاجئ بقيس العلوي ... فراس:قيس العلوي ... قيس:اش خبار سي فراس اه وخبار فيروز ...ههههه....مالها مسكينة منين فاقت ولقات راسها فأحضاني وهي كتبكي وكتغوط وفالاخير نتاحرات هههه فراسشنقت عليه)اشنو درتي ليها ...الحيوان ...انت كيف انت عمرك تبدل ...علاش دمرتي البنت قيس:هههه الحب ومايدير اسي فراس راك طحتي طيحة خايبة ههههه فراس:حيوااااااان ...دابا لاش جايبني لهنا باش تسمعني هاد الهضرة قيس:لا اكيد لا ....المهم ...سمعت طلبوا ليك مبلغ كبير وانا غادي نعطيه ليك ولكن بشرط فراس:اش من شرط هذا لي يخلي قيس يعطيني لفلوس قيس:بغيتك تقنعها بعد العملية توقع على شي وثائق فراسبتعجب)اش من وثائق قيس:ديال زواجنا ههههه فراس:شنووزواجكم واش حماقيتي انا نسلمك حبيبتي بطبق من ذهب ..... واش كتخرف عليا قيس:للاسف اه وماعندك حتى خيار اخر ياإما توافق على شرطي ولا حبيبتك غادي تودع هاد الحياة الجميلة .... فراسكيبكي)لا منقدرش نخليها تموت اهئ اهئ انت ماشي بشر ....علاش كولشي كيستغل ضعفنا وفقرنا ....اه موافق موافق على شرطك

قيس:دابا مزيان سي فراس وليتي كتخدم عقلك .... فراس:علاش انت ديما خاصك تاخد اي خاجة كنبغيها مني علالاللاللاش قيس:هههههه انت لي ختارتي ديك طريق اسي فراس ....ودابا خاصك تخلص ههههه...ودير فبالك اي حاجة بغيتيها فالاخير غادي تكون ديالي .... فراس:لهاذ ذرجة اقيس كتكرهني ...لهاذ ذرجة انت انسان حقير ... قيس:هههه ...باراكا من الفلفسة الاغرييقية ديالك ....هاهما لفلوس كاش ....دابا سير عتق حبيبتك ...زعما مراتي المستقبلية ....ومتنساش عندك تلعب معايا راك عارفني اش ندير فراسهز الفلوس ...دار عند قيس)باقي نتلاقاو اسي قيس ...وكل هاذشي ولابد تخلصوا ......خرج من عندوا ومشا لمصحة خلص وذخلوا فيروز لعملية ....بعدما دازت 4 سوايع خرج دكتور فراس:ذكتور واش نجحات العملية عفاك هضر ذكتور:وي الحمد الله العملية نجحات ...ودابا هي تحت تأتير البنج ...من دابا واحد ساعتين بإمكانك تذخل تشوفها فراس:شكرا بزاف اذكتور ......... نرجعوا لفيروز .....حليت عينيا وانا كنجبد فايدي كنت كنتسنا تجي تاني سمية وتضربني بمخدة ونفيق ...ونتخاصموا ...ساعا فقت ...ولقيت ..راسي ...بوحدي...فبيت ..دورت وجهي كنكتاشف فين انا حتى كيبانوا ليا اجهزة دايرين بيا ...وايدي فيها الفاصمة ....سهيت وانا كنحلل ...هاذشي ...ولكن للاسف ..تفكرت كولشي وياريت ماتفكرت...ياريت كون خلاوني نموت ...قطع تفكيري ذخول فراس ...لي كان باينة عليه علامات التعب والسهر .... قرب لعندي ....بخطوات منتظمة ....جر الكرسي ..وجلس تقابل معايا ...حط ايدوا على شعري ....قرب من وجهي وطبع قبلة على خدي ... انا:فراس ...علاش افراس مخليتيني نموت علاش اهئ اهئ اهئ فراس:شششش كيفاش نخليك تموتي ...راك انتي لي عندي ... الى متي حتى انا نموت من بعدك انا:اهئ اهئ كولشي ضاع افراس ....شرفي ضاع .اهئ اهئ ....كان خوفي فمحلوا ....هو دارها بيا ...اهئ اهئ .... ياريت كون مت .. فراس:ولكن كيفاش عرف .

انا:هو شربني العصير لي كنت دايرة فيه فانيدة ..اهئ اهئ ..ومنين بغيت نفقد الوعي اخر كلمة عقلت عليها ...هي فاش فالي بغيتي ديريها بيا ساعا انا لي درتها بيك اهئ فراس:فيروز ... انا هاذشي مابغاش يذخل للراسي كاين تماك شي حاجة ...هو مايمكنش اعرف غير هكاك ...اكيد شي واحد وصلها ليه ...ولكن هاذشي فخبارنا غير انا وياك انا:....فراس بغيت نقوليك شي حاجة ومتعصبش واخا ممتأكداش ...ولكن فراس:شنو هضري افيروز انا:البارح قلت لسمية على كولشي فراسكيغوط)كيييييييفاش واااااش بعقلك ...شحال من مرة كنقوليك حد مايجيب لخبار هاهي دابا بيعات بيك انا:لا منزنش ديرها سنين وانا كنعرفها راها بحال اختي فراس:اش من ختك ...هي من ديما كتغير منك ...من ديما كتكرهك ...شحال من نرة نبهتك ...قلت ليك بعدي منها راه ممزياناش وفالاخير مشيتي وقلتي ليها كولشي وكتسنايها تسترك ..راها كتكرهك واش غاتبقاي ديما نية وغبية انا:اهئ اهئ ...انا تقت فيها ...مكنتش كنزن دير هكا ...يمكن شكنا ماشي فمحلوا فراس:انا دابا غادي لعندها اقسم بالله ونعرف بلي هي سبب حتى نقتلها . ....خرج فراس ومشا لقصر .....لقا سمية جالسة فبيتها ذخل وسد الباب سميةقلبها كيضرب بجهد حيت من ديما فراس هو لي كيأتر عليها )فراس فراسكيقرب منها )حبيبة قلبي توحشتك سمية:حتى انا توحشتك ... فراسلصقها مع الحيط )توحشتيني الكبيدة ديالي سميةنزلات راسها وجسمها كلو كيترعد )اه توحشتك بزاف ...كنبغيك افراس فراسحط شفايفوا على شفايها)انا كنموت عليك (جرها لعندوا بعدما حوطها بايديه)اممم كنموت عليك ...ايوا حبيبة ...انتي لي وصلتي كولشي لقيس ياك سميةخدرها منين باسها ولات بحال الى منومة مغناطيسيا )اه انا لي وصلت كولشي لقيس فراسشد راسوا بزز)وعلاش سمية:حيت كنكرهها ..وهي لي بغات كيكون ليها ...وانت ديما معها وانا لي كنبغيك كاع مكديها فيا ...فراسجرها من شعرها وهي بدات كتغوط)ياك الق***.....(عطاها تصرفيقة)...كتكرهيها(عاود زادها ثانية)كتبغيني(ضرب راسها مع الحيط)مشيتي وصلتيها ليه وخرجتي على البنت(شد راسها وضربوا مع الحيط بجهد حتى طاحت فالارض فاقدة الوعي ديالها) .....خلاها فاقدة الوعي ...ورجع لمصحة

الصخرة:سي قيس صيفط ليك الوثائق ...وقالك اليوم يكونوا عندوا ...ومن بعد مابقاش بغاك تدور بيها ولا راك عارف شنو يقدر يدير ...شدهم فراس ودموع فعينيه ..... وذخل لعند فيروز ...لي كانت ناعسة كيف الاطفال بعدما عطاوها ابرة مهدئة ....مشا لحداها ....كيلعب فوجها بصباعوا ...كيشوف فيها ...وهو كيبكي ...عنقها ...ونزل لفمها باسها ...تخالط لعابهم وهو كيبوس فيها ...البوسة الاولى ولاخيرة ..بوسة الوداع ....بقا على داك الحال ...حتى بدات تستاعد وعيها حيد منها بسرعة ...مسح دموعوا ...وقوى راسوا ...حلات عينيها وكتشوف فيه وهي كتبتسم ليه ...هو لي عندها هو لي ديما كيوقف بجنبها ....مسكينة ماعرفاش بلي هاذي اخر مرة تشوفوا ..... انا:فراس جيتي .... فراسكبحاول يحبس دموعوا لي علىوشك ينزلوا)اه جيت ... انا:امنضرا شنو درتي فراس:هي سبب ...هي لي مشات وصلات ليه كولشي انا:...اهئ اهئ علاش ماعندي زهر وتقت فيها وهي خدلاتني ...اهئ فراس:شششش صافي دابا تاخد جازاها انا:فراس عفاك عنقني ...محتاجة لحضن ...عنقها فراس بلى مايتردد ...وهي كتبكي على صدروا انا:...عفاك افراس وعدني عمرك تخليني بوحدي ...بغيتك ديما تبقى معايا اهئ اهئ فراس: ...منقدرش نواعدك افيروز ولكن لي بغيت نقوليك هو الى درت اي حاجة فهي على قبل مصلاحتك .... انا:كيفاش .... فراسكيمد ليها الوثائق)عفاك وقعي على هاد الوثائق انا:ديالاش ....هاد الوثائق فراس:واش كتيقي فيا ... انا:اه كنتيق فيك ...صافي غادي نوقعهم ...انت اكتر واحد كنتيق فيه افراس ..وانا عارفة بلي عمرك تخدلني ..خدات الوثائق بلى ماتقراهم وقعاتهم ....مداتهم ليه ...شدهم فراس ... فراس:..بغيت نقوليك بلي انتي اجمل انثى فالعالم انتي هي حياتي افيروز .....كنتمنى تسامحيني ....رجع لعندها وعنقها ....وهي مفاهمة والوا